ድሕሪ ነዊሕ ናይ ምትላልን ምድንጋርን እዋን፡ ኣመሓደርቲ ናይቲ ብኣገልገልቲ ህግደፍ ዝምራሕ ቤተክርስትያን ስታቫንገር፡ ነቲ ብምእመናን ዝቐርብ ዝነበረ በዳሂ ሕቶታት ምምላስ ብምእባይ ከመሳምሱን ከዕገርግግሩን ድሕሪ ምጽናሕ፡ ኣብ ዝሓለፈ ሰንበት ዕለት 03.02.2013 ነቲ ብህዝቢ ዝቐረበ ዝተፈላለየ ሕቶታት ደም እናጠዓሞም ክምልሱ ተቐሲቦም፡፡ ካብቲ ዝነበረ ኣኼባ ድማ ነዚ ዝስዕብ ነጥብታት ጸሚቝና ክነቕርብ ንኽእል፡፡

1. ካድራት ህግደፍ በቲ ዘይዕጸፍ ውሁድ ሓይሊ ህዝቢ ራዕዲ ክኣትዎም ካብ ዝጅምር ነዊሕ ግዜ ሓሊፉ ኣሎ። ከም ሳዕቤን ድማ ብቍጽሪ መታን ከይዕብለሉ ኣብ ምሉእ ዞባ ሮጋላንድ ዘለዉ ኰራኵሮም ናብቲ ኣኼባ ብምዕዳም፡ ካብ ሰረተ እምነት ኦርቶዶክሳዊት ቤተክርስትያን ወጻኢ ኣገለገልቲ ህግደፍ ንዝኾኑ ኣመንቲ ካቶሊካዊት ቤተክርስትያንን፡ ወንጌላዊት ቤተክርስትያንን ናይ ካልኦት እምነታትን ከም ዝሳተፉ ገይሮም፡፡
2. ካብ ሕጊ ቅድስቲ ቤተክርስትያን ወጻኢ፡ ስርዓተ ቅዳሴ ንመጀመርያ ግዜ ኣብ ኣፍደገ ደው ብዝበሉ ክልተ ቍጹራት ዋርድያታት ተሓልዩ ከም ዝካየድ ተገይሩ፡፡
3. ኣብዚ ዝተጠቕሰ ዕለት ኣብ ናይ ገንዘብ ጕዳይ ዝቐረበ ሕቶታት ክምልሱ ፈቲኖም’ኳ እንተ ነበሩ፡

ሀ. እቲ ቤተ ክርስትያን ኣብ 1998 ተመስሪቱ ክነሱ፡ እቲ ዝቐረበ ናይ ገንዘብ ጸብጻብ ግን ካብ 2003 ጥራሕ ስለዝነበረ ተቐባልነት ኣይረኸበን፡፡
ለ. ብዛዕባ ገንዘብ ይኹን ካልእ ነገራት ሓታቲ ዘይብሉ ወዳእ ነገር ቢንያም ኣስመላሽ ዝበሃል ወይጦ ናይ ህግደፍ እዩ፡፡ ኣብዚ ግዜዚ ኣብ ዓዲእንግሊዝ እናተቐመጠ’ውን ንሱ’ዩ ኩሉ ነገር ዝውድእ፡፡ እዚ ሰብዚ ነቲ ገንዘብ ኣብ ክልተ ቍጽሪ ሕሳባት ናይ ከም ዝሕዞ ተሓቢሩ፡፡ ነዚ ግን እቶም ኣባላት ቅድሚ ሕጂ ዝፈልጡዎ ጕዳይ ኣይነበረን፡፡ እዚ ሰብዚ ንዓበይቲ ሰበልጣን ኤርትራ ሓዊስካ፡ ገንዘብ ኣብ ብምሽራፍን ካልእ ዘይሕጋዊ ነገራትን ተዋፊሩ ከም ዘሎ ስለዝፍለጥ፡ ንሱ ዝህቦ ናይ ገንዘብ «ጸብጻብ» ተቐባልነት ከም ዘይብሉ ይሕበር።
ሐ. ሕጂ’ውን እቲ ናይ ገንዘብ ጸብጻብ ካብ 1998 ጀሚሩ ክቐርብ ኣለዎ፡፡
4. ኣብ ዝስዕብ ኣኼባታት እቲ ሕቶታት ብግቡእ ክምለስ ከም ዘለዎ ኣባላት ዝረዳድኡሉ ጕዳይ ምዃኑ ይፍለጥ፡፡
5. ሕጂ ዝስማዕ ዘሎ ነገራት ነዞም ዘለዉ ኣመሓደርቲ ቤተክርስትያን ዘመሓድሩ ሰባት ድሮ ረቝሖም ከም ዘለዉ እዩ፡፡ እዞም ብናይ ህግደፍ ምስጢራዊ ኣሰራርሓ ክመርሑ ተሓሲቦም ዘለዉ፡
1. ፍስሃየ
2. የማነ
3. ዘለኣለም
ዝበሃሉ ሰባት ምዃኖም ሓበሬታ በጺሑና ኣሎ።
6. ኣባላት ቤተክርስትያን ነዚ ናይ ህግደፍ ውዲታት ተረዲኦም ክንምክቶ ኣለና፡፡ ቤተክርስትያን ቦታ እምነት’ምበር፡ ናይ ዝኾነ ይኹን ጕጅለ መሳሪሒ ፖለቲካ ከኸውን ግቡእ ኣይኮነን፡፡
ኣብራሃም ሃ
ከባቢ ስታቫንገር