ኣብ ዝተፈላለየ ኩርናዓት ዓለም ዝርከቡ ደገፍትን ኣዕሩኽን ኣሰና፡ ኣብ ዳግማይ ምጅማር ሳትላይት ራድዮ ኣሰና ናብ ኤርትራ ተወሳኺ ገንዘባዊ ሓገዝ ክገብሩ ንዘቕረብናሎም ጻውዒት ኣውንታዊ ምላሽ ብምሃብ ኣበርክቶ ክገብሩ ጀሚሮም ኣለዉ።

በዚ መሰረት፡ ሓደ ስሙ ክዕቀበሉ ዝደለየ ግዱስ ደጋፊ ኣሰና ካብ ሕቡራት መንግስታት ኣመሪካ፡ ሓደ ሽሕ ዶላር ኣመሪካ ኣወፍዩ። ሓንቲ ካልእ ኣብ ጀርመን፡ ፍራንክፈርት እትነበር ግድስቲ ደጋፊት ኣሰና ብወገና፡ ብስም ስውእቲ ተጋዳሊት ጽጋብነሽ ዘርኡ ሚእቲ ይሮ ኣበርኪታ። ግዱስ ደጋፊ ኣሰና ሙልጌታ ካሕሳይ 150 ፓውንድ ስተርሊን ከወፊ ኸሎ፡ ኣብ ሕቡራት መንግስታት ኣመሪካ ዝነበር ግዱስ ደጋፊ ኣሰና ሙሴ ኣብርሃ ድማ 500 ዶላር ኣመሪካ ኣወፍዩ።

ክቡራት ተኸታተልትን ደገፍትን ኣሰና፡ ከምቲ ኣብ ጻውዒትና ብሰፊሑ ዝገለጽናዮ፡ ነዚ ብምኽንያት ጽምብል ናጽነት ኤርትራ እንደገና ኣብ ወርሒ ግንቦት እንጅምሮ ዘለና መዓልታዊ ዝካየድ ፈነወ ሳተላይት ራድዮ ናብ ኤርትራ ኣድማዒ ንምግባር ጀሚርናዮ ዘለና ንሓደ ወርሒ ክሳብ 22 ግንቦት ዝጸንሕ ጎስጓስ ንምዕዋት ኢደይ ኢድካ ክትብሉ ደጊምና ነዘኻኽረኩም።

ብቐጥታ ወፈያን ኣበርክቶን ክትገብሩሉ እትኽእሉ መሳለጥያታት ባንክን ፐይፓልን ኣብ መርበብ ሓበሬታን ፈይስቡክን ኳ እንተሎ፡ ብዝተፈላለየ ምኽንያት ቀጥታዊ ኣበርክቶ ንምግባር ዘጻግመኩም እንተደኣኾይኑ፡ ጻዕርኹም ንምቅላልን ግዜኹም ንምቕቚጣብን ካልእ ኣማራጺ መታን ክትረኽቡ፡ ብቐሊሉ ተራኺብኩም ወፈያ ከተመሓላልፉሎም ወይ ሓበሬታ ክትውከሱዎም እትኽእሉ ወከልቲ ኣዕሩኽ ኣሰና ኣብ ብዙሓት ሃገራት ተዳልዮም ከምዘለዉ `ውን በዚ ኣጋጣሚ ነዘኻኽረኩም።

ንሳቶም ከኣ፡

እዮም።

ኣስማተን ኣብዚ ኣብ  ዘይተረቚሓ ሃገራት እትነብሩ ከም ኣዕሩኽ ኣሰና ኣበርክቶ ክትገብሩ ግዱሳት ወለንተኛታት እንተሊኹም ውን ከም ወከልቲ ናይቲ እትነሩሉ ሃገር ክትተሓባበሩና ንጽውዕ።

ምልኪ ይፍረስ ሕጊ ይንገስ

ኣሰና ፋውንዴሽን