ኣወሃሃዲ ሽማግለ ደለይቲ ለውጢ ኖርወይ ብዕለት 19 ጥቅምቲ 2013 ኣብ ኦስሎ መስራቲ ጉባኤኡ ኣካዪዱ። ተጋባእቲ ጸብጻብ ናይ ግዝያዊ ኣወሃሃዲ ኮሚቴ ድሕሪ ምስማዕ ጉባኤ እትመርሕ ሰክረታርያ መሪጾም። ንኣቃውማን ውሽጣዊ ሕግታትን ዝምልከት ዓንቀጻት ብዕቱብ ተኻቲዖም ድሕሪ ምጽዳቕ ድማ ክልተ ደቂኣንስትዮ ዝርከብኦ 14 ዝኣባላቱ ካብ ውድባትን ማሕበራትን ዝተወከሉ ከም ኣካያዲ ሽማግለ መዚዙ። ኣቃውማ ናይቲ ሽማግለ ኣብ ምሉእ ኖርወይ ንዝርከቡ ውድባት፡ ማሕበራት ከምኡ’ውን ውልቀሰባት ዝውክል ኮይኑ መሰረታዊ ዕላማኡ፡ ኣብ ኖርወይ ዝነብሩ ደለይቲ ለውጢ ኖርወይ ውሽጣዊ ፍልልያቶም ንጐድኒ ኣወንዚፎም ኣንጻር ውልቀምልካዊ ጭፍራ ህግደፍ ዘካይዱዎ ቃልሲ ምውህህሃድ ምዃኑ ኣነጺሩ። ስለዝኾነ፡ እቲ ተመሪጹ ዘሎ ኣካያዲ ሽማገለ ኣብ ኖርወይ ብደለይቲ ለውጢ ንዝካየድ ናይ ቃልሲ ንጥፈታት ናይ ምውህሃድ ናብ ዝለዓለ ደረጃ ክብ ናይ ምባልንዕማም ከም ሓላፍነት ተቐቢሉ ኣሎ። ብሕጂ ኣብቲ ጽላል ክጥርነፉ ዝኽእሉ ማሕበራት፡ ውድባት ወይ ውልቀሰባት ምስ ዝህልዉ ድማንሳቶም’ውን ወከልቶም ክልእኩን እጃሞም ከበርክቱን እቲ ማዕጾ ክፉት ምዃኑ ተገሊጹ።

ኣብ መስራቲ ጉባኤ ናይዚ ዳግማይ ዝተወደበ ኣወሃሃዲ ሽማግለ፡ ጽላል ኤርትራውያን ንደሞክራሲያዊ ለውጢ ኣብ ኖርወይ ዝብል ሰም ክከውን ብዓብላሊ ድምጺ ክጸድቕ ከሎ እቲ ተመሪጹ ዘሎ ኣካያዲ ሽማግለ ናይ ዓመት ዕድመ ክህልዎ እዩ። ኣወሃሃዲ ሽማግለ ኣብ 2012 መጨረሽታ ኣብ ከተማ ስታቫንገር ብውሑዳት ተሳተፍቲ ዝተመስረተ ኮይኑ፡ ወላ ድኽመታት እንተ ነበሮ ብቐሊል ዘይግመት ኣድማዒ ስራሓት ከም ዝዓመመ ይፍለጥ። ከም መቐጸልታ ናይቲ ዝተኻየደ ጻዕሪ ድማ እነሆ ኣብዚ ዝጥቀስ ዘሎ ዕለት ኣብ ኖርወይ ንዝርከቡ ደለይቲ ለውጢ ዘሳትፍ ጉባኤ ከቃንዕ በቒዑ። ኣብ ኖርወይ ዝካየድ ከም ሰላማዊ ሰልፊ ይኹን ካልእ ናይ ሓባር ስራሕ ዘድልዮ ንጥፈታትን ካልእን ዝኣመሳሰሉ ስራሓት በዚ ናይ ሓባር መሪሕነት ክወሃሃዱን ኣድማዕቲ ክኾኑን ድማ ኣብ ስምምዕ ተበጺሑ።

ብፍላይ ኣብዚ ቈልዓ ሰበይትን መንእሰያትን ግዳያት መቕዘፍቲ ባርባራዊ ጭፍራ ህግደፍ ዝኾኑሉ ዘለዉ እዋን፡ ቃልስኻ ምውህሃድ ሓደን ክልተ ዘይበሃሎ ወሳኒ ጕዳይ ከም ዝኾነ፡ እዚ ዓይነት ኣሰራሓ እዚ ድማ ኣብ ምሉእ ኤውሮጳ ክልሕምን ክስስንን ለበዋ ቀሪቡ። እቲ ጉባኤ ብዝክረ ሰማእታት ተዛዚሙ::

ዓወትንደሞራስያዊቃልሲህዝቢኤርትራ!

ክፍሊ ጐስጓስን ሓበሬታን ኣወሃሃዲ ሽማግለ ደለይቲ ለውጢ ኖርወይ