ኣብ ልዕሊ ወያነ ሕነ ናይ ምፍዳይ ሕልሚ ዘለዎ ውልቀመላኺ ኢሳይያስ ኣፈወርቂ፡ ምስ ዝርካቡ ሰራዊት 1ይ ሚኒስተር ኢትዮጵያ ዝተወሃሃደ መጥቃዕቲ ንምግባር ምስ ኣዘዝቲ ሰራዊት ይዘራረብ ከምዘሎ ምንጭታት ካብ ኤርትራ ሓቢሮም።

ንሱ ኣብቲ ንኣዘዝቲ ሓይልታት ምክልኻል ሓደ ብሓደ እናረኸበ ዝገብሮ ዘሎ ዝርርብ፡ ወያኔ ወተሃደራዊ ዓቕሙ አይተዳኸመን።  ወያነ በቲ ጠቅላይ ሚኒስተር ኣብይ ምሳና ዝወሰዶ ዘሎ ናይ ሰላም ስምምዕ ሕጉሳት ስለ ዘይኮኑ ዕልዋ ክገብሩ ተኽእሎ ኣሎ። እዚ ድማ ንዓና ሓደገኛ ኢዩ።  ድሮ ብጠቅላይ ሚኒስተር ኣብይ ዝተዋህበ ትእዛዝ ምስሓብ ሰራዊት ካብ ዶብ ነጺጎሞ አሎው ፡ ከምኡ ተኾይኑ ንሕና በዚ፡ እቲ ናይ ዶክተር ኣብይ ዝርካቡ ሓይሊ ድማ ብውሽጢ ናይ ምጥቃዕ ስጉምቲ አይክተርፍን ኢዩ።` ብምባል፡ ነቲ ገና ኣብ ሕልሙ ዘሎ ሕነ ናይ ምፍዳይ ስምዒት የንጸባርቕ ከምዘሎ እቲ ሓበሬታ የረድእ።

ይኹን`ምበር ኣዘዝቲ ሰራዊት በቲ ናይ ኢሳይያስ ሃቐነ ብጣዕሚ ጉህዮም ሓዘኖም ይገልጹ ከምዘለው `ውን እቶም ምንጭታት ኣገንዚቦም።

መላእ ህዝቢ ኤርትራ ከምዝፈልጦ፡ ወያኔ ንጉዳይ ኤርትራ ከም ናይ  መግዛእቲ ሕቶ ኣሚኖም ብቓልሲ ዝደገፉዎ፡ ምስ ኩሉ ናይ ኣምሐራ ብድሆታት፡ ንኤርትራ ከም ሃገር ተቐቢሎም አብ ግዚኡ ታሪኻዊ ውሳኔ ወሲዶም እዮም። በንጻሩ ሓድሽ ቀዳማይ ሚኒስተር ኢትዮጵያ፡ ጉዳይ ዶብ ከይምዘይተዘርበሉ እናገለጸ፡ ዓሰብ ተማቒልናያ ክብል ንሕዱር ሕልሚ ኣፍደገ ባሕሪ ኣምሓራ የበራብሮ ምህላዉ ይፍለጥ። ውልቀመላኺ ኢሳይያስ፡ እቲ ንልኡላውነት ኤርትራ ኣብ ሓደጋ ዘእቱ ስጉምታቱ ከይኩለፍ መታን፡ ነቶም ንናጽነት ኤርትራ ዝኣምኑ ወያነ ምስቶም ናጽነት ኤርትራ ዘይኣምኑ ተመሻጢሩ ከጥቅዖም ይደናደን ምህላዉ ድማ፡ ኣብ ስስዐ ስልጣን ዝተመስረተ ውልቃዊ ጥሙሑ ምትግባር እምበር፡ ልኡላወንት ኤርትራ ፍጹም ከምዘየገድሶ ዘመልክት ተወሳኺ መርትዖ እዩ።