ድምጺ ኣሰናን ድምጺ መድረኽን ካብ ጽባሕ ዓርቢ 1 ሕዳር ኣትሒዘን፣ ኣብ ‘ናይል ሳት’ መዓልታዊ፣ ናይ 24 ሰዓታት ፈነወ ሳተላይት (ዲሽ) ናብ ኤርትራን ከባቢኣን ክጅምራ እየን።  ኣብ መላእ ዓለም ዝርከቡ ኤርትራውያን ነቲ ፈነወታት  ብ ‘ኦን ላይን ስትሪሚን’ ኣብ መርበብ ሓበሬታ ኣሰና (demo.archive.assenna.com) ክከታተሉዎ ንዕድም።

መዓልታት ፈነወ ናይዘን ራድዮ ሳተላይት፣ ልክዕ ከምቲ ድሮ ኣብ ሓጺር ማዕበል ዝፍኖ ዘሎ፣ ሰኑይን፣ ረቡዕን ዓርብን ብድምጺ ኣሰና ፣ ሰሉስ፣ ሓሙስ፣ ቀዳምን ሰንበትን ከኣ ብድምጺ መድረኽ ክኸውን እዩ።

እዚ፣ ህዝቢ ኤርትራ ከቢድ ፖለቲካዊ ቅልውላው ገጢሙዎ ህጹጽ ፍታሕ ሃንቀው ኣብ ዝብለሉ ዘሎ እዋን ዝጅምር ዘሎ ሓዱሽ ፈነወታት ሳተላይት ራድዮ፣ ነቲ ኣብ ውሽጢ ሃገር ዝርከብ፣ ሓቀኛ ሓበሬታ ኩነታት ሃገሩ ከይረክብ ብስርዓት ህግደፍ ተዓፊኑ ዘሎ ውጹዕ ህዝብና ይኹን ኣብ ፈቐዳ ጎረባብቲ ሃገራት ተሰዲዱ ዘሎ ዓሰርተታት ኣሽሓት ኤርትራዊ እዋናዊ ሓበሬታ ኣብ ምምጋብ ዓቢ ኣስተዋጽኦ ክህልዎ ተስፋ ንገብር።

ንፈነወታት ድምጺ ኣሰናን ድምጺ መድረኽን በዚ ዝስዕብ መስመር ምክትታለን ይከኣል፣

Satellite    : Nilesat

Azimuth      : 8.0 degrees West

Frequency    : 11.678 MHz

Polarisation : Vertical

Symbol rate  : 27500

FEC          : 3/4

Channel name : Radio Assenna/Medrek