ኣብ መጻረዪ ዋንጫ ዓለም ክሳተፉ ድሕሪ ምቕናይ ኣብ ቦትስዋና ፖለቲካዊ ዑቕባ ዝሓተቱ 10 ኣባላት ሃገራዊ ጋንታ ኩዕሶ እግሪ ኤርትራ ናብ ኤርትራ ንኸይምለሱ ካብ ላዕለዋይ ቤትፍርዲ ናይታ ሃገር ውሕስነት ከምዝረኸቡን ናይ ዑቕባ ጉዳዮም ኣብ ታሕሳስ 11 ኣብ ቤትፍርዲ ክስማዕ ተወሲኑ ከምዘሎን ኣብ ቦትስዋና ዝነብር ጉዳዮም ኣብ ምክትታልን ምስላጥን ክተሓባበር ዝጸንሐ ወኪል EMDHR ሓው ኣዳነ ንራድዮ ኣሰና ሓቢሩ።

ንሱ ኣብ መግለጺኡ፣ ሚኒስትሪታት ምክልኻልን ፍትሕን ትካል ጸጥታን ቦትስዋናን ኣብ ፈለማ ኣሚቶሞ ዝነበሩ ነቶም ኤርትራውያን ተጻወቲ ናብ ኤርትራ ናይ ምምላስ ውሳኔ ብምቕያር፣ ላዕለዋይ ቤትፍርዲ ቦትስዋና ኣብ ዝኾነ ይኹን ኩነታት ናብ ኤርትራ ከምዘይቅሰቡ ውሳኔ ምሕላፉ ዘሐጕስ ውሳኔ ምዃኑ ኣረዲኡ።

ህዝቢ ቦትስዋና ኣብቲ ጉዳይ ንዘርኣዮ ምድንጋጽ ድማ ኣመስጊኑ።

ዝርዝር ትሕዝቶ ናይቲ ን10 ሓተቲ ዑቕባ ሃገራዊት ጋንታ ኤርትራ ዝምልከት እዋናዊ ሓበሬታ፣ ኣብ ናይ ሎሚ ቀዳም መደብ ድምጺ ኣሰና ተኸታተሉ።