ምስ ርኢቶታት ተሳተፍቲ።                                            23-08-13፡

ብዛዕባ እቲ ‘ሰነዳት‘ ኢልና ዝጀመርናዮ መደብ እንድዩ፡ ኣብ መወዳእታ መዛዘሚና ምስ ርኢቶታት ተሳተፍቲ ክንገብር ብ ዝኣተናዮ ቃል መሰረት ኢና ሎሚ ተቐልቂልናኩም። እቲ በቢእዋኑ ዝቐረበ ርኢቶታት ድሮ ርኢኹሞ ኣለኹም። እቲ ዘይ ረኣኽሞ ገሊኡ ከምቲ ዝቐረበ ገሊኡ ድማ ዝተፈለየ ርኢቶታት ኢዩ በጺሕና ዘሎ። ብትሕዝቶ ክጉጀል እንከሎ 95% ንጹ ር ሃገራውነት ዝመቐነቱ በዳሂ፡ ገለን ብግዳያት ተደናጋጺ፡ ኣዝየን ውሱናት‘ውን ጥርጣረ ብዝመላዕጠጢኡ ደጋፊ ህግደፍ ኮይኑ ተሰሚዕና። ንኩሉኹም ወሃብቲ ርኢቶ ድማ ብልቢ ነመስግን። ቅድሚ ንገለ ካብቲ ኣገዳሲ ኮይኑስ ክንምልሰሉ ዘለ ና ምምላስና ስለምንታይ ብዛዕባ ሰነዳት ምዝራብ ተደልዩ ዳግማይ ሓጺር መብርሂ ጽቡቕ ይመስለና።

ብዛዕባ ሰነዳት ምዝራብና ትጽቢት ናይ ብክቱር ስክፍታን ድንንጋጸን ክትልለዉልና‘ሞ ኣእዳውኩም ንድሕሪት ጠጠዊኹ ም ምሒር ክትቁዝሙ ክንርኢ፡ ወይ እልፊ ነባዒ ርኢቶታት ክንሓፍስ፡ ከምኡድማ ስምዒት ደቂ-ሰባት ብጓሂን ቁጠዓን ሰ ማይ ኣዕሪግና ብዘይፍታውኩም ናብ ሳቮያ ክንድርግመኩም ስለዘብሃገና ኣይኮነን። ድሕሪ ናጽነት ብርግጽ ትጽቢት ህዝቢ ኮነ ተጋዳላይ ንርእሱ ምስቲ ድሓር ዝተራእየ መንግስታዊ ብኽነት ምግጣም ኣብይዎ ትርጉም ሃገራውነት ንባዕሉ ስለዝተ ዘራረጎ እታ ክሳብ ሕጅን ንቐጻልን ንኩሉ ብዓል ሕልና ተዛርቦ ዘላ ሓንትን ንጽርትን ሕቶ፡ “ህዝባዊ መንግስቲ ኣበይ ኣላ? ሃገርከ ናበይ ገጻ ተሽከርክር ኣላ“?  ትብል ስለዝኾነት ግድን ክንመላለሳ ኢና።

ብተወሳኺ ከምቲ ትፈልጥዎ ህግደፍ ሻፎ ባዕዳውያን ኣበርጊግዎ ነብሱ ወፍዩ ሃገራውነቱ ክዕቅብ ብዘይምኽኣሉ ኮንዶኾ ን ከምመከሓሓሲ ጥልመት እንተኣምርሐስ ነብሲ ትተርፍ ብዝብል እጓልያ ሓሳብ ንውዕሎን ዓስብን ተጋደልቱ ጀሊሑ ጣዕሚ ፍረ-ሰውራ ከዐርዕር ከምርር ኢዩ ዝተራእየ። ከምኡ ድማ እቶም ባይታ ከንብቡ ዘይካአሉ ሸለልቲ ደበልቲ። እቲ ዝዋሳእ ዘሎ ተጋዳላይ እምበኣር ነዞም ሰብ ጽባሕ መንእሰያት ከስንቕ ክብል ኢዩ ዝትርኽ ዘሎ‘ምበር ብሂወቱ እንከሎ ካ ብዚ ሓድሽ ወሎዶ ዝጽበዮ እምባ ረብሓ ስለዘለዎ ኣይኮነን።……….

ካብዚ ብምብጋስ፡ ቀዳማይ ገጽ ቃልስና ተዛዚሙ ካብ ጽባሕ ናጽነት ተጋዳላይ እንታይ ይሓስብን እንታይከ ኣጋጢምዎን ጻውዒቱ ንህዝቢ ከምዘቕረበን ንመረዳእታ ጥራይ ክንብል ኢዩ ኣርባዕቲአን ሰነዳት ዘቕረብናየን። ንዕዑ ምርኩስ ብምግባ ር ይኸውን ግዱሳት ተኸታተልቲ ድማ ኣብ ዝለኣኽኩሞ ሕቶታትኩም እታ ብብዝሒ ዝወጠረትና፡-

“እሞ ከምኡ እንተኾይኑ ነቲ ተሰኪምኩሞ ዝመጽእኩም መንግስቲ ትፈልጥዎዶ ኔርኩም? ትፈልጥዎ እንተኔርኩም ንምን ታይከ ቀልጢፍኩም ስጉምቲ ኣይወሰድኩምን“? ትብል ነይራ።

ከምቲ ካልእ ኩሉ ዓቕምና ድሩት እንድዩ፡ ካብ ተራ ሰባት ዝወሃብ መልሲ ከየዕግበኩም ይኽእል። ብዝኾነ እቲ ዝርካብና ንምክፋል እንሆ። ብቐዳምነት ክትምለስ ዝግባኣ ሕቶ ግን እዛ ትስዕብ ኢያ።

“ከምዝመስለኒ ጎደፋ ኢልካ ስም የለንሞ መን ምኳንኩም እንተተግለጸልና ጽቡቅ  ነዪሩ። ክንደዪ ተጋዳላዪ እናበለ ዝተዛ ረበ ዝጸሃፈ ሉኡክ ኮዪኑ ኣሎ። ምእማን ሲኢናኩም። ነዛ ሪእቶዪ ከምን ምስ ኣርከዪ ኮነ ጽሂፈያ“………

እዚ‘ሞ ሓቂ ኢዩ። ዋሕስነት ክቕድም ንርእሱ ዋሕስ ብምዃኑ። ውሑስ መገዲ ምምራጽ ግና ንመራጺኡ ይምልከት። ዝኾ ነ ኮይኑ ከሳስን ተኸሳስን ኴንና ኣብ ቅድሚ ፍትሒ ክሳብ ዘይቀረብና ዘሰክፍ ዘሎ ኣይመስለንን። ማለተይ እቲ መንፈስኩ ም ዘይቅበሎ ኣስማትስ ይትረፍ ዝኣመንኩሞም ሰባት‘ውን “ተላኢኾም“ ትብልዎም ኣለኹም።ንነገሩ ጽሑፍ ዘዝሓንጠጠ፡ ኣብ መድረኽ ዘዝመደረ ዘበለ ኩሉ እምነቱ ከምቲ ዝብሎ ከይከውን ይኽእል። ይኹን ከኣ ከምቲ ንስኻትኩም መንነት ጸ ሓፍቲ ምፍላጥ ዘድልየኩም ዘሎ፡ ንሕና ድማ ክንዲ ብመልክዕ ወይ ብፕሮፖጋንዳ፡ ኣብ ትሕዝቶና ከተድህቡ ንላቦ።

ነታ ቀዳመይቲ ሕቶ ንምምላስ፡-

እወ ኣጸቢቕና ንፈልጦ! ፍልጠት ግን ንኩልኻ ብምቅሊት ዝዕደል መቑነን ኣይኮነን። ኣብቲ በረኻ ንተጋዳላይ ‘ተጋዳላይ‘ ዘበሎ‘ኮ ገደል ስለዝዘለለ፡ እምባ ስለዝሓኾረ፡ ስለዝቐተለ ዝተቐትለ‘ኮ ኣይኮነን። ርግጽ ቀዳማይ ጸላኢ ንተጋዳላይነትና ኮ ነ ንሓድነትና ልዑል ኣስተዋጽኦ‘ዃ እንተነበሮ፡ ብቀንዱስ ነቲ ውሽጣዊ ቃልሲ እናፈለጦ ክጻወር ክስከም ብምኽኣሉ ኢዩ ‘ተጋዳላይ‘ ዘበሎ። ከመይሲ ተጋዳላይ ኣንጻር ግዝኣት እናተቓለሰ ሕሉፍ ገዛኢ፡ ኣንጻር ምልኪ እናመከተ ሕሉፍ መላኺ፡ ፈጢሩ። ጥልመት እናኣወገዘ‘ውን ብሕሉፍ ጠበቓ ሃጸይ መጸይ ተጠሊሙ።……..ስለምንታይ ግን ክንድኡ ተወፋይነት?

ዝኾነ ኮይኑ ቀዳማይ ገጽ ቃልስናስ ተዛዘመ ድኣ። ከምቲ ቀደሙ ካብ ጽባሕ ናጽነት‘ውን ኣይደቀሰን ተጋዳላይ። መድረኽ ቃራና መገዲ ዘደቅስ ብዘይምንባሩ። ተሰኪምዎ ንዝኣተወ ደመኛኡ ኣጸቢቑ ስለዝፈልጦ ናጽነት ናበይ ገጻ ከምተብል ኣዝ ዩ ተኣፋፊ መድረኽ ነበረ። ከምታቀደሙ ሕድገት እናገበረ እንተኣስቀጠኸ እታ ህዝባዊት መንግስቲ ብርግጽ ክትትከል ዶ ኾን ትኸውን? ክትምለስ ዝነበራ ሕቶ ኢያ።

ጉድ ነበረ! ገና ብጽባሑ ኣብ ነንሕድሕድና ኮነ ምስ ህዝብና ‘መድረኽ ዕርቂ‘ እናተጸበና ጣዕሚ ናጽነት ከይተለኽፈ ኣብዝ ተሰምዐ ፈራዕራዕ ቀዳማይ መፈወኒ ጣልማይ መጥቃዕቲ ንሱዃ እንተነበረ ዕጥቁ ኣይፈትሐን። ሽዑ ከምቲ ቀደም ወይ ከ ምዚ ናይ ሎሚ ሰባት እንዳቦይ ተዓገስ ወሺብካ ምድቃስ ኣይነበረን‘ሞ እቲ ግዳይ ድማ ብዝተፈላለየ መልክዑ ተቓውሞ ኡ ከስምዕ ተራእየ። ብዘለና መረዳእታ በቲ ግዜ‘ቲ ናብ ዝምልከቶም ሚኒስትሪታት፡ ዞባዊ ምምሕዳር፡ ውልቀ-ሓለፍትን ብቐንዱ ናብ ፕረሲደንት ኢሳይያስን ማእለያ ዘይብሎም ሃራውያን ጥርዓናት፡ ምሕጽንታታት፡ ሓበሬታን ኣቤቱታን ተጋደ ልቲ ቀሪቦም ኢዮም።“እሞ ነያኻ ነቦኻ በሎ‘ምበር ንዓይ ኣነ እንታይ ትብለኒ? ድማ ተባህለ። ወዮ ኣብስራሕ መንግስቲ ዝ ተረፈ ‘ሕሩይ‘ ግና ከከምመዝነቱን ኣብ ዘዝተመደቦን ኮይኑ ነታ ዝተመነያን ዝዓተራን ‘ሃገረ – ኤርትራ‘  ዝተሰምየት ዑና ሃዳስ ዓለሙ እንታይ ክገብረላ ከምዝኽእል ብሓድሽ መንፈስ መደባቱ ክኽጥጥ (ክውጥን) ጀመረ።

ሰነዳት ቢተወደድ ኣብራሃ ከምኣብነት ናይዚ ክጥቀስ ይካአል። ንሱ ነታ ብሓላፍነት ዝተመደበላ ዓሰብ እንታይ ክትመስለ ሉ ከምዝደልያ መደባቱ ቁልጭ ኣቢሉ ስለዘቕረበ፡ “ወይለይ እዛ ዓድስካ ክሰልጣ ኢዩ“ ካብ ዝብል ክቱር ሕስድና ብዘቑጸ ልጸለ ምስምስ ተሓይሩ። መጽናዕቱ እንተዝትርጎም ንመንና ኾን ምጎድአ? ኢቲዮጲያኸ በቲ መደባቱ ምተሃሰየትዶ?

ካልኦት ሓለፍቲ‘ውን ኩሎም ከምቲ ናቱ ዘዝምልከቶም መደባት ሓንጸጹ። ንኣብነት ጥራይ፡-

ንበል ሓለፍቲ ኣገልግሎት መጓዓዝያ ህዝብን ንብረትን። ከምዝፍለጥ ኣብውሽጢ‘ዚ ክፍሊ‘ዚ ሓያላት ክኢላታት ስለዝነበ ርዎ ኩሉ ወተሃደራዊ ይኹን ካልእ ውድባዊ ማሽነሪን ምስ‘ዚ ኣሃዱ‘ዚ ተዋሲቡ ይሰርሕ ነበረ። ከምኡ‘ውን ክእለት ሓፈሻ ዊ ሓጺነ-መጺንን ማሽነሪን እንክለዓል ስዉእ ብጻይ ኮለኔል ሚኪኤል ፍሰሃየ ድማ ክዝከር ግድን ኢዩ። ኣገልግሎት መጐ ዓዝያን ንብረት ነጻነታዊ ውድብን እምባአር ከምዚሎሚ ኣብ ምሕደራ ወልዱ ባርያ  ኣትዩ ከይተመራስሐ እንታይ ዝኣመ ሰለ ብሉጽ ስራሓት ተሰሪሖም ዝፈልጥ ይፈልጦ።ድሕሪ ናጽነት ከኣ ክኢላታትና እንታይ ዓይነት ፈኮስትን ከበድትን መጐ ዓዝያ ሰብን ንብረትን፡ ከምኡ ድማ ኩነታት ጽገንአንን ኣጽኒዖም ከእትዉ ክውጥኑ እንከለዉ፡ ክኢላታት ጽርግያ‘ውን ኣበ የናይ ቦታ እንታይ ዓይነት መገድን ቢንቶታት ኮነ ድልድላትን ከምዝሰርሑ ኣጻፊፎም ወድኡ። ሚ/ሪ ትምህርቲ ነቲ ተረ ሚሱ ዝጸንሐ ስርዓተ-ትምህርቲ ከበራብር ብሓድሽ መደባት ነጠፈ።

ካልኦት ሚኒስትሪታት ንኣብነት ሕክምና እንተረኣና‘ውን ዓይነትን ብዝሕን ሓካይሙ ኣበርኪቱ ኣብ ሃገርና ከም ፖሊዮ፡ ዓባይ-ሰዓልን ዓሶን ዝኣመሰለ ሓንሳብን ንሓዋሩን ከጥፍእ ተላዕለ። ከምኡ‘ውን ሚ/ሪ ሕርሻ ተመጽዋትነት ወጊዱ ጥምየ ት ዝበሃል ካብገጽ ምድርና ነበረያ ነበረ ክገብር ብዝሓዞ ውጥን ክሓርስ ክጫኹር፡ ክግርብ ክሓዝእ፡ ክዛሊ ከልምዕ ተበገ ሰ። ፖለቲከኛታትና ከኣ ኣይሰነፉን። ብውሽጢ ቅዋማውነት መሓውር መንግስቲ (ሓጋጊ ፈጻሚን ፈራዲን ኣካላት) ምስ ህዝባውነት ናጻ ፕረስ ከመይ ከምዝጋጠም ተጻዕረሉ። ባይታ ናይተን ገና ዘይተመስረታ ፖለቲካዊያን ሰልፍታት ተመድመ ደ። ብግዳም ድማ እቲ በረኸኛ መንግስቲ ከመይ ኣቢሉ (ክሳብ ሰለስተ ርብዒ ኣባላቱ ብምጥያስ ከይተረፈ) ምስ ጎረባብ ቱን ብዓለሙን እምንቶን ምርግጋእን ፈጢሩ መገዲ ሰላምን ብልጽግናን ከምዝምርሽ ከእምን ተጋደለ። ወዘተ……..

ክቡር መራሒ ሓዳስ ኤርትራኸ እንታይ ይገብር ነበረ?

“ኣቦይን ኣደይን በበይኑ ሕልሞም“ ከምዝበሃል ንሱ‘ሞ ኣብዚኩሉ ሓድሽ ሃገራዊ ውጥናት ቅንጣብ ኣስተዋጽኦ ከምዘይነበ ሮ ዝገልጹ ኣለዉ። ንዓዓቶም ብደብዛዝ ጠመተን ገርናው ስማዕን እናኣቛመተ ቅዉምነገር መሳርሕቱ ክጅልሕ ንህሙላት መራሕቱ ኣብ ሕዛእቲ ፋም ጣጥ ዝፈነወ መራሒ መቃልስቱ ገለን ብተስፋ ቁርጸት ገለ‘ውን ብስእነት ንብልሽውና ኣቃሊ ዑ ንርእሱ‘ሞ ክሳብ ብሕማም ኣመሳሚሱ ካብ ሃገር ድሕሪ ምሽራቡ ኣብ መልሱ ንእለቱ ሓደስቲ ዝትሕዝቶኦም ናይ ብ ሕቱ መደባት ክቀላቐሉ ጀመሩ። ኩሉ ተሰጊሩ ኣብ መሰጋገሪ መንግስቲ ምስተበጽሐ፡ ከምዚ ሎሚ ወራስ ዓራት ንከላሊ ብሞት በዓል ስልጣን ተሰነዩ ርካቡ ዘመረቐ፡ ሽዑ‘ውን ንጽምብል ምስረታ ሓዳስ ስውርቲ ሰልፉ ክእውጅ ሳልሳይ ውድባ ዊ ጉባኤ ጸውዐ። ዝነበረት ሰልፊ ኣፍሪሱ ከብቅዕ እንደገና ሓዳስ ሰልፊ ‘ህግደፍ‘ ክብል ድማ ኣጠመቓ። ግድን‘ዩ እውን ካልእ ዝያዳ ዝተሰወረት ክትነብር።

እዚ ኩሉ ትያትሮ ተጋዳላይ ይፈልጦ ኣይነበረን ክበሃል ኣይካአልን። እንተኾነስ ክሳብ‘ታ መሰጋገሪት መንግስቲ ምጽማም መዛዘሚ ገድልን ተጋዳላይን ገይሩ ስለዝሓሰቦ እናተገፍዐ ተዓገሰ። ግናኸ ወዮ ወሓለ መራሒና ከኣ ኣብ ድርኩዂት መሰ ጋገሪ መንግስቲ ነቲ ረብሓ ሃገርና ዘይነበሮ ስዑር ኲናት ባድመ ኣባርዐ። ባቃ!!!! ድሕሪ ሞት ጥዕና ቅበጽ!

ነዚ ሓድሽ ኲናት ሓደ‘ዃ ክመጽእ ኢዩ ኢሉ ዝተጸበዮ ኣይነበረን። ህግደፍ ድማ ንኲናት ዝከውን ቅንጣብ ምድላው ኣይ ገበረትን። ኲናት ኲናት ጥራይ ኢዩ። እሞ እዚ ሓድሽ ኲናት ንምንታይ ብኸመይ መጺኡ? ዝምልስ የለ መገላበጢ ግዜ የለ። ጥርቅም ጥራይ! ሓንቲ ሒዝካ ጭፍራ ወያነ፡ ኣመሪካ…….። ልቢ ክቡር ፕረሲደንት ሓዳስ ሃገረ-ኤርትራ!!!!!!!!!!

ይቕጽል።                                                                                                                             “እዞም መንእሰያት ንስኹም ትብህግዎ ለውጢ ከምጽኡ ይኽእሉ ኢልኩም ትኣምኑዶ“?……..

ጎደፋ፡