ብምኽንያት ቅነ ናጽነት ብስርዓት ህግደፍ ናብ ስዊዘርላንድ ተላኢኹ ምርኢታት ከካየድ ዝቐነየ ውሩይ ኤርትራዊ ደራፋይ መንእሰይ ሮቤል ምኪኤል ንስርዓት ህግደፍ ብምርሕራሕ ዑቕባ ከምዝሓተተ ተፈሊጡ።

ሮቤል ምኪኤል ሓያለ ዜማታት ትግርኛ ዘቕረበ ሰፊሕ ህቡብነት ዝነበሮ መንእሰይ ስነጥበበኛ እዩ።

ቀቅድሚኡ ኣብታ ብስርዓት ህግደፍ ንፕሮፖጋንዳ ዝተላእከት ጉጅለ ዝነበረ ውሩይ ደራፋይ ቢለን ኤልያስ መስመር ኣብ ስዊዘርላንድ ዑቕባ ከምዝሓተተ ይፍለጥ።

ምልካዊ ስርዓት ህግደፍ ንሃገርና ኩርኳሕ ስለዝገበራ ስነጥበበኛታት፣ ኣትለታት፣ ተጽወቲ ኩዕሶ እግሪ፣ ምሁራትን ክእላታትን ብጉጅለን ብውልቅን በብዝኸዱዎ ኣብ ወጻኢ ዑቕባ እናሓተቱ ይጠፍኡ ስለዘለዉ ሃገርና ኤርትራ ሰብኣዊ ጸጋኣ ትዓርቕ ኣላ።