ሓላፊ ፖለቲካዊ ጉዳያት ህግደፍ የማነ ገብረኣብ፣

ኣብ ኣሜሪካ ንዘለዋ ብፓትርያርክ ኣቡነ እንጦንዮስ ዝመርሓ ቤተ ክርስቲያን ንኸፍርሱ፣

ዮፍታሄ ድሜጥሮስ ዝመርሖም ልኡኻት ናብ ኣመሪካ ኣበጊሱ ኣሎ።

ዮፍታሄ ዝኾነት ቤተ ክርስትያን ኣብ ኤርትራ፣ ነቶም ኣብ ደሴት ላምፓዱዛ ዝሃለቑ ንጹሃት ዜጋታት ጸሎት ፍትሓት ከይግበር ትእዛዝ ሂቡ ኣሎ።

የማነ ገብረኣብ፣ ኣብ ዋሽንግቶን ዲሲ፣ ብግልጺ እዘን ቤተ ክርስቲያናት እዚአን ከነፍርሰን ኣሎና ኢሉ ድሕሪ ምፍካሩ፣ ናብ ኣስመራ ተመሊሱ፣ ንዮፍታሄ ድሜጥሮስን ካልኦት ጳጳሳትን ጸዊዑ፣ እዘን ብኣባ ድዮስቆሮስ ዘይምርሓ ቤተ ክርስቲያናት ኣዝየን ኣሸጊረናና ስለ ዘለዋ፣ ብኣካል ኣሜሪካ ኬድኩም፣ ንህዝቢ ኣእሚንኩም ከተፍርስወን ኣሎኩም፣ ብምባል ኣምሪሩ ድሕሪ ምዝራብ፣ ብፍላይ ኣብ ውሱናት ኣቕሽሽቲ፣ እንተ ክኢልኩም፣ ሓባቢልኩም እንተዘይክኢልኩም ድማ ብዘሎኩም ሓይሊ ካብቲ ህዝቢ ነጽልዎም፣ ዝብል ተሪር ቀጢን መምርሒ ሂብዎም የበግሶም ኣሎ።

ነዚ ኣኼባ እዚ ኣብ ኣሜሪካ ዘወሃህዱ ድማ ኣባላት ህግደፍ ኣብ ሎስ ኣንጀሎስ ካሊፎርንያ ክኾኑ እንከለዉ፣ ቀንዲ ናይ ምስጢር መሳርሒ ዝኾኖም ቀሺ ፍስሃ (ናይ ሓሶት ሽሙ ቀሺ ተኽለሃይማኖት) ዝተባህለ ዘገልግለሉ ቤተ ክርስትያን ክኸውን ተወዲኡ ኣሎ።  ቀሺ ፍስሃ ምስ እዞም ሕጂ ሕጊ ሃይማኖትና ፖለቲከኛታት ክኣትውዎ የብሎምን መንግስቲ ካብ ሃይማኖት ኢዱ የውጽእ፣ እሱራት ይፈትሑ ሕጊ ይንገስ ኢሎም ዝመከቱ ኣቕሽሽቲ ነይሩ ዝጠለመ፣ ብውሽጢ ውሽጢ ዝሰርሕ ዘሎ ምዃኑ፣ ኣብ ከባቢ ቀሺ ሃብቶም ርእሶም  ጸሓፊ ዮፍታሄ ዝርከቡ እሙናት ምንጭታት የናፍሱ ኣለዉ።

ቀሺ ሃብቶም መዓልታዊ ምድውዋል ከም ዝገብርን፣ ክድውል እንከሎ ዋላ ጸሓፊቱ ኣብ ከባቢኡ ከይትህሉን ይጠንቀቕ እምበር፣ እቲ ምስጢር ብዝተፈላለየ መገዲ ምውጽኡ ኣይተረፎን።

ብተወሳኺ ዮፍታሄ ድሜጥሮስ፣ ኣብ ኣስመራ ዝኾነት ቤተ ክርስቲያን ነዞም ናይ ላምፐዱዛ ኣብ ባሕሪ ዝጠፍኡ፣ ብመንግስቲ ዝኾነ መምርሒ ክሳብ ዝወሃብ ሓንቲ ቤተ ክርስትያን ጸሎት ፍትሓት ከይትገብር፣ እዚ ዝገበረ ቀሺ ተሓታቲ ብገበን ምዃኑ ንኣቕሽሽቲ ከልኪሉ ኣሎ። ስለዚ ድማ ክሳብ ሕጂ ዋላ ደቆምን ቤተ ሰቦምን ዝሞትዎም ኣቕሽሽቲ ዝኾነ ጸሎት ንምግባር ኣይከኣሉን፣ ኣብ ሃገረ ሰባት ዝርከቡ ተባዓት ኣቕሽሽቲ ግን ድሕሪ ደቅና ዝብል ትብዓት ሒዞም ጸሎት ፍትሃይ ይገብሩ ኣለዉ፣ ብፍላይ ኣብ ኣስመራ ግን ትእዛዝ ዮፍታሄ ፈሪሆም ኣይተገበረን።

ንሕና እቲ ዘለና ሓበሬታ ንህብ ኣለና፣ ነዞም ኣቦኦም ኣብ መዓሙቕ ጉድጓድ ኣሲሮም ክዳኖም ቀንጢጦም፣ ኣብ ጸልማት ደርብዮም፣ ፍቕሪ ክሰብኩ ዘይሓፍሩ ፓትርያርክ ንይምስለ ሒዙ እዩ ዮፍታሄ ተበጊሱ ዘሎ።

ግዱሳት ብሃይማኖቶም ካብ ኣስመራ።