ብ20 ታሕሳስ,2014 ካብ ዋሺንግተን ዲሲ ዝመጽኡ ተስፋልደት ስምኦን፣ ተመስገን (ባዚጋር)፣ መሓሪ፣ ኣርቡሻ፣ ዳዊት፣ ጆን፣ ሳሚ ብርሃነ ዝርከቡዎም ድምጻውያንን ሙዚቀኛታትን ዝሓዘት ሓንቲ ጉጅለ ባህሊ ኣብ ከተማ ቶሮንቶ ባህላዊ ምሸት ኣካይዳ ነይራ። እዚ መደብ ካብ ካልኦት ልኡኻት ስርዓት ዘዳልዉዎም መደባት ዝፈልዮ ብበረኸት ኣለም ዝተባህለ ሓደ ውልቀ ሰብ (ሳቫና ኢንተርተይንመንት)  ዝተዳለወ መደብ ምዃኑ ስለዝተዋዓዋዓሉ ጥራይ ኢዩ። ስርዓት ህግደፍ ሎሚ ንነገራት ገመል ሓቢእካ ጉምብሕጉምብሕ እናገበሮም ኢዩ ዝመጽእ ዘሎ።

ኣብቲ ምሸት ኣባ ጓይላ ኮይኑ ዝሓደረ እስቲፋኖስ ንጉሰ ዝተባህለ ቆንስል ናይቲ ስርዓት ካብ ካናዳ ተሰጒጉ ድሕሪ ምውጽኡ ሓላው ስጡሕ ኮይኑ ሓሙሻይ ርእሱ ከይሰርሐ ብመልክዕ ዶሞዝን ኣበልን ገንዘብ ህዝቢ ኤርትራ እናበልዐ መሬት ኣይትጽርኒ ዝብላ ዘሎ ወኪል ስርዓት ህግደፍ ድኣ ስለምንታይ ኢዩ ኣብ ቆምሽጢ ሳቫና ኢንተርተይንመንት ተሓቢኡ ጉጅለ ባህሊ ህግደፍ ካብ ዋሽንግተን ዲሲ ኣምጺኡ ነቲ መደብ ዘካየዶ? እቲ ሓደ ምኽንያት ዓይኒ መንግስቲ ካናዳ ኣብ ልዕሊ ቤት ጽሕፈት’ቲ ስርዓት ይዝንብያ ምህላወን ስለዝፈለጠ  ንመንግስቲ ካናዳ ንምድንጋር ኢዩ። ካልኣይ ካኣ ናይ ህግደፍ መደብ ምዃኑ እንተተፈሊጡ ከምዚ ኣብ ካልእ ሃገራት ዝርአ ዘሎ ህዝቢ ምእታው ከይኣብዮም’ሞ ዳስ ከይጽምዎም ኢዩ። እቲ ዳስ ግን ሕልምልም ምባሉ ኣይተረፎን። ናይ ዓይኒ መሰኻኽር ኣዝዩ ዝሕልሕል ኢሉ ነይሩ ክብሉ ኢዮም ተሰሚዖም።

እስቲፋኖስ ዕቡይ ምስ ተሓባባሪኡ ኣባል ኢሰፓ ዝነበረ ክሳዕ ቀረባ እዋን ንኤርትራ ገጹ ገይሹ ዘይፈልጥ ሎሚ ግን ኣብ ልዕሊ ህዝቢ ኤርትራ ንኻላኣይ ግዜ ናይ ክሕደት ገበን ብምፍጻም ኒኢሰያስ ስለዝኻሓሶ ነስመራ ገጹ ክኸይድ ፍቓድ ዝረኸበ ተመስገን ትርፈ ስዋኣ ከምዝጣመላ በዓልቲ ውራይ ከውደኽድኹ ዝርኣየ ተዓዛባይ ስርዓት ህግደፍ ክሳዕ ክንደይ ኣማውታ ኣኽፊኡ ከምዘሎ ዩ ክግንዘብ ክኢሉ። ንመንእሰያት ኣብ ውሽጢ ኤርትራ ምምዝማዝን ምብልሻውን ምምናው ኣብይዎም ኣብ ካናዳ ኣብ ኣደራሽ ብዝቐረቡዎ ንማንም ገንዘብ ዊጥ ዘበለ ብዝሸጡዎ ኣልኮላዊ መስተ ክንደይ ትሕቲ ዕድመ ቆልዑ ብስኽራን ተቖማጢዖም ነብሶም ክሳዕ ዘጥፍኡ ኮይኖም። ዓገብ እስቲፋኖስ! ሓደ ሓታቲ እንተትረክብ፣ ብብዙሕ ገበን ምተሓተትካ። ናይ ሎሚ ድሓን ብኸምዚኣ ሓሊፋትልካ ኣላ። ንዝመጽሕ ግን ዒሉ  ማዓኮርካ ሓሉ ምዃና ዘክራ። ከም ክዳን ሜላ እናቐየርካ ህዝቢ ዘጥፋእካዮ ይኣኽለካ።

ኤርትራውያን ካኣ ህግደፍ ብናይ ውልቂ ትካላት እናተሓብአ ስርቂ ጀሚሩ ስለዘሎ ንቕሑሉ።

ብ.ተ