ናብ ዝኸበርኩም መደብ መቕረብቲ፤ ኣነ ኢትዮጵያዊ ኮይነ መደብኩም ካብ ብዕሙቀት ዝከተታተሉ ሓደ እየ። እስቲ ኣብዚ ሰሙን ዝተዓዘብክዎ ንእሽተይ ወስ ከብለልኩም እሞ ብዝጥዕም ክተቕርብዋ ይምነ።

ህበይ ፅሕፍለኹ ኢላ ኣብ ክንዲ ብክንቲት ብካራ ክሳዳ በጢሳ ይበሃል። እዛ ሓሳብ ገና ብቖልትና እናሃለና ፅውፅዋይ ዝዝረበና ዝነበረ ዘኪረ እየ። እዚ እውን ቐደም እዩ ሓደ ናይ ቤተክህነት ተምሃራይ ሓንቲ ህበይ ክፅሕፍ ትርእዮ እሞ እቲ ተምሃራይ ካብቲ ቦታ ምስተልዓለ ፅሕፍለኹ እናበለት እቲ ቀለም እናልዐለት እቲ ወረቓቕቱ ትፅይቐሉ ነበረት። እቲ ተምሃራይ ናይ ዋዛ ኣይኮነን ዝተስሓለ ካራ የቕርብ እሞ በቲ ጐቲም ገፁ ክሳዱ ይሕግሕጐ ተዓዛቢት ህበይ ድማ ከምቲ ተምሃራይ ገበርኩ ኢላ በት ዝተስሓለ ካራ ነቲ ክሳዳ ሓሪዳ ሞተት ይበሃል።

ነዚ ምስላ መቕረብየይ ምኽንያት ናይ ኤርትራ ፕረዚደንት ኣማኻሪ ዝኾኑ ኣይተ የማነ ገብረኣብ (ኤርትራውያን ማንኪ ዝብልዎም) ኣብ ሕቡራት መንግስታት ጥቅምቲ 27/2016 ሃገሮም ወኪሎም ዝመሰሎም ዘረባ ምስ ኣቕረቡ ኣብ መወዳእታ ከምቲ ኣብ ኢትዮጵያ ዝርከቡ ተቓወምቲ ኢና ዝብሉ ክልተ ኢዶም ኣጣሚሮም ናይ ምቅዋም ምልክቶም ዘቕርብዎ ሓዱሽ ፋሽን ተረኺቡለይ ያኢ መወዳእታ ሓሳቦም ኣቕሪቦም ምስ ወድኡ እዚ ኣብ መበል ካልአይቲ ተጠቒዓ ዘላ ፎቶ ድማ ከምቲ ኢትዮጵያውያን ተቓወምቲ ናብራ ኣመል ኮይንዎም ቐዲሖም ኣብ መንጐ ናይ ዓለም ምሁራን፤ ዓበይቲ ሰብ ሞያን ሃገር ወከልቲን እንተቕርቡ ኣብ ዘይምልከቶም ዘይባህሪያዊ ምልክት ምርኣይ እቶም መራሕቲ ክንደየናይ ዝወረዱ ምዃኖም ዘመላኽት እየ ተዓዚበ።

መንግስቲ ኤርትራ ኣብ ውሽጢ ዓዱ ብዙሕ ፀገማት ከምዘለዉ ሓቢኡ ኣብ ጐረባብቲ ሃገራት ኢዱ እናሓወሰ እንትዘርግ ይረኣይ እዩ። ናይዚ ምልክት ድማ መራሕቱ ዘለዎም ብስለት ዘመላኽት እዩ።

ካብ ኩሉ ንላዕሊ እቲ ማንኪ እትብልዎ ኣብ ብዙሕ መድረኻት ብዙሕ ጊዜ እንትሕስው ይረኣይ እዩ። እቲ ምሕሳው ደዓ ናይ በይኑ ኣይኮነን እምበር ኣይተ ኢሳያስ እውን ብዙሕ ጊዜ ክሕስው ይስማዕ እዩ። ብሓፈሻ ሸፈጥን እከይ ተግባራትን ናይቶም ኣመራርሓ ኣካላት እዩ። እቶም ካልኦት መራሕቲ በታ ብሕታዊ ቴሌቪዥኖም ብዙሕ መጨበጢ ዘይብሉን ዘይቁምነገር ዘረባ እንትዛረቡን ዘርባዕባዕ እንትብሉን ይረኣዩ እዮም። ስለዚ እዚ ናይቲ መንግስቲ ባህሪ ምዃኑ ዘመላኽት እዩ።

ብዝኾነ ናብቲ ምስሊ ክምለስ እሞ ኣይተ የማነ ማንኪ ኢዶም ኣጣሚሮም ከመላኽቱ ከለዉ እቶም ካልኦት ተሳተፍቲ ታይ ክዕዘቡኒ ዶ ኣይብሉን ወይስ ንቲ ሕቡራት መንግስታት እዮም ኣክቲቨስት ኮይኖም ዓለምለኸ ተቓዋሚ (international activist) ኮይኖም ብምርካቦም ሪከርድ ክሰብሩ ሓሲቦም ከይኾኑ ይግምት።

ኣነ ካብ ኩሉ ዘሕዝነኒ ኣብ ሃገሮም ይትረፍ ተዛሪብካን ሓሳባትካ ወዲብካ ንምዝራብ ዝኽልክል መንግስቲ ሒዞም ክንደይ ህዝቢ ምእንተ ሓርነት ክረክብ ዓዱ ገዲፉ እናተሰደደ ብሕጭ ዘይበሉ ዓዲማቶምያ ከይዶምስ ተቓዋማይ/ኣክቲቪስት ኮይኖምያ ተረኺቦምለይ ኣይተ የማነ ማንኪ። ህበይስ ብመቐመጫኣ ትባጭው ከምዝበሃል። ኣንጀቴ ቑኖ ኣንጀቴ ምሕደራ ዓዲ ኢሳያስ እዩ ዘብል።

ስለዚ መፈለምታ ኣብ ሃገርካ ዘሎ ጓሓፍ ፀሪግካ ኢኻ ናይ ካልእ እንተስ ተመስግን ወይ ተናሽው እምበር ኣብ ዘይቦታኻ ጠብሎቕሎቕ ሕማቕ ኣመል እዩ። ብስሩኸ እንዳመንግስቲ ኤርትራ እንታይ ዘብህግ ኣመል ኣለዎም ብጀካ ክፍኣትን ሰርን ካልእ ዘይሓስቡ ኮይኖም እምበር ሓቢሮም ንህዝቦም ዝጠቅም ልምዓት እንተዘምፅኡ ነይሮም ደኣ መን ከም ህዝቢ ኤርትራ ዓዱ ፈታዊ ይርከብ።

ብዝኾነ ህዝቢ ኤርትራ ውርሻ ፅንዓትኩም ዳግም ተመሊሱ ነዚ ዘበሳብሰኩም ዘሎ መላኺ መንግስቲ ብዲሞክራሲያዊ ኣገባብ/ብሓይሊ ኣሊኹም ኣብ ሓፂር እዋን ሃገርኩም ልምዓት ብምምፃእ መርኣያ ክትኾን ፀዓሩ ይብል።

ካሕሱ ካብ መቐለ