ኣቐዲምኩም ብዜናታት ኣሰና፣ ሎሚ ቅነ ድማ ብቃለመጠየቕ ትከታተሉዎ ከምዘለኹም፣ እቲ ብምልካዊ ስርዓት ኢሳይያስ ብዘይ ክሲ ን15 ዓመታት ተኣሲሩ ክሳቐ ዝጸንሐ፣ ምቝሕ ናይቲ ጨካን ስርዓት ሰይሩ መሰናኽል ካርሼሊ ፈንጢሱ ናይ ገዛእ ርእሱ ሓርነት ዝተጓናጸፈ ጅግና ኤርትራዊ ፓይሎት ደጀን ዓንደ ሕሸል፣ ኣፍ ወጽዓ ናይቶም ብዘይ ገበን ገና ኣብ ኣብያተ ማእሰርቲ ዝሳቐዩ ዘለዉ ንጹሃት ኤርትራውያን ግዳያት ኮይኑ፣ ንቕሓት መላእ ህዝቢ ክብ ዘብል ኣብነታዊ ምስክርነት የቕርብ ኣሎ።

እቲ ኣቡኡን ኣዴኡን ተጋደልቲ ዝነበሩ፣ ኣብ ሳሕል ዝዓበየ፣ ድሕሪ ናጽነት ሃገረይ የገልግል ኣለኹ እናበለ ኸሎ፣ ገና ህይወቱ ከስርዐ 15 ዓመታት ካብ ንእስነቱ ብስርዓት ኢሳይያስ ዝተሰርቀ ደጋፊ ዘይብሉ ውጹዕ ግዳይ ደጀን ዓንደ ሕሸል፣ ህጹጽ ሕክምናዊ ኣገልግሎት መታን ክረክብን ሞራላዊ ደገፍ ክኾኖን፣ ገንዘባዊ ኣበርክቶ ክትገብሩሉ ንእትደልዩ ግዱሳት ሰናይ ተግባርኩም ንምስላጥ ናይ ወፈያ መሳለጥያታት ኣብ መርበብ ሓበሬታ ኣሰና ተዳልዩልኩም ኣሎ።

ነቶም ድሮ ገንዘባዊ ሓገዝ ክትገብሩ ድሌት ኣርኢኹም ዘለኹም ብስሙ እናኣመስገና፣ ካልኦት ግዱሳት ነቲ ንሓጺር ግዜ ዝጸንሕ ናይ ወፈያ መሳለጥያታት ኣብ እዋኑ ክትጥቀሙሉ ነዘኻኽር።

እዚንኡስሕሳብ ‘ዚ (UNITY Account)ካብቲ ንራድዮ ኣሰና ንምስሳን እትገብሩዎ ወፈያ እተበርክቱሉ ዝተፈልየ ሕሳብ እዩ። ወፈኣኹም ካብኡ ዝተፈልየ ንምንጻር ከኣ ንዝርዝር ናይቲ ናይ ባንክ ሕሳብ ደጊምኩም ኣረጋግጹዎ። ንደጀን ንምሕጋዝ ወፈያ ክትገብሩ ከለኹም ናብዚ ኢመይል ዚ መዘኻኸሪ ምጽሓፍ ድማ ኣይትረስዑ።  –  dejenwegihulu@gmail.com. ዝርዝር ኣስማት ኣበርከቲ ኣብ መርበብ ሓበሬታ ኣሰና ክዝርዝር ስለዝኾነ፣ ስምኩም ክወጽእ ዘይትደልዩ እንተዄንኩም ውን ብኢመይል ኣፍልጡና። 

ብዝተኻእለ መጠን በዚ ኣብ ታሕቲ ቀሪቡ ዘሎ ሕሳብ ባንክ ከተወፍዩ ዝምረጽ ኳ እንተኾነ፣ ብባንክ ምውፋይ ቀሊል ኮይኑ እንተዘይረኺብኩሞ ከም ኣማራጺ Pay Pal ናይ ኣሰና ተጠቒምኩም ከተበርክቱ ትኽእሉ፣ እንተኾነ ን ‘ደጀን’ ዝብል መዘኻኸሪ ክትጽሕፉልና ኣጥቢቕና ንምሕጸን።

Bank Details
Assenna Foundation Ltd/ Unity Account
HSBC Bank
Branch Sort Code: 40 -05-31
Account Number: 41573098
Swift: MIDLGB22

IBAN: GB96MIDL40053141573098

ኣሰና ፋንውዴሽን

22 ግንቦት 2014