ሰለስተ ፖለቲካዊ ዑቕባ ክሓቱ ዝደለዩ ኤርትራውያን መኮንናት  ሒዞማ ናብ ክሊ ኣየር ስዑዲ ዓረብ ዝኣትዉ ወተሃደራዊት ነፋሪት ሓይሊ ኣየር ኤርትራ፣ ኣብ መዓርፎ ነፈርቲ ( King Abdullah Bin Abdul Aziz Airport) ጀዛን ክትዓልብ ከምዝተፈቕደላ መርበብ ሓበሬታታት ስዑዲ ዓረብ ኣረጋጊጸን።

እቶም መዓርጎምን ዝርዝር ኣስማቶምን ብልክዕ ዛጊት ዘይተረጋገጹ ኤርትራውያን መኮንናት፣ ብሰበስልጣን ስዑዲ ዓረብ ኣብ መዓርፎ ነፈርቲ ጀዛን ክዓልቡ ተፈቒዱሎም፣ መስርሕ ሕቶ ዑቕባኦም ከኣ ብዝምልከቶም ሰበስልጣን ናይታ ሃገር ይካየድ ከም ዘሎ በቲ ዝተረኽበ ሓበሬታ መሰረት ክፍለጥ ተኻኢሉ።

እዚ ከምዚ ዝኣመሰለ ወተሃደራዊ ነፈርቲ ሒዝካ ናብ ስዑዲ ዓረብ ምስላም ብኤርትራውያን መኮንናት ብተደጋጋሚ ግዜ ክግበር ዝጸንሐ ፍጻሜ እዩ።

ኣብዚ ዝሓለፈ እዋናት ኳ ሓንቲ ካፕቴን ራህዋ ገብረክርስቶስ ዝተባህለት ኤርትራዊት ፓይሎት ኣብ ጀዛን ብተመሳሳሊ መንገዲ ፖለቲካዊ ዑቕባ ሓቲታ ከምዝነበረት ይፍለጥ።