ኣቐዲመ ንኹላትኩም ኣዳለውቲ መደብ ኣሰና ሰላም ክብለኩም ይደሊ። ቀጺለ ከምቲ ኣቐዲምኩም ብራድዮ ኣቃሊሕኩሞ ዝነበርኩም፣ ብዕለት 08.03.2015 ካብ ኤርትራ ናብ ስዊዘርላንድ ዝመጹ 2 ላዕለዎት መራሕቲ ኦርቶዶክስ(ጳጳሳት) ኣብ ከተማ ሎዛን ንመራሕቲ ሃይማኖትን ንኣመንትን (ንህዝቢ) ንዕርቂ ዝምልከት ኣኼባ ኣካይዶም።

እታ ቀዳመቲ ኣርስቲ ብመልክዕ ሕቶ ናብ ህዝቢ ዘቕረቡዋ መደረ፣ ጠንቒ ዘምርግጋእ ኦርቶዶኩሳዊት ቤተክሪስትያን እንታይ እዩ ትብል ነይራ።

መራሕትን ህዝብን ብወገኖም ኣብ ጀርመን ዘሎ ሃገረ ስብከትን ስዓብቶምን ንእምነቶም ረሲዖም ግን ካኣ ንእምነትና ከም ጉልባብ ብምጥቅም ዋና ኣገልገልቲ መንግስቲ ኮይኖም ብምባል ብትሪን ብቁጠዐን ንቐፌታኦም ኣቕሪቦም። ኣብዚ ብጭብጥታት ኣሰኒዮም ንንብሲወኮፎም ካብ እምነቶም ርሕቆም ንመንግስቲ ኣብ ምደጋፍ ዝነጥፉ ጥራዓኖም ብመርቶዖ ናብ ጳጳሳት ኣቕሪቦም። ብፍላይ ንዋና ጻሓፊ ሃለቃ ክብሮም ነብሲወከፍ መክሮፎን ዝሓዘ ብተደጋጋሚ ብምረት ንቂፉዎ።

ንሱ ብወገኑ ንዝወርዶ ዝነበረ ንቐፌታት ዋላ ሓንቲ መልሲ ከይሃብ ብሓደ ጸግዒ ተጽጊዑ ቀባሕባሕ ክብል ከምዝዋዓለ፣ በቲ ዝወርዶ ዝነበረ ሕርቃንን ምሕንሓንን ብፍርሂ ዝኣክል ተሲኡ ንሽቓቕ ገጹ ኳ ክኸይድ ከምዘይ ደፈረ ኣብኡ ብኣካል ዝዋዓሉ ሓቢሮም።

እቶም ጳጳሳት ኣብ መንጎ ኣቡነ-ማሪቆስን ሃገረስብከትን ኣብ ዝነበረ ምስሓሓብ እቲ ኣማኒ ኣብ ክልተ ተመቒሉ ስለዘሎ ንዑኡ ንምርድዳእ ጠንቁ ካብ ምንታይ ከምዝኾነ ፈሊጥካ ምፍዋሱ ዝብል ኣርእስቲ ሕዝና ኢና መጺና ኢሎም።

ኣመንቲን ህዝቢን ብሕጽር ዝበለ ጠንቂ ምብትታን ቤተክርስትያና ኣብ ጀርመን ዝርክብ ሃገር ስብከትን ሰዓብቶምን እዮም። ስለዚ ደጊምና ክንሪኦም ኣይንደልን ኢና። ይተኣለዩልና ኢሎም። ንመራሒ ሃገረ ስብከት ሊቀ-ካህናት ቐሺ ገብረታቲዎስ ጻሓፊኦም ሃለቃ ክብሮምን ብሓፈሻ ስዓብቶምን ንኽገብርዎ ዝጸንሑ ክፋእን ተንኮላትን ህዝቢ ባዕሉ ነቒሑሎም ክንጽሎም ከምዝጸንሐ ኣብ ‘ቲ ኣኼባ ዝተራእየ ኣንጻሮም ዝቐንዐ ብብዝሒ ነቐፌታታት መርትዖ እዩ። ነዚኦም ዝስዕቡ ኣብ ስዊዘርላድ ቐንዲ በተክሪስትያን ክዘርጉን ክብትኑን ዝጸኒሑ፣ ኣባ ሳንጋልን ተኪኤ ክብሮምን፣ ኣሮው ሃለቓ ስእሉ፣ የናስ ሽም ኣቦ ኣፈለጥኩዎን፣ ሶሎቶሮን ሃለቓ ያቆብ ዳዊት፣ ባዝል ድያቆን ኣማኒኤል ብዙሓት ደገፍቶም ኣሽማቶምን ዘለውዎ ቦታ ዘፈለጥኩዎም ኣለዉ።

እቶም ጳጳሳት ኣብ ሚላኖ ንዕለት 21/03/2015 ዓቢ ኣኼባ ክገብሩ እዮም።

ኣብ ስራሕኩም ዓወት ኣብ ኩሉ ሂወትኩም ጥዕና ይምነየልኩም።

                           ዓውትን ራህዋን ንውጹዕ ህዝቢ ኤርትራ