ብ27- 28 ሰነ ቁጽሮም ብልክዕ ዘይተፈልጠ ኤርትራውያን ስደተኛታት ሒዛ ናብ ዓዲ ጥልያን ዝተበገሰት ጃልባ ክሳብ ሕጂ ደሃያ ኣይተረኽበን። ኣብ ሻቕሎት ንዘለዉ ስድራቤታት ጠቒስና፣ ኣሰር ናይዞም ኤርትራውያን ንምርካብ ብ26 ሓምለ ዝዘርጋሕናዮ ምሕጽንታ ‘ውን ፍረ ኣይተረኽቦን።

ሰለ’ዚ ኣሰር ናይቶም ኤርትራውያን ኣሓትን ኣሕዋትን ንምፍካብ እንተሓገዘ፣ ኣብ ሽግር እንተለዉ ረዲኤት ክረኽቡ፣ ከምኡ ‘ውን ኣምላኽ ኣይግበሮ እታ ጃልባ ሓደጋ ኣጋጢሙዋ እንተኾይኑ ‘ውን ግዳያትና ክንፈልጥ መታን፣ ቤተሰብ ናይቶም ኣብቲ ዕለት ኣብዛ ጃልባ ዝተሳፈሩ ኤርትራውያን ስደተኛታት ዝርዝር ሓበሬታ፣ ማለት ሽምን ዕድመን ዓድን ዝርከቦ መለለዪ ሓበሬታታት ናብዚ ዝስዕብ ኢመይል aseye.asena@gmail.com ክትልእኩልና ብትሕትና ነዘኻኽር።

ኣሰና ፋውንዴሽን

30 ሓምለ 2014

UPDATE:ብዛዕባ ደሃይ ዘጥፍአት ጃልባ – 02 ነሓሰ 2014

ገለ ካብቶም ኣብታ ካብ ሊብያ ናብ ዓዲ ጥልያን ምስ ተበገሰት ንልዕሊ ሓደ ወርሒ ደሃይ ኣጥፊኣ ከምዘላ ዝንገረላ ዘሎ ጃልባ ተሳፊሮም ከምዝነበሩ ዝጥርጠሩ ኤርትራውያን ስደተኛታት። እዚ ሓበሬታ ‘ዚ ካብ ቤተሰቦም ዝተረኽበ እዩ። ብዛዕባ’ዞም ተጠቒሶም ዘለዉ ኣሕዋትን ኣሓትን ዝኾነ ሓበሬታ ዘለዎ ኢመይል ይጽሓፈልና፣ ወይ ንስድራቤቶም ብቐጥታ ይሓብር። ካልኦት ምስዛ ናይ መወዳእታ ወርሒ ሰነ ጃልባ ደሃይ ቤተስብ ዝጠፍኣኩም ከኣ፣ ዝርዝራዊ ሓበሬታ ልኣኹልና። ኣምላኽ ይሓግዝ።