ሲቪካዊ ባህላዊ ማእከል ማሕበረኮም ኤርትራውያን ተባሂሉ ዝፍለጥ ብህግደፍ ዝዝወር ኣብ ኦክላንድ ዝርከብ ማሕበር፣ ሓደ ካብቶም ፍሉጣት ከላህዩዎም ዓዲሞሞም ዝነበሩ ከዋኽብቲ፣ ኣርቲስት ዮሃንስ ትኳቦ (ወዲ ትኳቦ) ንስርዓት ህግደፍ ኣብ ኣመሪካ ድሕሪ ምርሕርሑ፣ ነቲ ን26 ጥቅምቲ ከካይዶ መዲቡዎ ዝነበረ መደብ ሳዕስዒትን ዳንኬራን ከምዝሰረዞ በወግዒ  ኣፍሊጡ።

እቲ ማሕበር ንምስራዝ ናይቲ መደብ በቲ  ኣብ ላምፐዱዛ ዘጋጠመ ህይወት ልዕሊ 360 ኤርትራውያን ዘህለቐ ትራጀዲ ከመኽንዮ ኳ እንተፈተነ፣ እቲ ሓደጋ ብ 3 ጥቅምቲ ወሪዱ ኸሎ ስቕ ኢሉ ክጉስጕሰሉ ድሕሪ ምቕናይ፣ ወዲ ትካቦ ንስርዓት ህግደፍ ምስ ራሕረሖ 21 ጥቅምቲ እዩ ከምዝሰረዞ ሓቢሩ።

ኣብ ኣትላንታን ቦስተንን ዝርከቡ ደገፍቲ ስርዓት ህግደፍ፣ እቲ ንኤርትራውያን ይትረፍስ ንዓለም ዘሰንበደ ከቢድ ሓዘን ኣማኢት ኤርትራውያን ብውዑዩ ኸሎ ፣ ህዝቢ እናነብዐ፣ ከምዝሳዕስዑ ይፍለጥ።