” ዝደቀሰ ከተባራብር ክትብል እቲ ተባራቢሩ ዘሎ ከይድቅሰካ”

ተምሳል ደቂሰባት ኣብ ምስሊ ጥራይ ዘይኮነ ኣብ ኣታሓሳስባን ተግባርን ከምዝምዘን ዝረሳዕናዮ ንመስል፣ “ሽግር ኤርትራ ፡ ፍታሕ ብኤርትራውያን” ክፈታሕ ዘይደሊ ዘሎ ኮይኑ ኣይስማዓን። እንተኮነ ግን እቲ ኣድላይነቱ ዘይኮነ ኣታጋብብራ እዩ ወሳኒ፣ ኣብዚ ቅንያት ከምዝባሃል ዘሎ “ንምሕያል ዲሞክራስያዊያን ሓይልታት አብ ውሽጢ ኤርትራን፡ ብእኡ አቢልካ ለውጢ ካብ ውሽጢ ዓዲ ንምምጻእን ዝብል እዩ፣” ከም ሓሳብ ኣዝዩ ባህታ ዝፈጥር ውሃ ዘበለ ሓሳብ እካ እንተኮነ ኣብ ትግባረ ግን ብከመይ መንገዲ፣? ህዝቢ ኤርትራ ኣብ ኤርትራ ዝግበር ዘሎ ማእለያ ዘይብሉ ግህሰትን ማእለያ ዘይብሉ ማእሰርትን፣ ቅትለትን ስለይርዶኦ ድዩ ንሕና ኣብ ወጻኢ ሃገር ኾና፣ ህዝበይ ናዓኻ ዘይራኣየካ ዘሎ ኣብውሽጢ ስለዘለካ እዩ ንሕና ግን ኣብ ደገ ኾና ንዕዘቦ ኣለና ክንብሎ፣ ኣብ ውሽጢ ዘሎ ህዝቢ ኤርትራ ባዕሉ ክፈትሖ ዝኽል ነሩ ተዝከውን ስጋብ ሕጂ እዱ ኣጣሚሩ ኣይምተጸበየን

የግዳስ እንተስ ዓቅሚ ካብዘይምህላው እንተስ ኩነታት ህዝቢ ኤርትራ ዘለዎን ጊዜን ቦታን ስለይሳማማዕ ነቶም ኣብ ደገ ዘለና ከቃሙት ናይግድን ኮይንዎ ይርከብ፣ እሞኻዳኣ እቲ ፍታሕ ህዝቢ ኤርትራ ነቶም ኣብ ደገ ዘለና ዘቃሙት ካብ ኮነ ንሕና ድማ ሽግር ኤርትራ ፡ ፍታሕ ብኤርትራውያን እዩ እልና ኣብ ደገ ኾና ነቶም ኣብ ውሽጢ ሃገር ኮይኖም ትጽቢቶም ካባና ሙካኑ ዘቃሙቱ ዘለዉ ነቃሙት እንተኮና፣ መስርሕ ትግባረ ሽግር ኤርትራ ፡ ፍታሕ ብኤርትራውያን ወይ ኣይፈለጥናዮን ኣለና ወይ ድማ ካብ መበገሲኡ ተኮነ ጽቡቅ ተዘይኮነ ድማ ባዕሉ ፈልጥ እዩ ዘምስል፣ ኣብምንቲምንታይ አዩ አዚ ኩሉ ሽግር፣ እሞ ድማ ምስካልኦት ተቃለስቲ ከማኻ ዘሎ ሽግር ዘፈታሕካ ሽግር ኤርትራ ክትፈትሕ ምፍታን, ብተብተብ ዝግበር ነገር ወይ ድማ ንገለ ሰባት ባህ ከይተብል ኢልካ ትገብሮ እንተኮይኑ ሳዕቤኑ መወዳእታ የብሉን።

ምናልባት ነቲ ኣብ ውሽጢ ኤርትራ ዘሎ መንእሰይ ወዲብካ ኣንጻር ህግደፍ ክብገስ ይሕሰብ እንተዳ ሃልዩ ኮይኑ፣ ኣይካልን ማልት ኣይኮነን፣ የግዳስ ኣዝዩ ጸቢብ ዝኮነ ዕድል እዩ ኮጋንፍ ዝክል፣ ኣብዚጉዳይ እዚውን ነቲ መንእሰይ ስጋብ መእንቲ ህዝቡ ክብል ሂወቱ ስጋብ ምክፋል ኸወፈ ንሓሳብ እንተለናውን ካብቲ ኣብ ኢትዮጵያ ኮይኑ መእንቲ ህዝበይ ኸወፈ እየ እሉ ብረት ኣልዒሉ ዘሎ ዝፈልዮ ነገር የለን ማልት እዩ፣ ምክንያቱ በቲ ሓደ ወገን ኣንጻር ህግደፍን ሓልዮት ህዝቢ ኤርትራ ስለዝኮነ በቲ ሓደ ወገን ድማ ክልቲኡ ወገን ኣንጻር ህግደፍ ብረት ዘልዓለን ከልዕል ዝሕሰብ ዘሎን ሓደ ስለዝኮነ.

“ሽግር ኤርትራ ፡ ፍታሕ ብኤርትራውያን” ምንዳይ ኣብ ውሽቲ ኤርትራ ዘለዉ መንእሰያት ብመልክዕ ፈዳይን ብውሽጢ ውሽጢ ኩነታት ህግደፍ ተካታቲሎም ኣንጻር ህግደፍ ገለ ኣድለይቲ ነገራት ከተግብሩ ዝሕሰብ እንተዳ ሃለዩ ድማ፣ መጀመርያ ኣብ ውሽቲ ኤርትራ ዘለዉ መንእሰያት እቲ ነዚ ጉዳይ ኣብ ወጻኢ ኮይኑ ነቲ ኣብ ውሽጢ ዘሎ ኽውድብ ዝፍትን ዘሎ ኣካል ኢድ ህግደፍ ከምዘይብሉ ብከመይ መንገዲ ከረጋግጽ ይክእል?

ዋላውን ካብቶም ወደብቲ ኣካላት 99% ተቃለስቲ እዮም እንተበልና እቲ 1% ህግደፍ ዝወደቦ ናዓካ ዝመስል ተቃዋማይ ክከውን ዝለዝክል ውሕስነት ናቲ ክትውድቦ ትፍትን ዘለካ ሰብ ስድሪ ከይከደ ሂወቱ ብከንቱ የጠፋእ ኣሎ ምልት እዩ፣ ዳሓር ድማ ሂወትካ ኣብ ወጻኢ ከተድሕን ሂወት ካልእ መንእሰይ ኣብ ውሽጢ ሃገር ዘሎ ከተጥፈእ ምፍታን ሓልዮት ህዝቢ ኤርትራ ዘይኮነስ ሓልዮት ውልቃዊ ረብሓ እዩ ዝከውን ዘሎ። ኣብ ኢትዮጵያ ዘለዉ ምንቅስቃስ ንኣብነት እንተወሲድና ጉዳይ ሃገሮም ከምጉዳዮም ብምርኣይ ባዕሎም ብኣካል ብምካድ ኣብ ውሽጢ መረት ኢትዮጵያ ብምእታው ንሂወቶም ከይበቀቁ ክቃለሱ ንዕዘብ ኣለና፣ ምናልባት ስለምናትይ ኣብ መረት ኢትዮጵያ ኣድለየ ዝብል ሕቶ ክላዓል ይክእል ይከውን፣ ግን ከም ግደ ሓቂ ናይግድን ኣይኮነን ኣብ መረት ኢትዮጵያ ኣቲካ ክትቃለስ ሱዳን፣የመን፣ጁቡቲ፣ ይሓይሽ ኢሉ ዝኣምን ውድብ ወይ ምንቅስቃስ ኣብዝጥዕሞ ኮይኑ ክቃለስ መሰሉ እዩ፣ ኣብ ኢትዮጵያ ኾይኖም ዝቃለሱ ዘለዉ ነቲ ኣብ ውሽጢ ሃገር ዘሎ ኽውድብዎ ስለዘይደልዩ ወይ ድም ስለዘይካኣሉዶ ይመስለኩም፧ እቲ ሓቂ ግን በዕላቶም ሂወቶም ዝከፍሉሉ እንበር ሂወቶም ዓቂቦም ሂወት ብጻዮም ከሕልፉ ፍቃደኛታት ስለዘይኮኑ ጥራይ አዩ.

እንተኮነ መንእሰያትና ብኣማኢት ኣብ ቀላይ መዲተራንያን እንዳጠሓሉን፡ ጎራዙትና መጻወቲ ከተርቲ ግብጻውያን በደዊን ኮይነን ዘስካሕክሕ ግፍዒ እንዳወረደንን ኣብ ውሽጢ ዘሎ ህዝብና ኣደዳ ስቃይን መከራን ህግደፍ ኮይኑ, ሰብ ኣብ ገዛእ ሃገሩ ተዋሪዱ። ብዙሕ ስብ ብኾንቱ ይጠፍእ ኣብዘለወሉ እዋን። ነቲ ሰብ ዘይብሉ ሰብ ንኹኖ፡ ነቲ ሰማዒ እዝኒ ዝሳኣነ ኣውያት ድምጽና ከነስምዕ, ነቲ ተስፋ ዘይብሉ ድማ ተስፋ። ንዓይ ይጥዓመኒ ውድበይ ውድብካ ከይበልና። ሰብን እዝግን ዝፈትዎ ስራሕ ክንሰርሕ ምተገንአ, ኮይኑ ተሪፉ ግን

ኣብ ገዛካ ዘሎ ሓርማዝ ክትሽፍን ክትብል ናይ ጎረበትካ ከም ቀታሊ ህዝቢ ኤርትራ ገርካ ምውሳድ ነቲ ትሓስቦ ዕላማ ምስልዩነት ሙካኑ ዘረጋግጽ ዳምበር ደላይ ፍትሒ ሙካንካ ዘመስክር ኣይኮነን፣ ዓሰርተ ጊዜ ንህግደፍ ንቃዎሞም ኢና እንዳበልካ ኣኼባታትን ኮንፈረንስን እንተግበካ ቅናን መዝሙሩን ህግደፍ እንተዘሚርካ ንህግደፍ ትመስል እንበር ተቃዋሚ ዝገብረካ ነገር የለን፣ ህግደፍ ካብቲ ኣብ ደገ ኮይኑ ሞዝሙር ህግደፍ ክዝምር ዝውል ሓደ ነገር ዝፈልዮ እንተሎ ኣብውሽጢ ሃገር ዘይሙካኑ እዩ። እቲካልእ ወገን ተቃዋማይ ፍልይ ዘብሎ ነገር እንተሎ እኮ ቃናን ሞዝሙራትን ህግደፍ ስለዘይዝምር እዩ እምበር ሽግር ኤርትራ ፡ ፍታሕ ብኤርትራውያን ዝለዝታሃሰምናዮ ኣይኮነን.

እቲ ካላይ ነትቢ ነቲ ደቂሱ ዘሎ ከተባራብር ክትብል ዝተባራበረ ከይድቅሰካ፣ እቲ ደቂሱ እዩ ዘሎ እንዳተባህለ ዝዝረበሉ ዘሎ መንእሰይ መጀመርያ ኣብነት ኮንካ ኣርኣያ ተዘይኮንካዮ ከመይ ገሩ ክባራበር ትጽበዮ ኣለካ፧ እቲ ኣነ ተባራቢረ እየ ዓቅመይ ዘፍቅዶ ክሰርሕ እየ ዝበለ ኣካል፣ ምሳካ ምስ ሓበረ ክሰርሕ ምስጀመረ ሩኡይ ጸገም ወይ ድማ ጌጋ ኮይኑ ዝተሰሞዖ እሞ ኣፉ ከፊቲቱ ክዛረብ ምስጀመረ ጌጋካ ኢሂንምሂን ኢልካ ክንዲ ምፍታሕ ነቲ ዘጋጠመ ጌጋ ኣደዳ ንፋስ ምቅላዕ ነቲ ክእርመካ ዝፍትን ዘሎ ሰብ ከም ኣንጻርካ ዝቃለስ ዘሎ ገርካ ክትውንጆሎ ምፍታን ነቲ ደቂሱ ዘሎ ከተባራብሮዶ ይትረፍ ነቲ ትኽስ እንዳበለ ዝስጉም ዝነበረ ሰብ መሊስካ ከተደቅሶ እንበር ተምጾኦ ለውጢ የለን፣ ኣብ ውሽጥካ ዘሎ ሽግር ዘይፈታሕካ ካልእ ሽግራት መእካብ ድማ ነቲ ዘለካ ሽግር የግድዶ እንበር ኣየቅልሎን እዩ፣ ቅድሚ ሕጂ እዘን ተቃወምቲ ውድባት 20, 30 በጺሐን ንብል ኔርና ሕጂ ድማ እዞም መንእሰያትሲ ክንብል ጀሚርና ኣለና

ኣብ ውሽጥካ ዘሎ መጀመርያ ክትፈትሕ ፈትን፣ ምስካልኦት ውድባት ዘየሳማማዓካ ነገር መእንቲ ህዝቢ ኤርትራ ክትብል ገለ ሕድገታት ብምግባር ኣብ ሓደ ምጥርናፍ ወይ ድማ ምስማር የድሊ፣ እዚ ድማ መግለጺ ሓልዮት ህዝቢ ኤርትራ ኮይኑ እቲ ደቂሱ ዘሎ ክባራብር ይክል እንተዘይኮኑ ግን ነቲ ዝደቀሰ ከተባራብር ክትብል እቲ ተባራቢሩ ዘሎ ከይድቅሰካ .

ናዝራዊ ዲሃምቶ 09/11/13