መንግስቲ ጥልያን “ህዝባዊ ስነስርዓት ቀብሪ” ግዳያት ላምፐዱዛ ንጽባሕ ሰኑይ 21 ጥቅምቲ፣ ሰዓት 4፣00 ድሕሪ ቀትሪ ኣብ ኣግሪጀንቶ (ሲሲልያ) Agrigento (Sicily) ክግበር ወሲኑ ከምዘሎ ከምዘሎ ምንጭታት ካብ ዓዲ ጥልያን ሓቢሮም።

እቲ ግዜ ሓጺር ‘ኳ እንተኾነ፣ ብዝተኻእለ መጠን ኩሉ ኤርትራዊ ኣብቲ ስነስርዓት ቀብሪ ተረኺቡ ነቶም ንጹሃት ኤርትራውያን ክንዲ’ቶም ኣብ ኤርትራ ዘለዉ ቤተሰቦም ኮይኑ ብኽብሪ ከፋኑዎም ነተሓሳስብ።

መንግስቲ ጥልያን ዛጊት ብዘይተነጸረ ምኽንያት ንምድላው ዝበቅዕ እኹል ግዜ ‘ኳ እንተዘይሃበና፣ ብትዕጽጻፍ ኣብቲ ቦታ ተረኺብና ሃገራዊ ሓዘና ብምግላጽ ሞራላዊ ሓላፍነትና ክንስከም ግቡእ እዩ።

ሓበሬታ ብዛዕባ ተኽእሎታት መጓዓዝያ ክህቡና ኣብ ዓዲ ጥልያን ንዝርከቡ ኤርትራውያን ተወኪስና ኣለና። ብዝቐልጠፈ ኣብ መርበብ ሓበሬታ ኣሰና ክንዝርግሖ ምዃና ድማ ንሕበር።