ሚኒስተር ምክልኻል ሱዳን፡ ነቲ ናይ ዑመር ኣልበሽር ካብ ስልጣን ናይ ምውራዱ ዜና ብ ቀጥታ ብቴለቭዥን ኣረጋጊጹዎ።

ኣብዚ እዋን`ዚ ኣብ ሱዳን ህጹጽ ኣዋጅ ተኣዊጁ ኣሎ።

ህዝቢ ሱዳን፡ ፕረዚደንት ዑመር ኣልበሽር ካብ ስልጣን ወሪዱ ዝብል ወረ ድሕሪ ምስምዑ ኣቐዲሙ ኣብ ጎደናታት ወጺኡ ሓጎሱ ክገልጽ ከሎ ዘርኢ ናይዚ ሰዓት `ዚ ስእልታት።

ደቂ ኣንስትዮ ሱዳን ኣብቲ ንኣዋርሕ ክካየድ ዝጸንሐ ሰላማዊ ሰልፍታት ብዘርኣያኦ ሰፊሕን ተባዕን ተሳታፍነት ኣብነት ደቂ ኣንስትዮ ኣፍሪቃ ኮይነን ኣለዋ።

ሰራዊት ሱዳን፡ ናብቲ በሽር ክወርድ ጽዑቕን ቀጻልን ሰላማዊ ሰልፍታት ዘካይድ ዝነበረ ህዝቢ ብዘይምትኳሶም፡ ናይ ህዝቢ ሰራዊት ብምዃኖም፡ ህዝቢ ኣድናቖቱ ይገልጸሎም ኣሎ።

እቲ ጉዳይ ኣብዚ እዋን ዚ ዝምዕብል ዘሎ ብምዃኑ፡ ምዕባለታቱ ተኸታቲልና ከነቕርበልኩም ኢና።

እዚ እዋን ኣዝመራ ሓርነት ቀርኒ ኣፍሪቃ እዩ ዝመስል ዘሎ `ሞ፡ ነቲ ብምልካዊ ስርዓት ዝሳቐ ዘሎ ህዝቢ ኤርትራ `ውን ንሓው ህዝቢ ሱዳን የማስሎ!