ኣብቲ ምልካዊ ስርዓት ኢሳይያስ፣ ብስም መበል ኣርብዓ ዓመት ፈስቲቫል ቦለኛ ንኣዋርሕ “10 ሽሕ ሰብ ክስሕብ እየ” እናበለ ዑብ ዝበለሉ፣ ካብ 4 ክሳብ 6 ሓምለ ኣብ ቦለኛ ዝተኻየደ ፈንጥዝያ-ፈስቲቫል፣ ኣብ ሰለስቲኡ መዓልታት 2200 ጥራይ ከምዝተሳተፉዎ ሽያጥ ትኬት ብምውካስ እሙናት ምንጭታት ሓቢሮም።

እዚ ቁጽሪ’ዚ ሓደ ሕምሲት ናይቲ ምልካዊ ስርዓት ኢሳይያስ ዝተጸበዮ ብዝሒ እዩ።

እቲ ኣብ ውሽጢ ኤርትራ ብህዝቢ ዝኻዕበን ዝተመንወን ምልካዊ ስርዓት ኢሳይያስ፣ ነቶም ኣብ ወጻኢ ዝነብሩ ኤርትራውያን ስደተኛታት ኣብ ቦለኛ ኣኪቡ ፕሮፖጋንዳዊ መኽሰብ ከዋህልል ‘ኳ እንተወጠነ፣ በቶም ኣብ ወጻኢ ዝነበሩ ኤርትራውያን ስደተኛታት ‘ውን ተነጺጉ፣ ፈሺሉን ተዋሪዱን ተመሊሱ ‘ሎ።

እቶም ዝርካቦም ተሳተፍቱ ብኣዴታትን ኣቦታትን ዝተዓበለሉ ክኾኑ ከለዉ፣ ህግደፍ ኣብ በቦትኦም እሩሩ ክብሉዎ ንግዚኡ ሞራል ኣስኒቑ ክሰዶም ዝሓሰቦ መሊሶም ተስፋ ቆሪጾም ከምዝተመልሱ እቲ ሓበሬታ የረድእ።