ኤርትራውያን ካናዳውያን ደለይቲ ዲሞክራስያዊ ለውጢ ተቐማጦ ቶረንቶ፡ ንጅግንነት ሰባሪ ካርሸሊ ፓይሎት ደጀን ዓንደ ሕሸል ንምጽንባል ብ8 ሰነ ኣብ ዝገበርዎ ናይ ባርበኩዩ ርክብ፥ $2000 ዶላር ካናዳ ኣዋጺኦም።

እዞም ብትብዓት ፓይሎት ደጀን ዝተመሰጡ ደለይቲ ዲሞክራስያዊ ለውጢ፡ ንቅያ ደጀን መበገሲ ብምግባር ብዛዕባ ህሉው ኩነታት ሃገር ብፍኑው መንገዲ ዘቲዮም። ደጀን ዝፈጸሞ ጅግንነት ድማ ነቲ ደስኪሉ ዝጸንሐ መንፈስ ትብዓት ኤርትራውያን ኣበራቢሩ፡ ለውጢ ንምቅልጣፍ ልዑሉ ተራ ከምዝጻወት ኣሚቶም። ንኩሉ ፓይሎት ደጀን ኣብ ቤት ማእሰርቲ ዘጥረዮ ሕማማት ንምፍዋስ ድማ ሓገዞም ከምዘይፍለዮ ኣረጋጊጾም።

ፓይሎት ደጀን ን15 ዓመታት ብዘይ ፍርዲ ተኣሲሩ ክሳቐ ዝጸንሐ ኣብ መወዳእታ ነቲ ጽኑዕ ቤት ማእሰርቲ ፈንጢሱ ነጻነቱ ዝኣወጀ ናይ ጀጋኑ ጅግና’ዩ።