ስርዓት ህግደፍ ምስጢር ክሓብእ ክብል፡ ብዘይ ዝኾነ ይኹን መሰነይታ ብሰላሕመላሕ ሓመድ ከምዘልበሶ እቶም ምንጭታት ብተወሳኺ ኣፍሊጦም።

ምንጭታትና ካብ ኤርትራ ብዝለኣኹዎ ሓበሬታ መሰረት ኮለኔል ተስፋልደት ስዩም የማናይ ክፍሊ ኣካላቱ ለሚሱ ኣብ ሆስፒታል ሓይሊ ኣየር ኣብ ትሕቲ ጽኑዕ ሓለዋ ይሕከም ከምዘሎ ደሃይ ካብ ኤርትራ ብዝብል ኣርእስቲ ኣቕሪብናልኩም ኔርና። ሕጂ ድማ ንድሕረባይታ ኮለኔል ተስፋልደት ስዩምን ኩነታት ማእሰርቱን ንምዝኽኻር ብኤልሳ ጭሩም ተጻሒፉ ኣብ ኣዝማሪኖ ተዘርጊሑ ዝነበረ ጽሑፍ ነቕርበልኩም።

ኣሰና

ስዩም ጸሃየ ብ1952 ኣብ ትኹል ካብ ኣቡኡ ኣቶ ጸሃየ ወልደማርያምን ካብ ኣዲኡ ወ/ሮ ሮማ ሰለሞንን ተወሊዱ፡፡ ኣብ ኣስመራ፡ ኣብ ጸጸራት ዝበሃል ቦታ ድማ፡ ዓብዩ። ኣቡኡ ወናኒ ናይ ኣብ ካምበቦሎ ዝርከብ ባር ዳኦስታ እዮም ኔሮም።

ካብ እዋን ሓርነታዊ ቓልስና ኣትሒዙ ጋዜጠኛ ዝነበረ፡ ካብ መስከረም 2001 ክሳብ ሕጂ ድማ ኣብ ቤትማእሰርቲ ህግደፍ ተሓይሩ ዝሳቐ ዘሎ  ኤርትራዊ ጋዜጠኛ ተጋዳላይ ስዩም ጸሃየ “ጋዜጠኛ ናይ’ዚ ዓመት’ዚ – 2007 ” ተባሂሉ ብሪፖርተርስ ዊዝ ኣውት ቦርደርስ ተረቝሑ።