ብሰናይ ምምሕዳር ንዝተዓወቱ መራሕቲ ኣፍሪቃ ዝወሃብ ሽልማት ሞ ኢብራሂም

ብቑዕ መራሒ ኣይረኸበን፡ ኤርትራ ዝኸፍአ ምሕደራ ከምዘለዋ ተገሊጹ።

====================================

ብእንግሊዛዊ-ሱዳናዊ ዶክተር ሞ ኢብራሂም ብሰናይ ምሕደራ ንዝተዓወቱ መራሕቲ ኣፍሪቃ ዝወሃብ ሽልማት ብቑዕ መራሒ ስለዘይረኸበ ንኻልኣይ ዓመት ከይተዋህበ ሰጊሩ።

እዚ መራሕቲ ኣፍሪቃ ኣብ ሃገራቶም ኣብ ቁጠባ፡ፖለቲካ፡ማሕበራውን ዘመዝግብዎ ዓወታትን ንደቀንስትዮን መንእሰያትን ንምምዕባል ዝገብርዎ ወፍሪ ዝመዝንን ሽልማት ብ2007 ኢዩ ተበጊሱ።ኣድማዕነት ሓይሊ ፖሊስ፡ ፍርዳዊ ትካል፡

ሰብኣዊ ውሕስነት፡ ግዝኣተ ሕግን ኣብ መንጎ ሃብታማትን ድኻታትን ዘሎ ጋግ ኣብ ምጽባብን ብልሽውና ኣብ ምቅላስን ካብ ቀንዲ መምዘኒ ናይቲ ሽልማት ኮይኑ፡በቲ መዕቀኒ ኤርትራ ነተን ብኩናት ሓድሕድ ዝተደባላቓ ሶማልያን ዲሞክራስያዊት ረፑብሊክ ኮንጎን ተኸቲላ ድሕሪት ሰፊራ።

ኣብዚ ዓመትዚ ብሰናይ ምሕደረአን ኣብ ቀዳማይ ዝተሰርዓ ሃገራት ኣፍሪቃ ድማ ሞሪሽየስ፡ ቦትስዋናን ኬፕቨርደን ኢየን።

እቶም ነቲ 5ሚልዮን ዶላርን ክሳብ ብሂወት ዘለው 200ሽሕ ዶላር ንዓመት ዝወሃቦም መራሕቲ  ብዲሞክራስያዊኣገባብ ዝተመርጹን ስልጣኖም ብሰላም ዘረከቡን ክኾኑ ኣለዎም።ካብ 2009 ዛጊት ነዚ ሽልማት ዝበቕዑ የለውን።መራሒ ቦትስዋና ፈስቱስ ሞጋ፡መራሒ ሞዛምቢክ ጅዋኪን ቺሳኖን ናይ ኬፕ ቨርደ ፐድሮ ቨሮና ፒረስ ኣቐዲሞም ተሸለምቲ ከምዝኾኑ ጸብጻብ እቲ ፋውንደሽን የመልክት።

እቲ ኮሚተ ብቕዓት መራሕቲ ብደቂቕ ዝመዝኑ ኣህጉራውያን ክኢላታት ከምዘለውዎን፡ን13ብዓመት ብቐጻሊ ብዝእከብ ሓበሬታ 133 መምዘኒ ረቓሒታት ከምዘጠቓልል ዶክተር ሞኣ ምስ ኣልጀዚራ ኣብ ዝገበሮ ቃለመጠይቕ ገሊጹ።