ብጴጥሮስ ተኽሉ፡(ሓላዪ) 14/04/2012

ተሰቒሉ ኣብ መስቀል መድሃኔ ዓለም

ሓራ ኣውጺኡና ከፊሉ ንጹህ ደም

ኣደራዕ ጨካናት ተኾርሚጁ ደምዩ

በቶም ድፉናት ልቢ ዝዓወሩ እንዳረኣዩ፡

አሎሀ አሎሀ ላማሰበቕታኒ

ኮነት ሓንቲ ቃሉ በጃ ክኾነኒ

ኣብ ጎልጎታ ኣብ ቀራኒዮስ

ተሰቒልካ ስዒርካዮ ኣርዮስ፡

ትንሳኤኻ ኮይኑ ዓሪግካ ንሰማይ

ኣግዕዞ ኩልና ንዑ ኢልካና ምሳይ

መዓሙቕ ከይንሰጥም ኣብቲ ድቕድቅ ጸላም

ትንሳኤ! ሂብካና ዓዲልካና ሰላም፡

ንጹህ ደምካ ካብቲ መስቀል

እጽውዓናሎ ዝብል ንቐል

ንጽህናኻ ኡፎይታ ሂቡኒ ኣጥፊኡ ሸቐልቀል

ተዳልየ ኣለኹ ጸዋዒትካ ይቕበል፡

ጾምናን ጸሎትናን ስምዓዮ

ድምጺ ውጹዓት ኣለልዮ

ይኣክል! በለና ከብቅእ ወጽዓ

ሰላምካ ልኣኽ ኣእክል ቁጥዓ።