ኣብ ላምፓዶሳ ማእከላይ ባሕሪ ብዘጋጠመ ናይ ልዕሊ 360 ኤርትራውያን መንእሰያት ጃምላዊ ህልቂት ምኽንያት ብምግባር ብ10/13/2013 ኣብ ከተማ ኢንድያናፖሊስ ዕዉት ህዝባዊ ኣኼባ ተኻይዱ። ተሳተፍቲ ኣኼባ ድሕሪ መሪር ሓዘኖም ምግላጽ ብዝቐረበ ኣጀንዳ መሰረት ብዛዕባ ኣድላይነት ሞራላውን ገንዘባውን ሓገዝ ንስድራ-ቤት መወቲ ዘትዩ። ኣኼበኛ ኣብ ዝሓለፊ ግዚያት ሓገዝ ዘይምግባር ቅሬትኡ ድሕሪ ምስማዕ ብሙሉኡ ከኣ ካብ ወርሒ ጥቅምቲ ንድሓር ዘጓነፈ ሓደጋታት ንስድራቤት መወቲ ሓገዝ ክግበር ተሰማሚዑ። ነቲ ጎስጓስ ሓገዝ ውጽኢት እትጉስጉስን፡ ገንዘብ እትእክብን ኣብ መወዳእታ ከኣ ህዝቢ ብዝሃባ ሓፈሻዊ መምርሒ ገንዘብ ምስዳድ እተማሓድር ካብ ህዝቢ 5 ዝኣባላታ ምስ 2 ተጠባበቕቲ፡ ከምእውን ናይ ተክኖሎጂ ተሓባባርን ሓላፍን ኦዲተርን ብዲሞክራስያዊ ኣገባብ ተመሪጾም።

እዛ ሽማግለ’ዚኣ ኣቃውማኣ ይኹን ስራሓ ምስ ዝኾነ ይኹን ፖለቲካዊ ውድብ ዝምድና ዘይብላ ነጻ ናይ ህዝቢ ረድኤት ሽማግለ ከምዝኾነት ኩሎም ኤርትራውያን ተቐማጦ ኢንድያናፖሊስን ከባቢኣን ክፈልጥዎ ነዘኻኽር። ኣብ’ዚ ኣኼባ’ዚ $2,400 ንስድራቤት መወቲ ሓገዝ ተመባጺዑ። ተሳተፍቲ ኣኼባ ድሕሪ ብዙሕ ምዝርራብ ነታ ዝቖመት ሽማግለ እዚ ዝስዕብ ሓፈሻዊ መምርሕን ለበዋን ሂብዋ።

1. ሽማግለ ተኣኪባ ኣብ ውሽጣ ናይ ስራሕ ምምቕቓል ክትገብር
2. ናይ ገንዘብ ውጽኢት ጎስጓስ ኣብ ከተማ ኢንድያናፖሊስን ከባቢኣን ዝነብሩ ኤርትራውያን ብምርካብ ገንዘብ ተዋጽእን ነቲ ዝተማባጽዐ ገንዘብ ትእክብን።
3. ናይ ስድራ-ቤት መወቲ ዝርዝር ኣስማትን ዝነብሩሉ ዓድን ክትእክብ
4. ብዛዕባ ናይ ገንዘብ ኣመሓዳድሩኡን ኣዘረጋግሑን ዕድመ ናይ’ታ ሽማግለን ወዘተ መጽናዕቲ ብምግባር ንድፊ ሓሳብ ብምድላው ናይ ህዝቢ ኣኼባ ክትዕድም።
5. ኣሰራርሓኣ ብግሉጽነት ኮይኑ ተሓታትነታ ነታ ሓላፍነት ዝሃባን ድሕሩ ገንዘብ ዘዋጽኣ ህዝብን ምዃኑ መምርሒ ሂቡዋ።

ዝርዝር ኣስማት ሽማግለ ሓላፍነትን ቴለፎንን

1. ሚኪኤል ኣማንዮስ  – ኣቦ-መንበር      317/640-4194
2. ኑር ሓለፋ – ምክትል ኣቦ-መንበር       317/921-9999
3. መድሃኔ ዓንደማርያም – ተሓዝ-ገንዘብ  317/531-4953
4. መሓሪ ዓንደሓርያት  – ዋና-ጸሓፊ       317/339-1671
5. ኪዳነ ገብረስላሴ   – ህዝባዊ-ርክብ      317/625-0487

ተጠባባቕቲ

1. ሃይሉ ቦኽረ

2. ዳዊት በራኺ

ኦዲተር  – ተስፋስላሴ ወልዱ

ናይ መራኸቢ ተክኖሎጂ ተሓባባርን ሓላፍን – ሳሙኤል ዘርኣጽዮን

ኣብ መወዳእታ እዚ ሰናይ ተበግሶ’ዚ ዕውት ኮይኑ ኣብ ዝብጻሕ ክበጽሕ ክኽእል ናይ ኩሎም ኤርትራውያን ምትሕብባር ስለዘድልያ ናብ ኣባላት ሽምግለ ቴለፎን ብምድዋልን ብምርካብን ገንዘባዊ ሓገዝኩም ንሽማግለ ረድኤት ክትህቡን ክትተሓባበሩን ንምሕጸን።

ንመወቲ መንግስተ ሰማያት ንስድራቤቶም ከኣ ጽንዓት ይሃብ!

ሽማግለ ረድኤት ኢንድያናፖሊስን ከባቢኣን

10/18/2013