እግሪ እናደለየ ልቢ እናሓንገደ
ቀልቢ ብቁሩሩ ዝባን እናሞቐ
ጸጓር ንውሽጢ ወድዮ ስኒ እናሰሓቐ
ሽክና ብጥርሑ ደረት እናተነፍሓ
ሓሞት ብዝርጉ ልሳን እናነውሓ
ኣብቲ ጸምጸም በረኻ
ንግስተይ’ ‘ንዝብላ ብእምነት ብማሕላ
ብረሃጽ ገዲፉ ብደም ዘገልገላ
‘ንጉሰይ’ ደኣ’ምበር ኣይትብሎን ‘ያ ጊላ
ልባ ኣይርስዖን ነብሱ ‘ተጎደላ
ብሳላት ብመቕደስ ብጸሎት ምህለላ
ኣምላኻ ትገብሮ ናይ መንፈስ ኣኽሊላ።
ኣንቲ ጸላም ወርቂዓርከተይ ዓርከተይ ኢሎምላ፡ ብማሕላ
ከይትድፈር ብጓና ብጕሒላ
ጻሐይ ከይትህረም ክትራ ሰሪሖምላ
ንስለ ክብሪ-ቃልኪዳን ይሕልውዋ በቢታራ
ኮይኖም አብታ ዋላ!
ሕጂ ተፈከርካ እንታይ ከዓብሰላ
ንሳስ ሐዳራ ክትወጽእያ ትጽዕር ዘላ!
ትም! ግዳ በል ከይትሐናኹላ።
ሕልሚ ኤርትራውያን - ክገሃድ እዩ - ታሪኽና ክዛሪ - ክኸውን ነባሪ
መን ኮን ሒዙኪ፡ ፈለማካብ ርሑቕን ቀረባን ድምጺ ሂቡ
በርቅን ነጎዳን ኣዕጂቡ
ህቦቡላ ንፋስ ኣኪቡ
ሰማይ ተጻዓነ ደመና ጐልቢቡ
ከርደነኒ ሂወተይ ከቢቡ
ዓቕለይ ኣጻቢቡ ትንፋሰይ ኣቋሪቡ
መድሕን ክደሊ ትንፋሰይ ንብዓቲ ቀሪቡ
ኣረክብ ስልጣንካ ውጻእ ካብዛ ዓዲ፡
መንእሰይ ክቐስን ክድበስ ወላዲ፡
ክትከል መንግስቲ ብቅዋም ተቐያዲ።
ትሩብሊ ኣንቲ ትሩብሊ
መዕቆቢ ዘይብልኪ መጽለሊ
መዕቀሊ ዘይብልኪ ማይ ክዛሪ
ዳዕሮ’ኳ ዘይብልኪ መውዓሊ
ሱሩ ነዊሕ ዝኸይድ ምድረ ምድሪ
ጎታን ብዓል ጽላል ንእምኒ ፈንቃሊ
ካብ ዓዲ ሓበሻ’ዶ ክልእከልኪ ዋሪ
ብዛዕባኺ እንታይ ከምነውሪ
በቲ ጓለይ ከይትቕየመኒ
በቲ ‘ሃገረይ’ ከይትጎድለኒ
ሰዓታት ቀይረ ዝተኽለሉ ብርዐይ
ለይተይ ገይረዮ መዓልተይ
ዓራተይ ገይረዮ መንበረይ
ሓበነይ ምስ ደቀሰት እብለኩም ‘ሃገረይ’
ሰብ’ዶ የለን’ዩ ንበይነይ ዝቝንዞ
እንታይ ኣምጽኦ ሎሚ’ኸ ክንድዚ ቐንፈዞ
ዒራዒሮ ዊዓ ሓድሽ ምህዞ
ኣደራዕ ዓመጽቲ ምልኪ ዝኣዘዞ
ንወዲ ሰብ ርሱን ሓጺን ዘትሕዞ
ብሂወቱ ከሎ ምስ ምዉታት ዘጐዝጕዞ
ወሰን በል እንዳለ ንለባም ዘፍዝዞ
እዚ ምንታይ ንስልጣን በይኑ ክሕዞ
ምልኪ ወዚሉ
ሰንከልከል ኢሉ
ምርኩስ ሓዙሉ
ከይወድቀኩም ናሕ ኢሉ
መሬት መድምድሉ፡ ክረግጽ ደልዲሉ
ውቃቤኡ ተተመልሶ ሽንፋእ ንጸጉሉ
ንሱ’ኳ ኣሉ’ዩ ዝብሎ ንኹሉ
ሓማዪ’ድኣ ከይትብሉኒ እምበር
ሎምስ ኣዝዩ ወዚሉ
በንጻሩ ብበለጽ ዝሃጠረ
ኣብ በለጽ ዝጋማዳሕ
ግምጥል ክብል ዘይእግሞ
ንተጋዳላይ – ከዳዕ፡ ወያነ ክስይሞ፡፡
ጽባሕ ድማ ኣብ ዳግማይ ግርንቢጥ
ሓርበኛታት ምስተኣኻኽቡ
ካብ ጎደና ህዉታተ ምስ ወጹ
እቲ ኣብ በለጹ – እቲ ኣብ ሃገሩ፡
ዜግነት ይለዋወጡ።