26-07-13።

4. ረብሓታት ኣብ ዓሰብ ካብ ዝርከብ ትካላት ክትኮረሉ ዝግባእን።

ኣብርእሲ ካብዝሓለፈ ገምጋመይ ዘቕረብኩዎ ተወስኺ ካብ ትካላት ኣብ ዓሰብ ዝርከብ ክትኮረሉ ዝግባእ (እዚንመጻረ ይት ኮሚተዘይተዋህበ ዝምልከቶ ኣካል ክጥቀመሉ ዘቕርቦ ርኢቶ ኢዩ)። እቲ ዝቐደመ ግን ብጽሑፍ ንመጻረይት ኮሚተ ዝተዋህበ ኢዩ።

4.1፡ መዓርፎ ነፈርቲ ዓሰብ።

እዚመዓርፎነፈርቲ‘ዚምስቲናይደርጊፖሊሲኡናይውግእስግኣትካብቀይሕባሕሪከምኡ‘ውንኣብማእከላይምብራቕዝተፈጥረናይዒራቕኩነታትክብለጸሉደርጊዝሓሰቦምስቲንዳንካልያከምናይመወዳእታመጣልዒካርታኣብጉዳይኤርትራንምሓዝእቲናይሓያላንመንግስታትብፍላይኣመሪካኣብኩዌትዝወሰድዎስጉምቲንሓይሊኣመሪካዓሰብከምመዓርፎሰራዊትክጥቀሙሉንማይክወስዱንዝሓተቶምኣነጻጺርካክርአእንከሎኣብዚወቕቲ‘ዚምጅማሩንናይነዊሕመደባትዝኣመተከምዝነበረ።

 

እቲ ገንዘብ /ባጀት/ ዝነበረ ፕሮጀክት ናይ መንገዲ /ጽርግያ/ መስርሒ ዝተዋህበ ከምዝነበረ። ብሃንደበት ከይተሓሰበ ኣብ 6 ወርሒ ብህጹጽ ዝተሰርሐ ካብ ወርሒ 11/90 – 5/91፡ ዝተፈጸመ ምንባሩ። ኣብ ዳንካልያ ውግእ ካብ 2/91 – 5/91 ንሓደ ወርሒ ጥራይ ወርሒ 5/91 ከምዝተጠቕመሉ እዚ‘ውን ሙሉእ መፈጸምታ ከይበጽሀሐ ብሃታሃታ ዝተመረቐ ኣብ ኣገልግሎት ውግእ ከምዝውዕል ዝተገብረ።

 

• ንሕና ነዚ ብኸመይ ኣብረብሓና ነውዕሎ ብቀዳምነት ፡ እዚ መዓርፎ ነፈርቲ‘ዚ 3.5 ኪ.ሜተር ዝንውሓቱ ኢንተርናሽናል መዓርፎ ነፈርቲ ካብ ናይ ኣስመራ ዝዓበየ ኢዩ። (ኣስመራ 2.8 ኪሎ ሜትር ስለዝኾነ።
• እቲ ተሪፎም ዘለዉ ስራሓት ናይ ሲግናል (መብራህቲ) ወሰንወሰን ብዙርያ በቲ ፕላን መሰረት ዝነበረ ጋራጅ፡ ገዛውቲ ኣየርፖርት ዘድሊ ዝነበረ ፈሪሱ ሓድሽ ምስቲ ኣሰራርሓ ኣየርፖርት (መዓርፎ ነፈርቲ) ዘድሊ ገሊኡ ድሮ ዝተጀመረ ከምዝፍጸምን ከምዝስራሕን ምግባር።

-እዚ ምስዝፍጸም ካብዚ ሕጂ ዘለዎ ናይ ኢቲዮጲያ ኣየርላይን ጥራይ ምዕራፍ ወይ ምዕንጋል ዓለምለኻዊ መዓርፎ ነፈር ቲ ክኸውን ከምዝኽእል። ብፍላይ ምስ ህሉው ኩነታት ሶማል ጂቡቲ ርግኣት ዘይምህላዉ በዚ መስመር‘ዚ ዝጓዓዛ ነፈር ቲ ኣብ ዓሰብ ከዕርፋ ዘድልየን ጠለባተን ከምዝምልሽ ጌርካ ምድላው የድሊ።

–       እዚ ከኣ ናብ ሰሜን፡ደቡብ ከምኡ‘ውን ካብ ምዕራብ ናብ ምብራቕ፡ ካብ ምብራቕ ናብ ምዕራብን ማእከላይ ምብራቕን፡ ርሑቕ ምብራቕን ዝበርራ ከገልግል ይኽእል። ከምኡ‘ውን ረፋይነሪ ብጉቡእ ምስዝሰርሕ ካብዚ መ ዓርፎ ነፈርቲ‘ዚ ነዳዲ ናይ ነፈርቲ ንመሸጣ ከነቕርብ ይካኣል። ካብዚ ነዳዲ‘ዚ ዝለዓለ ረብሓ ናይ ወጻኢ ሸርፊ (ዶላር) ክርከብ ይካአል።

–       እቲ ዝበለጸ መሐንበሲ ቦታ 6 ኪሎ-ሜተር ካብ ዓሰብ፡ 5 ኪሎ-ሜተር ካብ መዓርፎ ነፈርቲ ኣብ ሞንጎ ስለዝር ከብ ኣዝዩ ተፈታዊ ይገብሮ።

–       እወ፡ ክኢላታት መጽናዕቲ ገይሮምእቲ ካብዚ ክርከብ ዝኽእል መኽሰብ ወይ ረብሓ ብደቂቕ መጽናዕቲ ክገብርሉ የተሓሳስብ። ነዚ መዕርፎ ነፈርቲ‘ዚ ዘድሊ ኣቓልቦ ክወሃቦ ይግባእ።

4.2፡ ማይክሮዌቭ ዓሰብ።

ማይክሮዌቭ ዓሰብ ኣገልግሎቱ ኣብ ዓሰብን ውሽጢ ኢቲዮጲያን ጥራይ ዝተሓጽረ ኣይኮነን። ዝግልገላ ኬኒያ፡ ሶማል፡ ጂ ቡቲ፡ የመን፡ ኢቲዮጲያ፡ ኤርትራ ከምኡ‘ውን ሱዳን ከገልግል ከምዝኽእል ይዝረበሉ። ነዚ ብደቂቕ መጽናዕቲ ጌርካ ዝተ ረጋገጸ ኣገልግሎት ምፍላጥ። ካብዚ ኣገልግሎት ክራይ ዝኣቱ ምግማቱ። እቲ ምኽፋት ማይክሮዌቭ ዓሰብ ምስቲ ዓሰብ ዘ ለዎ ስራሓት ምእንጋድ መራኽብ ትወሳኺ ካብ ክራይ ዝኣቱ ገንዘብ ረብሓ ናይ ሃገር ስለዘለዎ ንክርአ የተሓሳስብ። እቲ ፕሮጀክት ምስ መሰጋገሪ መንግስቲ ኢቲዮጲያ ዝኽፈል ክራይ ሳተላይትምስ‘ዚ ኣታዊ‘ዚ ምንጽጻር።

4.3፡ ትካል ዓሳ ዓሰብ።

ብነርወጂያን ዝተመደበ 40 ሚሊዮን ዶላር ኣመሪካ ባጀት ወይ ፕሮጀክት፡ ብመንግስቲ ኢቲዮጲያ ዝጸደቐ መሰረት ኣባይ ዝተባህለ ነቲ ፕሮጀክት ሓላፍነት ዝተዋህባ ካብ ኣ.ኣበባ ዓሰብ መጺኣ ሓቢራ ዝነበረት ናብ ምስሌነ ኤርትራ ኣ.ኣበባ ዘመ ሓላለፍናያ።

እዚ ፕሮጀክት‘ዚ ናይ ምምሃር፡ ናይ ምግፋፍ፡ ናይ ምዕሻግ፡ ናይ ንግዲ ወዘተረፈዝሓቖፈ ስለዝነበረ፡ ነዚ ፕሮጀክት‘ዚን ካልእ ፕሮጀክትን መጽናዕቲ ጌርካ ነዚ ሕጂ ኣብ ዓሰብ ጥራይ ተሓጺሩ ዘሎ መሸጣ ዓሳ ካብ 10 ኩንታል ኣብ መዓልቲዘይሓልፍ ዘሎ ክሳብ ውሽጢ ኢቲዮጲያ ደሴ ኣ.ኣበባ ወዘተረፈ ከምዝባጻሕ፡ ካብዚ ሓሊፉ‘ውን ትካል ምዕሻግ ኣብ ዓሰብ ዝትከለሉ መንገዲ‘ዚ ፕሮጀክቲ‘ዚ እውን ስለዝሕብር፡ መሸጣ ዓሳ ናብ ወጻኢ ነዚ ዝኣመተ ረብሓታት ከምዘለዎ የገንዝብ።

4.4፡ ትካል ጨው ዓሰብ።

እዚ ትካል‘ዚ ብዘይካ‘ቲ 1, 400, 000. ኩንታል ንመሸጣ ንኢቲዮጲያ ዓመታዊ ዘድሊ፡ ማለት 1, 200, 000. ኩንታል ንህ ዝቢ ንመግቢ ዘውዕሎ፡ 200, 000, ኩንታል ንትካላት ፋብሪካ ቆርበት ወዘተረፈ ዝውዕል።ጠለብ ዓመታዊ ኢቲዮጲያ ብሕሳብ 32 ብር ንኩንታል 44, 800, 000. ብር ኣታዊ ዝርከቦ።

ካብዚ ሓሊፉ ናብ ወጻኢ መሸጣ ጨው ሃሰስ ምባል፡ ነዚ ትካል‘ዚ ብመሳርሒ /ጥበብን/ ክእለትን ካብዘለዎ ናብ ዘመናዊ ቀይርካ ዓመታዊ ናብ ወጻኢ ዝኸይድ ዝሽፍን ኮይኑ ምህርቱ ክዓቢ ከምዘለዎ። በዚ ሕጂ ዘለዎ 10,000 ቶን ኣብ ወርሒ ነቲ ጠለብ ናይ ኢቲዮጲያ ጥራይ ዝሽፍን ስለዝኾነ፡ ካብዚ ንላዕሊ ከፍሪ ወይ ምህርቲ ክርከቦ ስለዝኽእል፡ ናይ ምዕሻግ ጨው‘ውን ነዚ ከባቢና ክሽፍን ዝኽእል ዘለዎ ተኽእሎ መጽናዕቲ ጌርካ ፕሮጀክት ምቕራብ የድሊ።

4.5፡ ሓሊብ (ገፈፍቲ ዓሳን መጐዓዝያ ሰብን መራኽብን)

እዚ ትካል‘ዚ ብኮርያዊያን ዝተጀመረ፡ ኣብ ውሽጢ ሓሙሽተ ዓመት ካብ 87 – 91፡ ገና ዘይተወዳ ጅምር ስራሕ ናይ ገለ 3 ዝኾና መራኽብ ናይ ገፈፍቲ ዓሳ (2)ናይ ሰብ መጐዓዝያ (1) ኣብ መስርሕ ዝርከባ ንምፍጻም ቁሩብ ዝተረፈን ይርከባ። ከምኡ‘ውን ቤት ትምህርቲ ናይ ኢደ-ጥበብ፡ ሓጺን፡ ዕንጸይቲ፡ ኤለክትሪክ፡ ነቪ ወዘተ ከገልግል ዝኽእል ህንጻታትን ቤት- ዕዮን ዝተዳለወ ገና ዘይተወድአ ናይ ሓመድ መዓርፎ ነፈርቲ ዝተነጽፈ ዘለዎ።

እዚ ከም መዓስከር ሙሉእ መደብ ዝነበሮ ከም መተካእታ ናይ ዓሰብ ዝሕሰብ ከምኡ‘ውን ንጂቡቲ፡ የመን፡ ወዘተረፈ ከም- ወተሃደራዊ መዓስከራት ናይ ቀረባ ክህድድ ዝዓለመ ይመስል።

ብቐዳምነት ዝተጀመረ ፕሮጀክት ሓሊብ ምስ መንግስቲ ኮሪያ፡ ኢቲዮጲያ ምርድዳእ ከም ዝቕጽል ወይ ናይ ኣተሓሕዛኡመንገዲ ምግባር የድሊ።

እቲ ናይ ገፈፍቲ ዓሳ መጐዓዝያ ሰብ ጠለብ ንዓና ዘድሊ ኣዝዩ ውሱን ክኸውን ይኽእል። እንተኾነ ከም ፕሮጀክት መፈጸምታ ኣብጺሕካ ነቲ ናይ መሸጣ ናይ ከባቢና ምዕላምን ምሕሳብን ዘድሊ ይመስለኒ።

ልዕሊ ኩሉ ከም ወተሃደራዊ መዓስከር ናይ ባሕሪ፡ ምድሪ፡ ኣየር፡ ነቲ ከባቢ ከገልግል ይኽእል ዝብል ግምት ኣለኒ። ምስቲ ድሌት ናይ ሓዋሩ፡ ንገምገም ባሕሪ ዝመጽእ ኣባይ /ጸላኢ/ ናይ ኢቲዮጲያ ይኹን ዓፋር ወዘተረፈ።

4.6፡ ናብ ወጻኢ ዝላአኽ ንግዲ።

ካብ ውሽጢ ኢቲዮጲያ ካብ ዝርከብ ቡን፡ ቆርበት፡ ኣባጊዕ፡ ወዘተረፈ ዕዳጋ ኣብ ዓሰብ ብምኽፋት፡ ናይ ወጻኢ ሸርፊ ናብ ወጻኢ ንምልኣኽ ዘሎ ተኽእሎ ሃሰስ ምባል መደብ ምግብር።

5፡ ፕሮጀክት።

5.1፡ ወደብ ዓሰብ ምዕባይ።

ወደብ ዓሰብ ናይ ምዕባይ /ምስፋሕ/ ብዪጎዝላቪያ ዝተጀመረ ምስ መንግስቲ ዪጎዝላቪያ መሰጋገሪ መንግስቲ ኢቲዮጲያን እቲ ዝተጀመረ ፕሮጀክት ከምዝቕጽል ምግባር። ብዙሕ ንብረት ከም ናይ ኮንስትራክሽን ኣብ ወደብ ዝተራገፈ ከምዘሎን ምእርናብን ምቁጽጻርን ከድሊ ኢዩ።

እቲ ምዕባይ ናይ ወደብ ምስቲ ናጻ ወደብ ምዃኑ፡ ካብ 70% ናይ ኢቲዮጲያ ኣታዊ በዚ ወደብ ዝነበረ ካብ ጁቡቲ 15% ብዘይውሕድ ክውስኽ ስለ ዝኽእል፡ 85% ናብዚ ምዝዛው ስለዘይተርፍ፡ ነቲ ኣብ ዓመት 354 መራኽብ ዝዕንግል ዝነበረ 15% ብዝወሓደ ክውስኽ ስለዝኽእል፡ ምዕባይ ወደብ ግምት ምሃብ የድሊ። ብዝወሓደ ናብ 400 መራኽብ ዓመታዊ ክዓቢ ኢዩ።

5.2፡ ናይ ፈረንታዮ መሳርሒ። (ዘመናዊ መሳርሒ)

ናይ ኣየር-ፖርት /መዓርፎ ነፈርቲ/ ናይ ወደብ ዓሰብ ምዕባይ ፕሮጀክት ኣብ ግምት ምእታው። ዓቢ ዘመናዊ መሳርሒ ናይ ፈረነታዮ ከባቢ ኣየር ፖርት ይርከብ። እዚ ፈረነታዮ‘ዚ ዓብን ዘመናውን ኩሉ ነገር ዘማልእ ባዕሉ ኩሉ ነገር ዝፍጽምን ኣብ ዳግመ-ህንጻ ሃገር ዓቢ ግደ ክጻወት ስለዝኽእል፡ እቲ ናይ ወደብ ዓሰብ ምዕባይ ዘየሀውኽ ምስ ዝኸውን እቲ ጽርግያ ካብ ዓሰብ ንባጽዕ ተቐላጢፍካ ዘይስራሕ ምስዝኸውን፡ እዚ መደባት‘ዚ ንግዝያዊ መንግስቲ ኤርትራ ዝምልከት ኮይኑ፡

ዘለኒ ርኢቶይ፡-

• እዚ መሳርሒ‘ዚ ብዘይስራሕ ካብ ከባቢ ዓሰብ ዝጸንሕ፡ ናብ ዘድሊ ቦታ ከምዝመጽእ ጌርካ ዓቢ ግደ ኣብዳግመ -ህንጻ ናይ ትሕተ-ቅርጺ ሃገር ክጻወት ስለዝኽእል ግምት ምሃብ።
• ብደቂቕ ካአ መጽናዕቲ ናይ ክኢላታት የድሊ። ኣብ ምግዓዝ ይኹን ናይ መደባትን ግዝያዊ መንግስቲ ኤርትራ ንምስናይ፡
• ብፍላይ ምዕባይ ወደብ ዓሰብ መንገዲ ባቡር ካብ ባጽዕ ኣስመራ -ምዕራብ ኤርትራን ምህናጽ ጽርግያታት ኣብ ውሽጢ ኤርትራ ዝቕድም ምስ ዝኸውን እዚ መሳርሒ‘ዚ ኣድላይ ኢዩ።

6፡ ምምሕዳር ዓሰብን ሰራዊትን፡

ዓሰብ ከምክፉት በሪ ናይ ህዝቢ ኢቲዩጲያ ንቁጠባ ኢቲዮጲያ ወሳኒ ተራ ዘለዎ፡ ዝበዝሕ ናብ ኢቲዮጲያ ዝኣቱ በዚ ወደብ‘ዚ ክኸውን ምስ ናጻ-ወደብምዃኑ፡ ምስ ህሉው ኩነታት ጂቡቲ መስመር ጂቡቲ ዲረዳዋን ኣ.ኣበባን ሕማቕ ምህላዉ ንቀጻሊ‘ውን እናኸፍአ ዝኸይድ እንተዘይኮይኑ ክመሓየሽ ተስፋ ዘይብሉ፡ ዓቕሚ ባቡራት  በዚ መስመር‘ዚ ዝተወሰነ ምዃኑ፡ ብዓሰብ-ኣ.ኣበባ ግን ብደረቕ ጽዕነት 20,000. ቶን ፈሳሲ 2000 ቦጥ ምስተሳሓብተን ዓቕሚ ምህላዉ፡-

–       መዓልታዊ ዓቕሚ መጎዓዝያ እኹል ኢዩ እንተዘይተባህለ፡ ነቲ ምስ ጂቡቲ መስመር ዘሎ ንኣሽቱ ባቡራት ኩነታ ት ዘይምርግጋእን ኣነጻጺርካ ዝሓሸ ምዃኑ።

–       ነዚ ናይ ካሶኒን ቦጥን ዓቕሚ መጐዓዝያ እውን ክውስኽ ተኽእሎ ስለዘሎ ማዕረ‘ቲ ዝራገፍ ከምዝጻዓን ንምግባሩ ውጥን ወጻኢ ምስ ዝሰርሓሉ ተመራጺ መስመር ስለዝኾነ፡ ነቲ ብዓቢ ሓላፍነት ተሰኪሙ ናይ ኤርትራ ቁጠ ባዊ ረብሓታት ኣብ ስነ-ቁጠባዊ መጽናዕቲ ዝምርኮስ ካብ ወደብን ትካላትን ብሕጂ ክምዕብል ዝድለይን ወይ ትጽቢት ዝግበረሎም ከም ናይ ዓሳ፡ ጨው ወዘተረፈ ክእለት ዘለዎ ብዛዕባ ቁጠባ ፍልጠት (ብምህሮ) ዘለዎ ኣመሓዳሪ ክምደብ ይምረጽ።

–       ኣብዚ ዝግበር ንእሽቶ ጉድለት ወይ ጌጋ ንሃገራዊ ረብሓ ብሚሊዮናት ስለ ዝትንከፎ እዚ ከኣ ነቲ ዓመታዊ ባጀት ናይ ኤርትራ ብቀሊሉ ዝጸሉ ስለዝኾነ፡ እቲ ዝበዝሐ ባጀት ኤርትራ ክሳብ ሕርሻ፡ ኢንዱስትሪ ሕውየት ገይሩ ንቡር ዝምለስ፡ ነዚ ናይ ረፈረንዱም ግዜን፡ ቀዳማይ ሓሙሽተ-ዓመት ውጥን ቁጠባን፡ ምንግስቲ ኤርትራ ካብ ዓሰብ ብውሕልነት ረብሓታትና ምስ ዝእከብን ሃሰስ ምስ ዝበሃልን ብቀሊል ዝጥመት ከምዘይኮነ፡-

ኣብነት ንምቕራብ፡ በቲ ዝነበረ ጥራይ ምስዝርአ፡

-ቀረጽ…………..    400 ሚሊዮን ብር እዚ ናጻ ወደብ ሕድገት ንኢቲዮጲያ።

– ወደብ ……….    360 ሚሊዮን ብር እዚ ረብሓና ይኹን።

-ማሪታይም……     150 ሚሊዮን ብር እዚ ረብሓና ይኹን።

– ሪፋይነሪ……..     150 ሚሊዮን ብር እዚ ረብሓና ይኹን።

– ጨው ……….     50 ሚሊዮን ብር እዚ ረብሓና ይኹን።

– ዓሳ…………….    50 ሚሊዮን ብር እዚ ረብሓና ይኹን።

– ካልእ ትካላት..    ከምኡ………።

በዚ ምስ ንምልከቶ ናይ ናጻ ወደብ ጥራይ ገዲፍና 400 ሚሊዮን ብር ሕድገት ንኢቲዮጲያ። እቲ ካልእ ኩሉ ናባና ምስ ዝኣቱ ናይቲ ዝተፈልጠ ጥራይ 710 ሚሊዮን ብር ዓመታዊ ኣታዊ ክህልወና ኢዩ ማለት ኢዩ። እዚ ከኣ ምስቲ መዓርፎ ነፈርቲ፡ ማይክሮ-ዌቭ፡ ዓሳ፡ ካልእ ወዘተረፈ ኣታዊታት ናብ ሓደ ቢሊዮን ብር  ዓመታዊ ክበጽሕ ተኽእሎ ስለዘለዎ፡ ነዚ ረብሓታት‘ዚ መጽናዕቲ ዝገብር ብቁጠባዊ ዓይኒ ፍልጠትን ብውጥን ዝመርሖ ኣካልን ኣብ ዓሰብ ክህሉ ርእይቶ የቕርብ።

በጻሕቲ ዓሰብ ካኣ ካብ መላእ ዓለምን ኢቲዮጲያን ኢዮም።

ሰራዊት ኣብ ዓሰብ ዝምደብ ከምኡ‘ውን ክፍልታት።

ተጋደልቲ ከም ኣብ ካልእ ቦታታት ኤርትራ ብናጻ ብዘይደሞዝ ክሰርሑ ክሕሰብ የብሉን። እዚ ወደብ‘ዚ ንህዝቢ ኢቲዮጲ ያ ዘገልግል ወደብ ኢዩ። ኩሉ ስራሕ ከኣ ካብቲ ተራ ወታሃደር ሓለዋ ብሎኮ ወይ ትካል ዝውዕል ክሳብ ዝለዓለ ኣካል ዝተዋፈረ ሸቃላይ ወይ ኣገልጋሊ ናይ ህዝቢ ኢቲዮጲያ ኢዩ። እዚ ከኣ ኣብ ቅድሚ 90% ተቐማጢ ህዝቢ ኢቲዮጲያ መዓልታዊ ዝኣትዋ ዝወጻ መካይን ጽዕነት ደረቕን ፈሳስን ካብ 500 መካይን ዘይውሕዳ ካብ 4-7 መራኽብ ዓለም መዓልታዊ ዝኣትዋ ዝወጻ ኢየን። ምስ ከምዚ፡ ኣብ ከምዚ ኩነት ብዘይ ደሞዝ ጸገም ክፈጥር ኢዩ። መስተ፡ ሽሂ፡ መግቢ፡ ዙረት ምስቲ ከተማ ዝኸይድ ምዝንጋዕ ወዘተረፈ፡ ሰራዊትን ክፍልታትን ክደልዩ ኢዮም።ነዚ ከምፍታሕ ዘድልዮ ዘለኒ ርኢቶ፡-

1. መነባብሮ ምምሕያሽ፡ ማዕረ‘ቲ ነባሪ ህዝቢ ምብጻሕ፡ ነዚ ከኣ ፍሉይ ባጀት ምምሕያሽ የድልዮ።
2. ናይ ምዝንጋዕ መደባት፡ ብባህሊ፡ ሙዚቃ፡ ቪዲዮ፡ ተለቪዠን፡ መስተ፡ ስፖርት፡ ወዘተረፈ ከምዝስነ ምግባር። ስሩዕ መደባት ምግባሩ።
3. ደሞዝ ሙሉእ እንተዘይተኻእለ፡ ናይ ጁባ ገንዘብ /ፖኬት ማኒ/ ከድሊ ኢዩ።
4. ኣብ ጂቡቲ፡ ኢቲዮጲያ፡ ዶብ ዝምደብ ሓለዋ ዶብ ካኣ ፍሉይ ሓለፋ ወይ ደሞዝ ከምዘድሊ፡ ምኽንያቱ ናይ ጂቡቲ ይኹን ናይ ኢቲዮጲያ ደሞዝ ስለዘለዎም።

እዚ ምስዘይግበር፡ ሰራዊትን ክፍልታትን ናቶም ውልቃዊ – ረብሓታት፡ ድሌታት፡ ዝረኽቡሉ መንገድታት ሃሰ

ስ ክብሉ ኢዮም። ኣብ ዓሰብ ድማ ብዙሕ መንገዲ ስለዘሎ፡ ኣብ ዘይተደለየ ሕማቕ ሳዕቤናት ከይኣትዉ፡ ነዚ

ግምት ዝሃበ ፍሉይ ባጀት ናይ ተጋደልቲ ኣብ ዓሰብን ከባቢኣን ምምዳብ ከድሊ ኢዩ።ነዚ ከኣ ዝምልከቶ ክፍ     .ሊ ፍሉይ መጽናዕቲ ካብ ዝተጨበጠ ኩነታት ዓሰብን ከባቢኣን ናብ ግዝያዊ መንግስቲ ኤርትራ ከቕርብ ይላቦ።

ብዛዕባ‘ዚ ምስ መስፍን ሓጎስ ተዛሪበሉ ኢየ። ንሕና ትሕዝቶ መግቢ፡ መስተ ስለዝነበረና ብዘይጸገም ሓሊፍናዮ ኢና።

ይቕጽል፡

ጎደፋ፡