ዝሓለፈ ዓርቢ፡ ኤምባሲ ምልካዊ ስርዓት ኢሳይያስ ኣብ ዱባይ ንዝርከቡ ኤርትራውያን ምስ ኢትዮጵያውያን ክግብር ኣብ ዝወጠኖ ናይ ደገፍ ሰልፊ ንኽመጽኡ ብቕንያቱ 500 ማልያ ስእልታት 1ይ ሚኒስተር ኣቢይን ውልቀመላኺ ኢሳይያስን ዝተለጥፎ ማልእያ ብምሻጥ ኳ ጸቕጢ ወሲኾም እንተዓደሙዎም፡ ተሳታፍነቶም ብምግላል ነቲ ጸቕጢ ዝተሓወሶ ጻውዒት ከምዝነጸጉዎ ካብቲ ቦታ ዝበጽሓና ዜና ሓቢሮም።

ኣብቲ ኣብ ዱባት ስታድዩም ዝተኻየደ ኣጋጣሚ፡ ናይ ቀደም ባንዴራ ኢትዮጵያ ዝሓዙ ዝርከቡዎም ልዕሊ 500 ኢትዮጵያውያን ክርከቡ ከለው፡ ሰራሕተኛታት ኤምባሲ ስርዓት ህግደፍ ዝበዝሑዎም 50 ኤርትራውያን ጥራይ ብምምጻእ `ዮም ተቓውሞኦም ገሊጾም።

ድሕሪ ናይ ኢትዮጵያ ሃገራዊ መዝሙር፡ ሃገራዊ መዝሙር ኤርትራ ዝዝመረሉ ተራ ምስ ኣኸለ፡ ድምጺ ኤርትራውያን ጠፊኡ ዝዝምር ምስ ተሳእነ፡ እቶም ኣብቲ ቦታ ዝተረኽቡ ሓደ ሓደ ውልቀሰባት ብሕፍረት መእተዊኦም ከምዝጨነቖም `ውን እቲ ሓበሬታ የረድእ።