ሰላምታ ብምቅዳም ብዕለት 01/24/12/ ካብ ኣባላት ሲቪካዊ ማሕበር ላስቬጋስ ብዝብል ኣብ ላስቬጋስ ሽግር ከምዘሎን ንምእራሙ ከምዝተደክመን ፋይዳ ከምዘይተረክቦን ዝገልጽ መስደመማዊ መግለጺ ኣብ መስከረም ዳት ኮም ተጻሒፉ ኣሎ። ነዚ ዝወጸ ጹሑፍ

ድማ መርገጽን ጽሕፉን  ኣባላትን ሲቪክ ላስቭ ቬጋስ ከምዘይኮነ ንፈታዊ ይኩን ጸላኢ ክንገልጽ ንፈቱ።

መጀመርያ ካብ ሲቪካዊ ማሕበር ላስቬጋስ ካብ ምባል ካብ ጽርያት ወከልቲ ወይ ጃንዳ ህግደፍ ተባሂሉ እንተዘእረም ምሓሽ

ነይሩ። ምክንያቱ እታ ንዝረከበቶ ገፈጥ መፈጥ ፡ ዝምልከታን  ዘይምልከታን ካብ ፌስ ቡክ፡ዩ ቲብ፡ካልእ ወብሳይታትን  ጠብሎቅሎቅ ብምባል ንዝረከብቶ ጽሑፋት ትርጉሙ ብዘየገድስ ኣብ  ዓምድታታ እተስፍር መስከረም ዳት  ኮም ንሕና ደንበ ተቃውሞ ላስቬጋስ ከምዘይላክናላን ሊእክናልና ከምዘይንፈልጥን  ንኩሉ ሰማዒ ከነፍልጥ ንደሊ።

ብምቅጻል  እታ ዝኮነ ሓላፍ መንገዲ ብስም ስቪካዊ ማሕበራት ፡ውድባት፡ ዝኾነ ውልቀሰብ  ዝሰደደላ ኣብ ዓምድታታ እተውጽእ መስከረም  እንዳተናዕቀትን ኣንጊሁ ዝተንሰአ ወይ ጸርፊ ዝመቀሮ ዝዛነየላ ወብሳይት ኮይና ኣላ ።ኩሉ ኣባኡ ዘውጽእ  ጹሕፋት ኣንጻር ደንበ ተቃውሞ ጥራይ ዝይኮነ ፡ ውድባት ይኩና ሲቪካውያን ማሕበራት ነንባዕለን  ዝገብራኦ ምትእርራማት ብምምዝማዝን  ምትዕብባያን ንደንበ ተቃውሞ ንምድካም ዝግበር ተልእኮ ህግደፍ ካብ ምባል ካልእ ዝዋሃቦ ትርጉም የብሉን ፡

ብቀደሙ እውን ደንበ ተቃውሞ ላስቬጋስ ኣብ ክልተ ተገሚዑ ዘይኮነስ ከም ኣብ ኩሉ ዘጋጥም ኣብ ገለ መስመራት ናይ ኣራኣእያ ፍልልይ እካ  እንተነበረ እዚ  ድማ ኣብ ግዝይኡ  ብምርድዳእን ብዘዕግብ መንገዲ መደምደምታ ተገይርሉ እዩ።በዚ መሰረት ድማ ደንበ ተቃውሞ ላስቬጋስ ኣንጻር ህግደፍ ከደምቱን ክንምክት ተበጊስና ምህላውና ንፈታዊ  ይኹን ጸላኢና ከነፍልጥ ንደሊ።

ንሃገራዊ ዋዕላ ንምዕዋት ድማ ብሓባር ኣበርቲዑ ኽሰርሕ ምኻኑ እንዳገለጸ ፡ ን ኣብ ኩሉ ዓለም ዘሎ ደንበ ተቃውሞ  ንምሕያል ኩሉ ኤርትራዊ ብሕብረት ኣበርቲዑ ብስምረት ክዓዩ ንጽውዕ።

               ደንበ ተቃውሞ ላስቬጋስ ብሕብረት