አብ ከተማ ኣስመራን ከባቢአን ዝብሃል ዘሎ ከነዕልለኩም : አብዚ እዋን ዓብይ መዛረቢ ጉዳይ ኮይኑ ዘሎ ሞት ብርጋዴር ጀነራል አማኑኤል ሃይለ (ሃንጀማ)፤ ብርጋዴር ጀነራል መብራህቱ ተኽለ (ቫይናክ)፤ ከምኡ ዉን ደሱ ተስፋጺን ሓላፊ 09 ነበር ዘጋጠመ ሞት አመልኪቱ ሰብ ዝተፈላለየ ርእይቶታት ይህብ አሎ። እንተኾነ ከምቲ ህግድፍን ካድረታቱን ብመንገዲ 03 ዝዝርግሕዎ ዘለዉ ወረ ዘይኮነ እቲ ሓቂ ከምዚ ዝስዕብ እዩ ክብሉ መልእኽቶም ሰዲዶምልና ኣለዉ ::

ኣብ ዝሓለፈ ወርሒ ኣብ ደንጎሎ ኣብ ዝተገብረ ናይ ኣዘዝቲ ሰራዊት ኣኼባ ብዉልቀመላኺ ኢሰያስ ኣፍወርቂን ጀነራል ጎልፎ (ስብሓት ኤፍሬምን) ዝተመርሐ ንህሉው ኩነታት ዘተኮረን : ናይ ስራሕ ቦታ ምልዉዋጥን ብዝብል ዛዕባ ከምዝነበረ ይሕበር ::

እቲ ኣኼባ ብዙሕ ወጠጥ ዝነበሮን : ባእስን ዕግርግርን : ጉስጥን ምፍርራሕን ኣብ መንግኦም ከምዝነበሮን ይንገር ኣሎ : ንሱ ድማ ብመሰረት ሓበሬታ ምንጭታትና : ዉልቀ መላኺ ኢሰያስ ኣፍወርቂ ዝኣተዎ መብጽዓ ኣብ ዝሓለፈ እዋን ኣብ እምባትካላ ዝገብሮ ሰሚናር ንካድረታት ህግደፍ ናይ ስራሕ ቦታት ምልዉዋጥ ክገብር ምኻኑ ቃል ኣትዩ ኔሩ :: ንሱ ድማ ንዝፈርሖምን ንዝጥርጥሮምን ኣዘዝቲ ሰራዊት ካብ ናይ ውትህድርና ሓላፍነት ኣውጺእካ ናብ ሲቪላዊ ምምሕዳራት ምቕይያር ምግባር እዩ ኔሩ ::

–                     ነዚ ንምግባር ብቐዳምነት ዝሰረዖ

–                     ብሪጋደር ጀነራል ኣማኑኤል ሃይለ (ሃንጆማ) ( ኣውራጃ ኣከለጉዛይ) ኣማሓዳሪ ዞባ ጋሽ ባርካ  ተቀይርካ ኣለኻ ከም ዝተባህለን ከምዘይተቐበሎን : ኣብ ገዝኡ ኮፍ ኢሉ ከምዝነበረን በዚ መሰረት ከምዝደስከለን : ካልኦት ጌና ዝርዝር ኣስማቶም ዘይብጽሓና ደስኪሎምን ናብ ምምሕዳራት ተቀሮም ከምዘለዉን ይንገር :: ሃንጆማ ንሓቂ ዝመዉት ሰብ ክብደል ከምዘይደልን ፍቱው ብብጾቱ : ፈታው ስድርኡን ምንባሩ ይንገረሉ ::

–              ብርጋዴር ጀነራል መብራህቱ ተኽለ (ቫይናክ) (ኣውራጃ ሰራየ) ታሪኹ መወዳእታ ዘይብሉ ጅግንነት ዝፈጸመ ብፈዳይን ተባሂሉ ዝፍለጥ ኣብ ዉሽጢ ጸላኢ ኮይኑ ዓቢ ቅያ ዝሰረሐን ብስንክልና ነብሱ ዝተበታተኸን : ዓቃልን መስተዉዓልን ምኻኑ መሳትኡ ይነግሩሉ : እንተኾነ ንኣስታት 23 ዓመት ኣብ ዝጠቅም ናይ ስራሕ ቦታ ዘይተመደበ ኮይኑ ዳርጋ ንዓመታት ደስኪሉ እዩ ኔሩ :: ከምዝፍለጥ ወዲቫካሮ ንብዙሕ ዓመታት ይምዉሎን ይሕግዞን የተባብዖን ከምዝነበረ ህዝቢ ኣስመራ ዝፈልጦ ሓቂ እዩ ::   ኣብ ኣኼባ ደንጎሎ ምስ ኢሰያስ ከምዝተሰሓሓበን ሽግር ህዝቢ ኤርትራ ክእለ ንስኻ ክታለ ኣለካ ከምዝበሎን እዩ ዝስማዕ ዘሎ : :

ደሱ ተስፋጺን ( ኣውራጃ ሓማሴን) ሓላፊ 09 ነበር

ሓላፊ 09 ኣብ ዝነበረሉ ነቲ ቀይዲ ዘይብሉ እሰራርሓ መንግስቲ ኤርትራ : ኦዲት ዘይግበረሉ : ትካላዊ ኣሳራርሓ ዘይብሉ መንግስቲ ሰሪቕካ ወይ ኣጠፋፊእካ ብዝብል ምስምስ ንዕዑን ንካልኦት ብርክት ዝበሉ ሃብታማትን ብኢሰያስ ዝቆመት ፍሉይ ቤትፍርዲ ን15 ዓመት ተፈሪዱ ክንሱ ኢሰኣስ ብኢደዋኒኑ 10 ኣጉዲሉ 5 ዓመት ጥራይ ተኣሲሩ ከምዝወጽእ ድሕሪ ምግባሩ ( እዚ ማለት ናይ ኣባሊገ ገርዋ ማለት ኣዩ )  : ንዕኡ ዝግባእ ቦታ ስለዘይተዋህቦን ንኽሰርሕ ስለዘይተፈቕደሉን ኣብ ኣስመራ ኮለል ክብል ግዜ የሕልፍ ምንባሩ ይፍለጥ ::ተዋዛያይ ትኩር ኮይኑ : ናኢሰያስ የማናይ ኢዱ ምንባሩ እዮ ዝፍለጥ እንተኾነ  ኢሰያስ ፈታዊ ይኹን ወይ ይኣምኖ እየ ዝብሎ ሰብ ስለዘይብሉ እንሃለ በብሓደ ንኹሎም የርክበሎም ኣሎ::

እዚ ድራማ እዚ ዝኾነ መርትዖ ከምዘይብሉን እታ ሓደጋ ፈጺማ ትብሃል ዘላ መኪና ኣበይ ከምዘላን ዝኾነ ስእሊ ይኹን መረጋገጺ ዘይምህላዉ ኩሉ ህዝቢ የዕዘምዝመሉ ኣሎ :: ብጀካ ዚ ሕክምናዊ ምርመራ ይኹን :  መርማሪ ፖሊስ ኣብቲ ቦታ ከይዶም ዝኣከብዎ ጸብጻብ ከምዘየለ ድማ ይፍለጥ ::

ከምዚ ዓይነት ተርእዮ ሕጂ ፍሉይ ዝገብሮ ብእኩብ ስለዝኾነ እምበር ኢሰያስ ንዘይደለዮ ንምጥፋእ ሓደ ካብቲ ዝጥቀመሉ ሜላ ምኻኑ ድማ ናይቶም ቅድሚ ሕጂ ብሃንደበታዊ ሕማም ተባሂሎም ዝጠፍኡ በብሓደ እንተዝፈቲሹ ኣብ ምልክት ሕቶ ዘእቱ ምኻኑ ኣይንዘንግዕ :: በብሓደ ሰብ  ወሓደ ኮይኮነ ከሎ ዘድሊ ስጉምቲ ምዉሳድ  ሓላፍነት ነፍሲ ወከፍ ኤርትራዊ ዜጋ ምኻኑ ነዘኻኽር::

–               ሜጀር ጀነራል ሃይለ ሳሚኤል (ቻይና ) ኣማሓዳሪ ዞባ ማእከል ተመዲብካ ኣለኻ ተባሂሉ ብኢሰያስ ከምዝተነግሮን ከምዘይተቐበሎን ኣብ ሞንግኡ ሓሚሙ ሕክምንኡ ይገብር ከምዘሎን ይሕበር::

–               ሜጀር ጀነራል ዑመር ጠዊል ድሕሪ ተበግሶ ናይ ወዲ ዓሊ ኢድ ኔሩካ ብዝብል ጥርጣረ ናይ ገዛ ሕዩር ኮይኑ ከምዘሎን : ናይ ጥዕና ጸገም ኣጋጢምዎ ብብርቱዕ ይሳቐ ከምዘሎን ይንገር::

ኣብ ቀጻሊ ካልእ ሕዝና ክንቀርብ ኢና

ኣሕዋትኩም ደለይቲ ፍትሒ

ካብ ኣስመራ

27/03/2014