ኣብዚ ዝሓለፈ ቀዳመ ሰንበት ኣብ ኢትዮጵያ ኣብ መንጎ ሰልፈኛታትን ሓይልታት ጸጥታን ብዝተኸስተ ግጭት 10ታት ህይወት ድሕሪ ምጥፍኡ፣ ኢትዮጵያ ብፍላይ ናብቶም ግጭት ዝተራእየሎም ከባቢታት ኣህጉራውያን ተዓዘብቲ ክኣትዉ ክትፈቅድ ውድብ ሕቡራት ሃገራት ከም ዝጸውዐ ዝተፈላለዩ ኣህጉራዊ ማዕከና ዜና ሓቢሮም።

ብፍላይ ኣብ ማእከላይ ምዕራብ ዞባ ኦርምያን ብሰሜን ድማ ኣብ ክሊ ኣምሓራ ኣብ ዝተኸስተ ግጭት፣ ብውሕዱ 49 ሰባት ከምዝሞቱ ዘ ጋርድያን ይጠቅስ።

ይኹን እምበር ኣፈኛ መግስቲ ኢትዮጵያ ጌታትችድው ረዳ፣ ብፍላይ ነቲ ኣብ ከባቢ ጎንደር ዝተላዕለ ናዕቢ ኣመልኪቱ ኣብ ዝሃቦ መግለጺ፣ ብ ስርዓት ኤርትራ ዝዓጠቑን ዝተመወሉን ባእታታት ዘለዓዓሉዎ ናዕቢ ምዃኑ ብምጥቃስ 5 ፖሊስ ‘ውን ከዝሞቱ ኣገንዝቡ።

ኢትዮጵያ ኣብ ብሄራዊ ክልላት ዝተኸፋፈለ ፈደራላዊ ምሕደራ ከምእትኽተል ሃገር መጠን፣ እቶም ምስ ምሕደራን ቁጠባን ተኣሳሲሮም ዝለዓሉ ፖለቲካዊ ሕቶታት ዓሌታዊ መስመር ስለዝሕዙ ተነቀፍቲ ምዃኖም ተዓዘብቲ ይገልጹ።