ምልካዊ ስርዓት ህግደፍ ኣብ ወጻኢ ንዝርከቡ ኤርትራውያን ክልተ ሓድሽ ወረቐት መንነት፣ ማለት ናይ ስድራቤትን ናይ ውልቅን ወረቐት መንነት ናይ ምውጻእ ጎስጓስ ጀሚሩ።

እቶም ምንጭታት ምስናይቲ ስርዓት ህግደፍ ዘርጊሑዎ ዘሎ መንነት ናይ ምርካብ ቅጥዒ ሰነዳት ኣተሓሒዞም ብዝሃቡና ሓበሬታ መሰረት፣ ደገፍቲ ናይቲ ምልካዊ ስርዓት ከይተረፈ እቲ ቅጥዒ ኣዝዩ ዝርዝራዊ ብምዃኑ ሕጉሳት ከምዘይኮኑ ‘ውን ክፍለጥ ተኻኢሉ።

ብመሰረት እቲ ህግደፍ ኤርትራውያን ስድራቤታት ንምስላይ ብዝጥዕሞ መንገዲ ኣዳልዩዎ ዘሎ ዝርዝራዊ ሰነድ መሰረት፣ ብሄር፣ ሃይማኖት፣ ክሳብ ኣርባዕተ ወለዶ፣ ዝንቀሳቐስን ዘይንቀሳቀስን ንብረት፣ ሰነዳት ናይ ትቕመጠሉ ሃገር፣ (ናይ ዜግነት ካርድ፣ ፓስፖርት፣ ፍቓድ ምዝዋር መኪና ወዘተ ዝኣመሰሉ ሓበሬታታት) ይሓትት።

ካብ ኤርትራ ዝወጻእካሉ መንገዲ ሕጋዊ ምዃኑን ዘይምዃኑም ብምሕታት ከኣ፣ እቶም ብዘይ ፍቓድ ናይቲ ስርዓት ዝወጽኡ ፍሉይ ሕብሪ ዘለዎ ወረቐት መንነት ከምዝወሃቦም የመልክት።

ወረቐት መንነት ንምውጻእ 30 ዶላር ከምዝኽፈል ‘ውን እቲ ሰነድ ይሕብር።

ምልካዊ ስርዓት ህግደፍ ነቲ መደብ ብዛዕባ ኤርትራውያን  ስለያዊ ሓበሬታ ንምእካብ ከምኡ ‘ውን ገንዘብ ንምግሓጥ ኣበጊሱዎ ከምዘሎ እቶም ምንጭታት የገንዝቡ።

ነቲ ናይ ህግደፍ ሰነድ ምውጻእ ወረቐት መንነት ንምምልካት ኣብ ታሕቲ ተመልከት