ኣብ ዝሃልፈ ሰሙን ኣብቲ ዓገብ’ስ ንመስከረም ደኣ ኣብትሕቲ ዝብል ጽሑፈይ፡ሓደ ቆነጠጠፈ’የ ብዝብል ናይ ብርዒ ስም፡” ነዞም ኣኽላባት ዕረቑዎም ደኣ ” ብዝብል ኣርእስቲ ሂቡ፡ነቲ ክብሎ ዝደለ ተሪኹ ኣሎ።

እቲ ታሪኽ፡ታሪኽ ኣኽላባት’ዩ።ንሳቶም ይበኣሱ’ሞ፡ባእሶም፡ንዋናታቶም፡ቀጺሉ ንስድራቤት ወሲኹ ናብ ዓዲ ከምዝለሓመ’ሞ፡ዓዲ ብሁከት ከምዝተበ  ጸበጸት’ዩ ዝገልጽ።እዚ ከኣ ወልዱን መስከረምን ኣኽላባት ተቖ ጺሮም ደድሕሪኦም ደቂ ዓዲ ስዒቦም ኤርትራ ባርዕ ከይኣትዋ ብምስካፍ   ‘ዩ።

ባረኣእያ ቖንጠጠፈ ኣብ ኤርትራ ክሓስብ ዝኽእል የለን።ንሱ ሓደ ጥራሕ’ዩ ወረጃ።ግጭት ወልዱን መስከረምን ናብ ሃገር ልሒሙ ባእሲ ክፈጥር ከምዝኽእል ዝገመተ።በቲ ዚረኣናዮ ናይ ቃላት ምድርባይ ከኣ ሰባት ቅር ይብሎም’ምበር ንዑ መሰረት ገይሮም ናብ ግጭት ኪኣትው ይኽእሉ ዝብል ግምት፡ግምት ዘይብሱላት ጥራሕ’ዩ።

ኣብ ታሪኽ ግጭታትን ህልቂታትን ህዝብታት፡ካብ ታሕቲ ዝተበገሰ ኣይኮነን።ኩሎም ግጭታት ካብቲ ኣብ ስልጣን ዘሎ’ዩ ዝጅመር።ንኣብነት ኣብ ደቡብ ሱዳን ንርእዮ ዘሎና ግጭት፡ሓደ ላዕላዋይ በዓል ስልጣን ምስቲ ፕረዝደንት ስለዝተጋጨወ’ዩ ተጀሚሩ።ኣብ ኤርትራ ዘሎ ዘይፍቶ ኩነታት ህዝቢ ዝፈጠሮ ኣይኮነን፡ኣብ ስልጣን ዘሎ ኢሳያስ ኮነ ኢሉ ዝሰርሖን ዝደለዮ ኩነታት’ዩ።

ስለዚ ንሕና ከም መዓል ወልዱ ይኩን ካል ኦት ንዓይ ወሲካ ናእሽቱ ኣኽላባት ንገብሮን ንጽሕፎን ኣይኮነን ክነስተውዕል ዘሎና።ናትና ጽሑፍ፡ጽሑፍ’ዩ።ኣብ ስደት ፋሕፋሕ ኢልና ስለዘሎና ከኣ ናብ ኤርትራ ተወናጪፍና ንመልሶ ጸገም የለን።እቲ ክንጥንቀቀሉ ዘሎና ግን ዓበይቲ ኣኽላባት ዝገብሩዎን ዝሰርሕዎን’ዩ።ህዝቢ ኤርትራ ናብ ግጭት ክኣቱ እንተኾይኑ በዞም ሎሚ ኣብ ፖለቲካ ዝዋስኡ ዘለው’ዩ።እዚ ስለዝኾነ ኣነ ነዞም ኣኽላባት ኣስተውዕሉሎም ። (ስእሊ ተመልከት )

በመሰረት’ዚ ስእሊ’ዚ ፖለቲካዊ ኩነታት ኤርትራ ኣብ ሳልሳይ ዘሎ ምውጣጥ በጺሖም ኣለው።ኩሎም ናብቲ ክበልዕሉ ዝኽእሉ ጥራሕ’ዮም ዝሰሃሃቡ ዘለው ዓበይቲ ኣኽላባትና።ካብዚ ኩነታትዚ ዝብላዕ ገዲፎም ንመጻኢ ክብሉ፡ህዝቢ ኪዒቡና’ዩሞ እንታይ ንግበር ኢሎም ናብ ልዝብ ኪኣትዩ’ዮም።ድሮ ጀሚሮሞ ይህልዉ ይኾኑ’ዮም።ኣማራጺ ስለዘይብሎም ነተን ተሪፈነኦም ዘለዋ ግዜ ክብሉ፡ብዝኾነ ይኹን መንገዲ ክሰማምዑ ከኣ ኢዮም።ስለዚ ናብተን ናይ መወዳእታ ሓሊፎም፡ቅድም ብሃደ ኮይኖም ብጸጋም ዘሎ ሕንባሻ ክብለዑ’ዮም ንዑኡ ምስወድኡ ከኣ ናብቲ ሓደ ኬክ ክሰግሩ ኢዮም።

ንሕና መሻክን፡ከኣ ከም ቀደምና ኣይምስቲ ኣይምስቲ ተሪፋና፡ገለ ነቲ ርፍራፍ ይኹን ንጋፍ ዚኣርይሉ ዕድል ክረኽቡ’ዮም።ገለ ከኣ ከምቲ ንምሉእ ሃይወቶም ዝተጋደሉ ነደኹም ማይ ውረዱላ ተባሂሎም፡ሃገር ንህግደፍ ኣረኪቦም ናብ ስደት ዘምርሑ።ኣብ ስደት ዘሎና፡ንስደትና ክንምርቕ፡ዘይተሰደዱ ከኣ ዝህዙዎን ዝብሉዎን ጨኒቑዎም ክስደዱ’ዮም።

ስለዚ ክብራት ኣሕዋት፡ናእሽቱ ኣኽላባት ዝብሉዎ ገዲፍና እዞም ኦኣበይቲ ኣኽላባት ዝብሉዎን ዝገብሩዎን ነስተውዕለሎም።

የቐንየለይ፡

ተወልደመድኅን።

20/02/2014