መጸዋዕታካብ ደለይቲ ፍትሒ ሚላኖ  

እንቛዕ ናብ መበል 24 ዓመት መዓልቲ ናጽነት ኣብጻሓና፡

ብምኽንያት መበል 24 ዓመት መዓልቲ ናጽነት ኤርትራ ደለይቲ ፍትሒ ሚላኖ  ንእነማሓላልፎ መልእኽቲ  ህዝብና ኣብ ሓዘን ንስቅይ ከለና፣ ደቅና ኣብ ባሕርን ምድረበዳ ብጃምላ እናጠፍኡ፣ ኣብ ሊብያ ብሰንኪ ኣመንቲ ክርስትያን ምኳኖም ብአኽረርቲ  እስላም ISIS  ብኻራ ከም ጠለበጊዕ ኣናተሓረዱ ዓገብ ዝብል መንግስቲ ዘይብሎም ፣ ኣዚ ድማ ብሰንኪ  ስርዓት ህግደፍ ዝኽተሎ ኣዕናዊ ፖሊሲ፣ ኣብ ክንዲ ሰላም  ኩናት፤ ኣብ ክንዲ ትምህርቲ  ደረት ኣልቦ ዕስክርናን፤  ኣብ ክንዲ  ሓጎስን መርዓ  ንሞትን ስደትን ተቓሊዕና ከይአክል፤ ኣብ ክንዲ ሓሳብካን ድልየትካን ምግላጽን፣  ምእሳርን  ምቕንጻልን ኮይኑ ትዕድልትና፣ እንታዩ ኣበሳና፣ዘይንፈልጦ መርገም ነይሩና ዲዩ፣ ዘዝተወለደ ርኢና ዘይጸገብናዮም ደቅና፡  ዝፈትዉዋ  ሃገሮም  ብዘይ ድሌቶም   ንስግረ  ዶብ ኽሓልፉ  ዝርሸኑን  ዝእሰሩን ፡  ብበደዊን  ተጨውዮም  ናዉቲ  ኣካላቶም  ኽሽየጥን ኽልወጥን ፡ስቅያቶ ኣዉያቶም እናሰማዕና ስቅ ዲናክንብል ኽሳብ ምዓስ፤ ኣብ ምድረ በዳ ብሰሃራ ሁሮሩማ ጸሓይን ብጽምኢ ማይን ዝሞቱ፡ ነጋሪ ዘይብሎም። ኣብ ባሕሪ ቀለብ ዓሳ ኮይኖም መላስ ወረ ዘይረኸቡ፡ ንቡር  ሓመድ ኣዳም ከይለበሱ ወልዲ ከይቀብጹ  ብሰንኪ  ምሕሳም ስርዓት ህግደፍዩ ኣብ ስንፈላል ይነብር ኣሎዉ።

ብፍላይ ኣብዚ ዝሓለፈ ወርሒ  ኣብ ህዝብና ዘጋጠሞ ዘስኻሕኽሕን ዘሕዝንን ቕዝፈት፡ ኣብ  ልዕሊ ዝኾነ ፍጡር  ኽወርድ ዘይትጽበዮ ዘይትምነዮ፡  ዝነውርን  ቕዝፈት ንኽትሰምዖ ዘስደምምዩ ሕማቕ ታሪኽ።  እዚ ኣብ  ኤርትራዉያን ኢትዮጵያዉያን  ብምውራዱ  ዝተሰማዕና  መሪር  ሓዘን ኣንዳገለጽና  ንስድራ ቤት መወቲ ጽንዓት ይሃቦም። ኩሉና ደለይቲ ፍትሒ ኣብ ጎኒ ስቅያት  ህዝብና ደው ክንብል ክሳብ ፍትሒ ዝርከብ።  ምስዞም ደቆም ኣብ ባሕሪ ሳሃርን ዝጠፉኡን፡  ብአክረርቲ ኣስላም ISIS  ዝተሰዩፉ ንጽሃት ደቅና፣ ኣብ ፍቐዶ ቤት ማእሰርቲ ፍትሒ ሲኢኖም ዝሳቐየ ወገናን፣  ምስዞም  ኣባይቶም  ብግፍዒ ፈሪሱ  መጽለሊ ሲኢኖም ንሓደጋ ተቓሊኦም  ዘለዉ ስድራ ቤትን ብምዝካር ፣  ነዛ ክብርቲ መዓልቲ ናጽነት  ኣብ ክንዲ  ጋይላ  ሳዕሲዒትን ዳንኬራን ነሕልፎ፡  ይአኽል ብምባል  ንግፍዒ ቶባ ኢልና፣  ምስተን ደቀን ሲኢነን ዝነብዓ ኣደታት  ከምኡ ዉን ኣብ ሰንፋላል ኮይነን ዝሳቀያ ስድራ ቤታት፡ ተኻፈልቲ ሓዘኖም ከምዝኾና ብምርግጋጽ ፣ መዓልቲ ናጽነት ብጸሎትን ምህለላን ንስዉአትና ክንዝኽሮም ፣ ኩሉ ነዚ መሪር ሓዘን ሽምዓ ብምዉላዕን  ነቶም ነዛ ክብርቲ መዓልቲ ኩዉን ዝገበሩ ጀጋኑና ብጸሎት ምህለላን  ክንዝክሮም ንላቦ።

ደለይቲ ፍትሒ ሚላኖ

ስምረት ምንቅስቃስ ኤሪትራዉያን ንፍትሒ