ሓበሬታ ንተኸታተልቲ ድምጺ ኣሰና ብዛዕባ ምትእትታው ሓድሽ መደብ ኣሰና  – ‘ህይወትና’

ድምጺ ኣሰና፣ ሓድሽ ወለዶ ኤርትራ ካብ ተመክሮ ህይወት ኣብነታውያን ምሁራት፣ ሰብ ሞያ፣ ለባማትን ተቓለስትን ደቂ ሃገሩ ውርሻ ዝእንገደሉ መድረኽ ንምፍጣር ‘ህይወትና’ ዝብል ሓድሽ መደብ ከተተኣታቱ ምዃና ተበስረኩም።

እቲ ንህይወት ኣብነታውያን ኤርትራውያን እንተላይ ኣበርክቶኦም ንሕብረተስብ ብስፍሕ ዝበለ መንገዲ ዝድህስስ መደብ፣ ነቲ ኣብ መንጎ ወለዶታት ዘሎ ጋግ ኣብ ርእሲ ምጽባብ፣ ንመጻእቲ ወለዶታት ሓድጊ ውርሻ ከጽንሕ፣ ብራድዮ፣ ቪድዮን፣ ጽሑፍን ክዝርጋሕ እዩ።

በዚ መስረት፣ ኣብ ዝሓለፈ ወርሒ ኣብ ኒውዮርክ ኣብ ዝተኻየደ ሰፊሕ ሰላማዊ ሰልፊ ንምስታፍ ኣብ ዝገሽናሉ ኣጋጣሚ፣ ኣብቲ ከባቢ ኣብ ዝርከባ ክፍሊ ሃገራት ሰሜን ኣመሪካ ምስ ዘለዉ ገለ ኣብነታውያን ምሁራት ዝገበርናዮ ሰፊሕ ዕላል ‘ህይወትና’ ካብዚ ቐረባ እዋናት ጀሚርና ብራድዮ ከነቕርበልኩም ኢና።

ኣብዚ ፈላሚ ዕላል ህወትና ኣዘራሪብናዮም ዘለና ኤርትራውያን ምሁራትን ሰብ ሞያን፣ ዶር በረኸት ሃብተስላሰ፣ ዶክተር ኣርኣያ ደበሳይ፣ ዶር ብርሃን ተኽለ፣ ከምኡ ‘ውን ኣቶ ካሳሁን ቸኮል እዮም።

ኣብ ዝተፈላለዩ ኩርናዕት ዓለም ዘለዉ ምሁራትን ሰብ ሞያን ለባማትን ተቓለስትን እናተራኸብና ነዚ ጀሚርናዮ ዘለና መደብ ህይወትና ክንቅጽሎ ምዃና እናዘኣዘኻኸርና ድማ ምትሕብባርኩምን ምክትታልኩምን ንዕድም።

ኣሰና ፋውንዴሽን

26 ሕዳር 2015