ቀዋሚ ቦታኣ ኣብ ሚላኖ ዓዲ ጥልያን ዝኾነ ክኢላ ሕክምና ኤርትራዊት ገባሪት ሰናይ ዶር ኣልጋነሽ ፍስሃ ጋንዲ መስራቲት ናይቲ `ጋንዲ` ዝብሃል ዘይመንግስታዊ ወለንታዊ ማሕበር እያ። ነቶም ዝተፈላለዩ ሓደጋታት እንተላይ ሽግራት ዘይሕጋዊ ኣሰጋገርትን ጨወይትን ሰጊሮም ናብ ኤውሮጳ ክሰግሩ ዝፍትኑ ስደተኛታት ቀርኒ ኣፍሪቃ ኣብ ምድሓን ድማ ንሓያለ ዓመታት ሰሪሓ እያ።

ሰብኣዊ ኣበርክቶኣ ኣብቶም ኣብ ሰሜን ኢትዮጵያን ካልኦት ክፍልታት ኣፍርቃን ዝርከቡ ኤርትራውያንን ኣፍሪቃውያንን ስደተኛታት ዘተኮረ ኮይኑ፡ እቲ ንሳ እትመርሖ ሰብኣዊ ማሕበር ብሕልፊ ኣብ ህጻናት፡ ኣዴታትን ኣረገውትን ዘነጻጸረ ዕዉት ሰብኣዊ ፕሮጀክትታት ኣብ ምስላጥ ይርከብ። ኣብ ኣብያተ ማእሰርቲ ግብጽን ኣብ ኢድ ጨወይትን ተታሒዞም ንዝነበሩ ብዙሓት ኤርትራውያን ኣብ ምድሓን `ውን ከይተሓለለት ብትብዓት ተንቀሳቒሳ። ካብኡ ሓሊፋ ደቀንስትዮን ቆልዑን ኣብ ምሕያል ኣብ ኮትዲቮር ክትነጥፍ ጸኒሓ።

ዶር ኣልጋይነሽ ነቲ ከተካይዶ ዝጸንሐት ሰብኣዊ ኣበርክቶ ዘተባብዕ ሓያለ ኣህጉራዊ ደረጃ ዘለዎም ሽልማታት ክትወስድ በቒዓ `ያ። እዚ ኣብ ዝመጽእ 5 ታሕሳስ ንዕዉታት ክወሃብ ተመዲቡ ዘሎ ሽልማት `ውን ይግብኣ እዩ `ሞ፡  ንዓኣ ዝያዳ ድርኺት ዝፈጥረላ፡ ንሰብኣዊ ዕማማ `ውን ዘሳልጥ ብምዃኑ ድምጽና ብምሃብ ተዓዋቲት ክንገብራ ንንቀሳቐስ።

ድምጺ ንምሃብ ኣብዚ ኣብ ታሕቲ ዘሎ ሊንክ `ዚ ጠውቑ

Let’s Vote for Dr Alganesh Fesseha Ghandi to Win the International Volunteering Award Celebrated in Connection with the United Nations World Volunteer Day