ማሕበር ኤርትራውያን-ኣመሪካውያን ኣብ ኣትላንታ ጆርጅያ ንምሕዳስን ንምስፋሕን ብ ቐዳም 26 ሚያዝያ ኣብ ኣትላንታ ኣብ ዝተኻየደ ልዕሊ 500 ኤርትራውያን ተቐማጦ ኣትላንታ ጆርጅያ ዝተሳተፉዎ ማዕከን ገንዘብ ናይ ምስሳን (ናይ Fundraising Raising) ዕዉት ምሸት ልዕሊ 63 ሽሕ ዶላር ገንዘብ ክዋጻእ ከሎ፣ ህቡብ ድምጻዊ ወዲ ትኳቦ ከኣ ድሙቕ ምርኢት ከምዘቕረበ ምንጭታት ኣሰና ካብቲ ቦታ ሓቢሮም።

ተሳታፍነት ኤርትራውያን ተቐማጦ ኣትላንታ ጆርጅያ ኣብቲ ኣጋጣሚ ካብ ትጽቢት ኣዳላወቲ ንላዕሊ ኮይኑ፣ መጽንሒ መካይን (Parking) ጸቢቡዎም ክሳተፉ ዕድል ዘይረኸቡ ከምዘለዉ እቲ ሓበሬታ የመልክት።

ብመሰረት ‘ቲ ሓበሬታ፣ ኤርትራውያን ኣመሪካውያን ተቐማጦ ኣትላንታ ጆርጅያ ፖለቲካዊ ፍልልያቶም ብዘየገድስ ብስኒት ኣብቲ ኣጋጣሚ ምምሳዮም ኣብ ብዙሕ ምትእኽኻብ ኤርትራውያን ዘየጋጥም ኣብነታዊ ተመክሮ ከምዝነበረ፣ ብፍላይ ድማ እቶም ኣብ ናይ ካልኣይ ደረጃ ክሊ ዕድመ ዘለዉ ተማሃሮ ካብ ካልእ ጽልዋታት ነጻ ኮይኖም ርእሶም ክኢሎም ኣብ ዝወደቡዎ ጸወታ ኩዕሶ ሰኪዐት ክነጥፉ ምርኣይ ንወለዶም ተስፋ ዝሃበ፣ ነቲ ኣጋጣሚ ተወሳኺ ድምቀት ወሰኸሉ ፍጻሜ እዩ ነይሩ።