_{ህዝባዊ መግለጺ}

 _{ህዝባዊ መግለጺ ማሕበረ ኮም ኤርትራውያን ኣሜሪካን ኮሚዩኒቲ ላስቬጋስ}

   _{ኩቡር ህዝቢ ኤርትራ ፤ኣብዚ ቀረባ መዓልታት ኣብ ህዝቢ ኤርትራ ኣጋጢሙ ዘሎ ኣረሜናዊ ግፍዕታት ስርዓት ህግደፍ መቀጸልታ ናይቶም ንሱ ዝኽተሎም ኣዕነውቲ ተግባራት ዋላ”ዃ እንተኾኑ ፡እዚ ምስ ምፍራስ ኣባይቲ ተታሓሒዙ ኣብ መላእ ሃገር ዝውሰድ ዘሎ ኢሰብኣዊ ተግባራት ፤ንኣብነት ኣርባዕተ ኣስመራ፡ዳዕሮ ጳውሎስ፡ጸሎት ፡ዓዲ-ቀይሕይን ካላኦት ከተማታትን ኣብ ልዕሊ ዜጋታትና ኣውሪድዎ ዘሎ ስነ-ኣእምራውን ፡ሞራላውን።ቁጠባውን፡ዕንወት መወዳድርቲ የብሉን።}

  _{እዚ ኣረሜናዊ ተግባራት እዚ ኣብዘን ዝተጠቕሳ ከተማታት ጥራሕ ደው ኽብል እዩ ዝብል እምነት ስለዘይብልና ነቲ ህዝቢ  ዓድ-ቀይሕ ወሲድዎ ዘሎ ተባዕ ስጉምቲ ሙሉእ ደገፍና እንዳገለጽና ፡ንኩሎም በዚ ተባዕ ህዝባዊ ተበግሶ ዝውሰዱ  ስጉምታት ኣብ ጎኑ ደው ከምንብል ከነረጋግጽ ንደሊ።}

  _{ከምቲ ኣብ ላዕሊ ተገሊጹ ዘሎ እዚ ኣረሜናዊ ተግባራት እዚ ኣብ መላእ ሃገር ከተግብሮ ኣብ ዝዳለወሉ ዘሎ እዋን ኹሉ ኤርትራዊ ነዚ ኣጸያፊ ተግባር ብምቕዋም ኣብ ጎኒ ናይቶም ተባዕ ስጉምቲ ዝወስዱ ዘልዉ ሃገራውያን ኽከተል ይግባእ።ስለዚ ኤርትራውያን ኣሜሪካን ኮሚዩኒቲ ላስቬጋስ ከም ወትሩ ኣብ ጎኒ ናይዚ ተቓሊሱ  ዘቓልስ ተባዕ ህዝቢ ደው ከምንብል ደጊምና ብመትከል ነረጋግጽ። ብተወሳኺ ነቶም ኣብቲ ናይ ምፍራስ ኣባይትን ቕትለትን ጭፍጨፋን ተዋፊሮም ኣብ ልዕሊ ህዝቢና ጭኻነ ዝመልኦ ተግባራት ዘሳስዩ ዘልዉ ብጭኻነ ዝዓወሩ ላዕለዎት ኣዘዝቲ ሰራዊትን፡ ህዝባዊ ምምሕዳራትን፡ካብዚ ዝፍጽምዎ ዘለዉ ጨካን ተግባራት ተቖጢቦም ኣብ ጎኒ ህዝቦም ደው ንኽብሉ ሕጂውን ከም_እንደገና  ጻዊዕትና ነቕርብ።}

  _{ኣብ መወዳእታ ነቶም ኣብ ህዝባዊ ተቓውሞ ከተማ ዓዲ-ቀይሕ ዝተጎድኡን ዝተመዛበሉን፡ዜጋታትና ኤርትራውያን ኣሜሪካን ኮሙዪኒቲ ላስቬጋስ ከም ሃገራውያን ጸገምኹም  ጸገምና እዩ፡ ራህዋኩም እውን ራህዋና ስለዝኾነ እቲ ዝለዓለ ኣበርክቶና ከነበርክት ምዃና ደጊምና ብትሪ ከነረጋግጽ ንደሊ።}

                             _{ኤርትራውያን ኣሜሪካን ኮሙዩንቲ ላስቬጋስ}

                                 _{ዓወት ንውጹዕ ህዝቢ ኤርትራ  03/13/15}