እቲ ብአማሓዳሪ ከተማ ከረን፣ ተክኤ ትማሊ ቀዳም ዕለት 14.09.13 ካብ ሰዓት 10 ናይ ንግሆ ጀመሩ ዝተኻየደ ኣኺባ ቀንዲ ዕላምኡ ብዛዕባ ምኽፋል ግብርን ምቁጽጽር ኮንትሮባንዳ ዝብል ኢዩ ኒሩ። ድሕሪ አማሓዳሪ ከተማ ከረን ሓላፊ ፖሊስ ከተማ ከረን መደረ ምስ ገበረ ርእይቶ ካብ ህዝቢ ንምቕባል መድርኽ ንተሳተፍቲ እቲ አኺባ ክፉት ኮይኑ። ተሳተፍቲ አኺባ በቲ ናይ ከተማ ምምሕዳር ዝተዓደሙ ነበርቲ ከተማ ከረን ኢዮም።

አብዚ አኺባ እቲ ተሳታፋይ ህዝቢ ዘቕረቦ በዳሂ ዝኾኑ ሕቶት ኒሩ። ካብቶም ዝቐረቡ ሕቶታት ቅድሚ ጉዳይ ግብሪ ምዝራብና እንታይ እኹል ዝኸነ ስራሕ ስለ ዘሎ ኢኹም ግብሪ ትሓቱ። እንታይከ መሳለጢ ስርሓት ንህዝቢ ዘቕረብኩሙሉ አሎ። አበይ ንዝፈረየ እትዋት ኢዩ ግብሪ ዝሕተት ዘሎ። ከተማ ከረን አብ ወርሒ 3 መዓልቲ ኤለትሪክ ዘይትረክብ ክንሳ እሞ ቤት ሻህን ቤት መግብን ብሽምዓ እናሰርሓስ አንታይ ግብሪ ኢና ንጽበ ዘለና ኢሎም። ገለ ተሳተፍቲ ድማ እኹል መጉዓዝያ ስለዘለየለ ምእንቲ ርእሱ ሰብ ብናህሪ ዋጋ ምጉዓዝያ ንግዳዊ ንጥፈታት ከካይድ አይክአለን ዘሎ። ነዘን ሰብኡተን አብ ሃገራዊ አገልግሎት ንዓመታት ተጸሚዶም ዘለው ደቀን ክዕንግላ ካብ ተሰነይ ቡን ነጸላ በርበር ድሸጣ እንተኾይነኩም ንሱኹም ባዕልኹም ደሞዝ ክትከፍለውን ዝግባእ ዝነበረ ደቀን አብ ጎልጎል ገዲፈን ድራር ደቀን ክምእርራ ላዕልን ታሕትን ዝብላ ዘለዋ ኢኹም ኮንትሮባንድ ትብሉ ዘለኹም ኢሎም፣ ንወደብቲ እቲ አኺባ በድህዎም። እቲ ሕቶ ካብ ቁጽጽር አከብቲ እናወጸ ስለዝኸደ አማሓዳሪ ከረን እዚ ናትና ጥራሕ ሓላፍነት ዘይኮነ ህዝቢውን ሓላፍነት ክስከም አለዎ ኢሉ።

ብዙሓት ካብቶም ተሳተፍቲ ኢዶም እናልዐሉ ብፍላይ ሓንቲ አደ እዚ እኮ ሕቶ ዘድልዮ ዘይኮነስ ባዕልኹምውን አብ ቴለቪጅን ኤርትራ ከይተረፈ ዝተኣመንክሙሉ ብስእነት ኤለትሪክን ሕክምናን መጉዓዝያን ከተማ ከረን ቅድሚ40 ዓመት እኳ አብ ከምዚ ዝአመሰለት ኩነታት አይተሸመመትን። ንሕና ነጻነትና ምስ ረኸብና ይሓልፈልና ድኣ በልና እምበር አብ ከምዚ ዝኣመሰለ ታኺላ ክንአትው ኢና ኢልና ምሕሳብ አይኮነን፣ ሓሌምና አይንፈልጥን። አነ ጓል 78 ዓመት ኢየ ዝመኽረኩም ነገር እንተሎ ‘ ናይ ካልኦት ጻሕሊ ክኖኽውስ ናትና ንሕርር ከይንህልው ግዜ ይኽይድ አሎ ምስ በላ ካብ ጫፍ ናብ ጫፍ ብጣቕዒት ተሳተፍቲ ድጋፎም ነተን አደ አሰሚዖም።

እቲ ናይ ፖሊስ አዛዚ ተሲኡ ንሕና እኮ ህዝቢ ክነሳትፍ ኢልና ኢና አኺባ ጊርና አምበር ንሕና ግብሪ ዘይከፍል አብ ኮንትሮባንድ ዝዋሳእ ምእሳር ጥራሕ ኢዩ ኢሎ። እቲ አኺባ ማእዘኑ ስኢኑ ተሳተፍቲ እቲ ናህና ጸገምን ናትኩም ድልየትን አይገጠመን ዘሎ ንሱኸም ትዛራብሉ ዘለኹም ጉዳይ ደየለ ምናልባትውን ንእሽቶ ጉዳይን ኢዩ፤ ንሕና ግን ናይ ዕለታዊ ጸገምና ንገልጸሉ መደርኽ ስለዘየለ ሕጅ ዕድል ሰለዝረኸብና ንዛረብ አለና። አብ ሕክምና ሓደ ሰብ ንኽርኣይ ከይዱ ካልእ ዘይነበሮ ሕማም ተሰኪሙ ይምለስ አሎ። ብጸልማት ስኣን መብራህቲ ስርቂ ወሰን ስኢኑ አሎ። እዚ ድማ ንስኹምውን ተፈልጥዎ ኢዩ፣ ንምዝራብ እንታይ ደሰክፍ አሎና ኢለን።

አመሓዳሪ ከረን ነዚ ትብለዎ ዘለኹም ጸገም አሎ እንድሕር ኮይኑ መጽናዕቲ ዘድልዮ ጉዳይ ኢዩ። እዚ ድማ መንግስትን ህዝብን ብሓባር ኮይና ኢና ክንኣልዮ ዘለና ኢሉ። አብ ካልእ ግዜ ካልእ አኺባ ነዚ አመልኪትና ክንጽውዕ ኢና ብምባል ድማ ነቲ አኺባ ወዲእና አለና ኢሉ በቲኑዎ።

ህግደፍ ካብ ናይ ህዝቢ አኺባታት ኩሉ ግዜ ብሜላ ኢዩ ዝሃድም።

እቲ አብ ኤርትራ አጋጢሙ ዘሎ ቁጠባውን ምምሕዳራዊ ጸገም ካብ ዝኸፍኣ ናብ አዝዩ ዝኸፍኣ መደርኽ ይሰግር አሎ። እቲ ቀንዲ ጠንቂ  ናይዚ ኩሉ ውደቀት ጠጠዝኸነ ዲክታተርያዊ መራሒ ኢሳያስ ለንቅነ አብ ኣዝገበሮ ቃለ መጠየቕ አብ  ጉዳይ ሓይሊ ኤለትሪክ ዋላ ሓደ ክገብሩ ከምዘይክእሉ ብዕሊ ዘጋጠሞ ውደቀትውን ብዘይቀልዓለም ብዒሊ ገሊጹ ኢዩ። አብ ዝሓለፈ 21 ዓመት ዝተዓወተሉ መደብ ከምዘየለ ካብ ዝሓለፈ ተሞክሮ ተማሂርና ክምሓድሽ ክንጅመር ኢና ከምዝበለ ይፍለጥ። ኢሳያስ ንኤርትራ አብ ዘይውጻእ ጸገም ሸሚምዋ ክዓርብ ከይሰልከየ ይሰርሕ አሎ።

ከምዚ ኣብ ‘ዚ ቪድዮ እትርእዩዎ፣ ኣብ 2012 ኣብ ከረን ዝተኻየደ ህዝባዊ ኣኼባ ተመሳሳሊ ከቢድ ሕቶታትን ርእይቶታትን ህዝቢ ወሪዱ ኳ እንተነበረ፣ እዚ ናይ ሎሚ ዜና እቲ ኩነታት ገና መመሊሱ እናኸፍአ ይኸይድ ከምዘሎ እዩ ዘረጋግጽ።

http://www.youtube.com/watch?v=8w2dJs_X7gw&width=200&height=200