ጌም ኦቨር

ወድ ዓድ ካብ ስደት

ዕለት 30 ሓምሌ 2018

 

ሓደ ኢድ ኲና ንህግደፍ ንበሎ ጌም ኦቨር

ጌም ኦቨር ንበሎ ዶባትና ክኽበር

ጌም ኦቨር ንበሎ ቅዋምና ክትግበር

ጌም ኦቨር ንበሎ ነዚ በዓል ኣበር

**********

ምሕንጻጽ ዶብ ክብል ልብና ዘሕበጠ

ንብዙሕ ዓመታት ህዝቢ ዘዕለበጠ

ኣፍ እንዳ ዓበሰ ብማሕዩርን ብጥይትን እንዳ ዘበጠ

እንቋዕ ተቃልዐ ኣርቲፊሻል ቆርበቱ ተቀንጠጠ

**********

ሃየ ንበራበር ይትረፈና ድቃስ

ክነፍስ ጀሚሩ ናይ ምቕያር ንፋስ

ብዙሕ ኣይንፍተዋ ሓንቲ ኢያ ትንፋስ

ሓቢርና ንእለዮ ነዚ ሰንካም ፈስፋስ

**********

ወዮ ዝተሓብአ ምስጢሩ ተቃሊዑ

ተደሚርና ምስ በለና ኣዳዕዲዑ

ሃገርና ከሸይጥ ክልውጥ ሰላሊዑ

ብዙሓት ፈሊጦምዎ ነይሮም ብኣግኡ ብሽዑ

**********

ኣበይ’ሞ ከብል ንህዝብና ኣሽኪዑ

ንኽንደይ የዋሃትን ሃሱሳትን ኣዘንጊዑ

ወዮ ንዓመታት ዝተሓብአ ቁስሉ ነቲዑ

ክሕባእ ይፍትን ኣሎ ምትፍናን ወሊዑ

**********

ንጌም ኦቨር ፈቲኑ ክገብሮ መሸቀጢ

ምስጢሩ ጓሕጒሑ ኣውጺእዎ ካብ ከርሲ ካብ ውሽጢ

እነሆ ኮይንዎ ሓያል መቀጥቀጢ

ናይ ዕርበቱ ዋዜማ ናይ ኣርቲፊሻል ክብረቱ መቀንጠጢ

**********

ጌም ኦቨር ንበሎ ሕጂ’ዩ ሰዓቱ

ናብ ልብኹም ተመለሱ ኩሉኹም ሰዓብቱ

ብናቱ ገበን ከትኽሰሱ ምስኡ ከይትጉተቱ

እንሆ ወዮ ንሕና ንሱ ንሱ ንሕና ዝበልኩምዎ ፋልሶ ኾይንኑ ከንቱ።

* * * * * * * * * *

ኣንቲ ኤረይ ኩሕሎ

ራህዋኺ ቀሪቡ’ሎ

ጠላማይ ክዕሎ