ውልቀመላኺ ኢሳይያስ ኣፈወርቂ ሎሚ ኣብ ኒውዮርክ ንደገፍቱ ድሕሪ ዘካየዶ ኣኼባ Pain Le Quotidien ኣብ ዝተባህለ እንዳ ፒሳ ክምገብ ድሕሪ ምእትዉ፡ ናይ ተቓውሞ ሰልፊ ክገብሩ ዝወዓሉ ኣባላት ዓለም ለኻዊ ምንቅስቓስ ኤርትራውያን መንእሰያት (EYGM) ደድሕሪኡ ስዒቦም፡ “ቀታሊ፡ ሓራዲ” ኢሎም ስለዝሸደዱዎ ዝኣዘዞ መግቢ ከይጠዓመ ናብ ካልእ ኣብቲ 43rd street ተባሂሉ ዝፍለጥ ጎደና ዝርከብ Fabio Piccolo Fiore ዝብሃል ቤትመግቢ  ከይዱ።

ኣባላት ዓለም ለኻዊ ምንቅስቓስ ኤርትራውያን መንእሰያት ከይስዕቡዎ ብሓይልታት ጸጥታ ኣመሪካ ስለዝተዓገቱ ኸኣ፡ ካብ ካሊፎርኒያ ናብ ኒውዮርክ መጺኦም ኣብቲ ናይ ሎሚ ሰልፊ ዝወዓለኡን ኣብቲ ጽባሕ ዝካየድ ዝዓበየ ሰላማዊ ሰልፊ ክሳተፉ ተቐሪቦም ዘለዉን ኣባላት ኤርትራውያን መንእሰያት ንለውጢ (EYC) ናብቲ ዝኣተዎ ረስቶራንት ደበኽ ኢሎም ብተመሳሳሊ መንገዲ ስለዝሸደዱዎ፡ ሕጂ ‘ውን መግቢ ከይለኸፈ Take Away (ቁጻር ጠዓሞቱ) ሒዙ ብሑጋ ወጺኡ ናብ ሆተሉ ከምዘምረሐ ኣብቲ ምንቅስቓስ ዝተሳተፉ መንእሰያት ሓቢሮም።

እቲ ቀቅድሚቲ ጽባሕ ኣብ ፊት ቀንዲ ቤትጽሕፈት ውድብ ሕቡራት ሃገራት ክካየድ ተመዲቡ ዘሎ ሰላማዊ ሰልፊ፡ ሎሚ ዝተኻየደ ናይ ተቓውሞ ሰልፊ ኣዝዩ ውዕዉዕ ከምዝነበረ ተሳተፍቲ ምስ ድምጺ ኣሰና ኣብ ዝገበሩዎ ቃለመጠየቕ ሓቢሮም።

ነቲ ብድምጺ ኣሰና ዝተዳለወ ጸብጻብ ንምስማዕ ኣብዚ ጠውቑ