ከም ዝፍለጥ አብ ኤርትራ አብ ግዜ ክራማት ኢና ንርከብ። ብሰንኪ አብ ኤርትራ አጋጢሙ ዘሎ ናይ ነዳዲ ሕጽረት እቲ ክሕረስ ዝኽእል መሬት ክሕረስ ኣይክኣለን ዘሎ። እዚ ዝኽውን ዘሎ ነተን ዝርካበን ትራክትራት ሚኒስትሪ ሕርሻ ከምቲ ዝድለይ ንኸዋፍረን አይክኣለን።

እዚ ድማ ቀረብ ነዳዲ እቲ ስርዓት ከቕርብ ብዘይምኽአሉ ኢዩ። አብ መላእ ሃገር ብፍላይ ድማ አብቲ ብብዝሒ ፍርያት ክረምታዊ ምህርቲ ክህብ ዝኽእል ዞባ ጋሽ ባርካ ከባቢ ጎልጅ ሃይኮታ፡ ላዕላይ ጋሽ፡ ሻምብቆ ዝኣመሰሉ ከባቢታት መሬት ከሕረስ አይተኸኽአለን። ሓረስቶት አብ ከባቢኦም ምስ ዝርከቡ ቤት ጽሕፈት ሚኒስትሪ ሕርሻ አውያቶም እንተስምዑ መንግስቲ ነቲ ነዳዲ ከቕርብ ስለዘይክኣለ ክግበር ዝክኣል ነገር አይተረኸበን።

ድሮ ስርዓት ህግደፍ ነቲ ፉሹል አሰራርሑኡን ፖሊሲኡን ንኽሽፍን ብምባል ለንዘበን ሕጽረት ዝናብ ከምዘሎን ዝርግሓ ናይ ዝናብ አብ ዝተፈላለዩ ክፍልታት ሃገርና ጽቡቕ ከምዘየለን ወረ ከናፍስ ጀሚሩ አሎ። ብተመሳሳሊ ድማ አብ ዝሓለፈ ሰሙን ምስ ውዱብ ሕቡራት ሃገራት ናይ ዝተፈላለዩ ናይ ልምዓት መደባት ውዕላት አብ ኒዎርክ ብምኻድ ነቲ ተሓሲምዎ ዝነበረ ሓገዝ ንኽግበረሉ ውዕል ፈሪሙ አሎ። ነዚ ዝገብር ዘሎ ድማ ነቲ አብ መጻኢ ዓመት ብሰንኪ እኹል ማሕረስ ብዘይምክያዱ ከቢድ ናይ እኽል መግብን ሕጽረት ከጋጥም ከምዝኽእል ህግደፍ ብእዋኑ ጠሚቱ ናይ መግቢ ሓገዝ ንኽረክብ ዝገብሮ ዘሎ መናውራ ኢዩ። ትራክተራት መንግስቲ አብ አቑርደት፡ ባረንቱ፡ ጉልጅ ተዓሸገን ይርከባ።

ከምዝፍለጥ ብሰንኪ ሕጽረት ናይ ነዳዲ ዳርጋ አብ መላእ ኤርትራ አብ ዝተፈላለየ ህዝባዊ አገልግሎት ብፍላይ አብ ሕክምና፡ መጉዓዝያ፡ መዕርፎ ነፍረቲ፡ መንግስታዊ ቤት ጽሕፈታት፡ መጥሓን፡ ናባኒ ወዘተ አጋጢሙ ዘሎ ኩነታት ወድቀት ቁጠባ ናይ ሃገር ዘረጋግጽ መርኣያ ኢዩ። ህግደፍ ግን ነቲ አብ ደገ ዝነብር ህዝቢ ንምድንጋር ብቴቪ ኤሪ አቢሉ ናይ ቀደም ቅዳሕ ቪድዩ ጊሩ አብዚ እዋን ዝተፈጸመ ብምምሳል ንምድንጋር ቀጻሊ ኢዩ ድሰርሕ ዘሎ። እንተኸነ ግን እቲ ሓቂ ካብቲ ናይ ሓሶት ፕሮፖጋንዳ ንላዕሊ ስለዝኸነ። እቶም ደገፍቲ ናይቲ ስርዓት ከይተረፉ አብ አውሮፓን ሰሜን አሜሪካን ብህግደፍ አብ ዝተኻየዱ ፊስቲቫላት ከይተረፈ ብዛዕባ ውደቀት ቁጠባን ጉዳይ ኤሌትሪክን ሕማቕ አካይዳ ናይቲ ስርዓት አመልኪቶም ብዙሕ ሕቶታት አስዒቦም ኢዮም። ተራ ህዝቢ ድዛረበሎም ዘሎ እቲ ካብ ማዕድን ዕደና ዝርከብ ዘሎ ገንዘብ ነዳዲ ዘይኮነስ ካልእውን ክገዝእ ይኽእል ኒሩ። እንተኸነ ግን እዚ ተሓታትነት ዘየብሉ ገንዘብ አበይ ይኸይድ ከምዘሎ ብጀካ እቲ ስርዓት ዝፈልጦ የለን።

ሰናይ ንህዝቢ ኤርትራ

ካብ ወዲ ባርካ