ኣብ ዝሓለፈ ሰንበት ዕለት 15 ግንቦት 2016  ነቲ ብህግደፍ ኣብ ከተማ ቨትዝላር (Wetzlar) ካብ ከተማ ጊሰን (Giessen)  ንምዕራብ ኣስታት 16 ኪሎሜተር  ርሒቓ እትርከብ ከተማ ዝተጸወዐ ናይ ክሕደትን ጥልመትን  ጽምብል ካብ 250 ብዘይውሕዱ ኤርትራውያንን ፈተውትን   ብመደረን ግጥሚን ዝተሰነየ ዕዉት ናይ ተቓውሞ ሰላማ ዊ ሰልፊ ተኻይዱ::

እብቲ ዝተኻየደ ሰላማዊ ሰልፊ ብተባዓት መንእሰያትን ዓበይቲ ሽማግለታትን  ደቂ ኣንስትዮን ደቂ ተባዕትዪን ጥራይ ዘይኮነ ዓበይቲ ሰበስልጣናታትን  ተወከልቲ ህዝቢ ጀርመናውያን ፈተውቲ ኤርትራኣንኮላይ ዝተዓጀበ  ነደለይቲ ፍትሒ ጸባ ዘስትየ ንደገፍቲ  ህግደፍ ርእሶም ዘድነነ  ዘሐብን ዕለት ነይሩ:: :

ብተወሳኺ ኣብቲ ከባቢ ምስ ስደተኛታት ዝተሓጋገዙ  ናይ ካቶሊካዊትን ፕሮቲስታን ቤተክርስትያንትን  ካልኦት ዘይ ሃይማኖታውይን ማሕበራት ነቲ ብህግደፍ ዝተዳለወ ባዓል ኮኒኖምን ስደተኛት ኤርትራውያን ንከይሳተፍ ተማሕጺኖም። ብተወሳኺ ናይቲ ከተማ ከንቲባ እቲ ባዓል ብህግደፍ ዝተዳልወ ሙኻኑ ኣፍልጦ ከምዘይ ነበሮን  ብምግላጽ ቅሬቱኡ ገሊጹ። ኣብ መጻኢ ንተንኮላ ህግደፍ ብንትግሃት ክከታተሎ ሙኻኑ  ገሊጹ። ህግደፍ ነቲ መደብ ንምክያድ ነቲ ኣዳራሽ ብምድንጋር ከምዝሓዙዎ ውን ተቓሊዑ ኣሎ።

ኣብ ክሊ እቲ ብህግደፋውያን ዝተዳለወ ናይ ዳንኬራ  ጽምብል ወይጦታት ህግደፍ ብጋዜጠኛታት ዝተብረሎም ቃለ መሕተት ን መሰረታዊ  ጠንቂ ስደት ኤርትራውያን ብምቁንጻብ ናይ ቁጠባ ጸገም ሙኻኑ ከይ ሓነኹ ገሊጾም:: ብተወሳኺ ድማ ነቲ ብጋዜጠኛታት ዝቐረበሎም  ዓመታዊ ልዕሊ 35 000 ዝግመቱ ኤርትውን ስደተኛታት   ናብ ኣውሮጻ  ዝውሕዙሉ ምኽንያት ተሓቲቶም ዝሃቡዎ መልሲ፣ 60 ሚኣታዊት ካብቶ ስደተኛት ኢትዮጽያዋን ኢዮም ብምባል በቲ ዝበለየ ሓሶቶም ንልቦናን ትዕዝብቲን ዓለም ክደፍኑ ፈቲኖም:: ወይጦታት ህግደፍ ሓሶቶም ብምቕጻል  ኤርትራ ኣብ መስርሕ ዲሞክራሲ እትርከብ ሃገር‘ያ ክብሉ  ከይሓፈሩ ዳንኬሮኦም ክድስቑ ተሚዖም።

እዚ ብጭፍራ ህግደፍ ዝኸይድ ናይ ፕሮፖጋንዳን ሓሶትን መናፍሕ ንርትራውያን ኣይኮነን ንካልእ ተዓዛቢ ዝደናግር እኳ ኣንተዘይኮነ ኤርትራውያን ስደተኛታ ነዚ ጉዳይ ክነቕሑሉን። ነቶም ኣብ ኣውሮጵ ኣትዮም መንበሪ ፍቓድ ክዋሃቦም ተበዲላን ክብሉ ጸኒሖም ንናይ ህግደፍ ናይ ጣዕሳ ወረቐት ፈፈሪሞም ንዓዲ ዝማላለሱ ዝኑባት ኤርትራውያን ክነቕሑሎምን ኣብ ምቅላዕም ብዕትበት ሒዞም ተራኦም ንክጻወቱ ንጽውዕ።