እቲ ባይቶ ጸጥታ ውድብ ሕቡራት ሃገራት ኣብ ልዕሊ ስርዓት ህግደፍ ዘጽንዖ ኣህጉራዊ እገዳ ሸመታ ኣጽዋር ጥሒሱ ከይከውን ተጠርጢሩ ብሓይልታት ጸጥታ ኖርወይ ዝምርመር ዘሎ ኤርትራዊ መበቆል ዘለዎ ዜጋ ኖርወይ፣ ተኸስተ ተስፋሚካኤል ዝተባህለ እሙን ተለኣኣኺ ወልዱ ባርያ ምዃኑ፣ ምስ ውልቀመላኺ ኢሳይያስ ‘ውን ቀጥታዊ ርክብ ዘለዎ መጋበርያ ከምዝኾነ ምንጭታት ካብ ኣስመራ ሓቢሮም።

ኣብዚ ቐረባ እዋን ኣብ መራኸቢ ብዙሃን ኖርወይ ተጠቒሱ ከምዝነበረ፣ 17 ዋንነተን ናይ ሰራዊት ኖርወይ ዝኾና ዓበይቲ መካይን፣ ወተሃደራዊ እንታይነተን ንምኽዋል ኣብ ከባቢ ዱባይ ናይ ሲቪል ሕብሪ ተለኽየን ናብ ዱባይ ዝተላእካ ተመሲለን ናብ ኤርትራ ክኣትዋ ተዋዲደን ከለዋ ተኸታተልቲ ውድብ ሕቡራት ሃገራት ረኺቦመን ነይሮም። ቀንዲ ተዋስኣይ ናይቲ ስራሕ ተኸስተ ተስፋሚካኤል ምዃኑ ከኣ እቶም ምንጭታት ኣረጋጊጾም። (ነቲ ብማዕከናት ዜና ነርወይ ዝተዘርግሐ ዜና ንምርኣይ ኣብዚ ጠውቑ)

ብመሰረት ሓበሬታ ናይቶም ምንጭታት ብተመሳሳሊ ጥበብ ድሮ 112 መካይን ናብ ኤርትራ ኣትየን ኣለዋ። እተን ኣብ ዱባይ ተረኺበን ዝብሃላ ዘለዋ ተረፍ ናይተን ተኸስተን ህግደፍን ብምስጢር ዘእተዉወን ተሽከርከርቲ እየን።

ተኸስተ ተስፋሚካኤል ኣብቲ ንተግባራት ወልዱ ባርያ ንምቅላዕ ኣቐዲሙ ኣብ demo.archive.assenna.com ተዘርጊሑ ዝነበረ ሓበሬታ ‘ውን መሳርሕቱ ምዃኑ ተጠቒሱ ኣሎ።

(ነቲ ንወልዱ ባርያ ብዝምልከት ተዘርጊሑ ዝነበረ ሓበሬታ ንምርኣይ ኣብዚ ጠውቑ)