መበል ዕስራን ኣርባዕተን መዓልቲ ነጽነት ኣብ ላስቬጋስ ብድምቐት ተጸንቢሉ። እቲ መደብ መጀመርታ ብዝኽረ ሰማእታትን ሃገራዊ መዝሙርን እዩ ተጀሚሩ፡ቐጺሉ  ኣቶ ኣምባሳጀር ብትግርኛ ኣቶ ከራር ድማ ብዓረብ መልእኽቲ መዓልቲ ነጻነት ኣመሓላሊፎም።ኣብቲ መልእኽቲ መጀመርታ እንቛዕ ናብ መበል 24 መዓልቲ ናጽነት ኤርትራ ኣብጻሓኹም ኢሎም ብምጅማር ቐጺሎም ነቶም ካብ መግዛእቲ ሓራ ኽንከውን ህይወቶም ዘወፈዩልና ጀጋኑ ሰማእታትና ክብርን መጎሰን ይብጻሓዮም ።ኤርትራ ልኽዕ ዕለት 24 ወርሒ 05 ጠቕሊላ ከብ መግዛእቲ ሓራ ወጺኣ።እቶም በጃና ዝሓለፉ ሰማእታትና ንሕና ኽርህወና ክንመሃር ጸጊብና ኽንሓድር ከም ድላይና ኽንንቀሳቀስ ኣብዛ ወርሒ እዚኣ ነዛ ኽብርቲ መዓልቲ እዚኣ ኣረኺቦምና፡ስለዝኾነ ድማ ነዛ ብከቢድ መስዋእቲ ዝመጸኣት ናጽነት እንሀለት ብኽብሪ ነብዕላ ነዘላኣለም ድማ ተከቢራ ኽትነብር እያ።ምኽንያቱ ነዛ ኽብርቲ መዓልቲ እዚኣ ውልቐ ሰባት ዘይኾኑስ  ህዝቢ ኤርትራ እዩ ካብ ከርሱ ዝወጹ ደቑ ንብረቱ ኣወፊዩ ኣምጺእዋ ።ስለዝኾነ ድማ ንሕና ደቓ ብዝመስለና ገይርና እንተዘከርናያን እንተብዓልናያን ሓንቲ ኣበሳ የብልናንን ኢሎም።

 ቀጺሎም ዝከበርኹም ኤርትራውያን ኣብዚ ዝሓለፈ ኣዋርሕ ንህዝቢ ኤርትራ ብዘጋጠሞ ከቢድ ጥፋኣት ደቑ ኣብ ከቢድ ሓዘን ከምዝርከብ ንረኢ ኣለና ።ካብኡ ብምብጋስ ድማ ንሕና ምስ ህዝብና ንምሕዛን ነዛ ኽብርቲ መዓልቲ እዚኣ በከምዚ መንገዲ ከነብዕላ ምውሳና ብስምኹምን ስድራ ግዳያትን ኽብሪ ይስማዓና ።ምኽንያቱ  መጀመርታ ኽከብር ዘለዎ ህይወት ስለዝኾነ። ሎሚ ጋይላ ዝጽወተሉ መዓልቲ ኣይኾነን፤ 350 ህይወት ኣብ ሓደ መዓልቲ የጥፊእና ክንስዕስዕ ገበንን ሕማቕ ታሪኽን እዩ።

 ኣብ መወዳእታ ደጊምና ምስ ኩሉ ስቅያትናን ሽግርናን እንቛዕ ናብዛ ኽብርቲ መዓልቲ ኣብጻሓኹም ብምባል ንኹሎም በዚ ሕማቕ ኣጋጣሚ ዝተጎድኡ ስድራታት ጽንዓት ይሃብኹም ብምባል መልእኽቶም ብትግርኛን ዓረብን ኣመሓላሊፎም።ቐጺሉ  እቲ መደብ ብመንእሰያት ላስቬጋስ ዝተዳለወት መርድእ ዘርእስታ ሰሓቢት ሓጻር ድራማ ቐሪባ ካብኡ ብምቕጻል ዝተፈላልዩ ለበዋታት ብምትሕልላፍ እቲ መደብ ብዓወት ተዛዚሙ።

                                       ምንቕስቃስ መንእሰያት  ንለውጢ ላስቬጋስ ዕለት 05/23/15