መዓልቲ  ናጽነት ኣብ ላስቬጋስ ብዕለት 25 ብድምቐት ተባዒሉ ኣብቲ ዕለት ብመጀመርታ ብዘተ ብኣቶ ስብሓት በርሀ ፡ኣቶ ከራር ህያቡ፡ ወይዘሪት ኤልሳ ገብረሂወት፡ ኣቶ ተስፉ  ገብረስላሴ፡ኣቶ ኣምበሳጀር  ጽገ ፡እዩ ተጀሚሩ ዛዕባ እቲ ዘተ ዝሓለፈ 25 ዓመታት ከመይ ነይሩ ኣብ ዝብል ቴማ ተዘቲዩ።ኣብቲ ዘተ  ዝሓለፉ ዓመታት ናይ ባርነትን ስቓይን ዓመታት እዩ ነይሩ ብምባል ደምዲሞም።ቀጺሎም እንተኮነ ግን መዓልቲ ናጽነት ናይ ኢሰያስ ወይ ናይ ህግደፍ ኣይኾነትን ብህዝቢ ኤርትራ ብናይ 30 ዓመታት ቓልሲ የሕዋትና ወልድና ኩቡር ደም ከፊሎም ኣምጺኦምልና ነዚ ድማ ናይ ምዕቃብን ነቲ ተሪፉና ዘሎ ሓርነት ኣብ ምምጻእን ሓላፍነት ኣለና ኢሎም።ካብኡ ቀጺሎም ኣብዚ ሕጂ እዋን መጺኡ ዘሎ ሓዱሽ ፋሽን ናጽነት ኣይነብዕልን ዝበሃል ስሚዒት ዘይህብን ትርጉም ዘይብሉን እዩ  ዝሓለፈ ሸውዓተ ዓመታት ዳኣ ኣበይ ነይርና ሸውዓተ ዓመት እንተዳኣ ተጋጊና ነይርና ንቓለስ ዘይኾናስ ንጻወት ኢና ነይርና ብምባል ገምጊሞም።ቀጺሎም ድማ ብሕጂውን ሃገራዊ ክብርታትና እንዳዓቀብና ክንቓለስ ኢና ኣብዚ ሕጂ እዋን ብዛዕባ ባንዴራ ናጽነት ስዋኣት ምዝራብከ ንምንታይ ኣድለየ ንሕና ብዛዕባ እዞም ዓበይቲ ጉዳያት ክንዛረብ ‘ከ መን ስልጣን ሂቡና እዚ ኣርባዕ ሚልዮን ህዝቢ ኤርትራ ዝውስኖ ጉዳይ እዩ ፡ናትና ሓላፍነት ከመይ ገይርና ንስርዓት ህግደፍ ንኣልን ህዝብና ካብቲ ወሪድዎ ዘሎ ኣደራዕ ነናግፎ ኢና ክንቃለስ ዝግበኣና ብምባል ሃናጺ ርእይቶ ሂቦም ብተሳተፍቲ እውን ዝተፈላለዩ ርእይቶታት ቀሪቦም ካብቶም ብተሳተፍቲ ዝቀረቡ ርእይቶታት ድማ ንሕና ዋናታት ዘይብሎም ናይ ፓልቶኽ ሃጠው ቀጠው ክንክተል ኣይኮናን ጽባሕ እውን ሰርዓት ህግደፍ ትግርኛ ስለዝዛረብ ትግርኛ ኣይነዛረብን ዝብሉ እንተመጺኦምና ስቕ ኢልና ክንስዕቦም ኣይኮናን ብምባል ንደንበ ተቓውሞ ንምብትታን ዝመጹ ዘለዉ ዋና ዘይብሎም ጽውጽዋያት ግዳያት ክንከውን ኣይንደልን ብምባል ደምዲሞም።

 ካብኡ ብምቅጻል ብህጻናት ሃገራዊ መዝሙር ተዘሚሩ በቶም ህጻናት ድማ ኬክ ተቆሪጹ ብድሕሪኡ ቃል መዓልቲ ናጽነት ብኣቶ ዮሴፍ  ተነቢቡ ኣቶ ዮሴፍ ኣብ መግለጺኡ እዚኣ  መዓልቲ ናይ ህግደፍ ዘይኾነት ናይ ህዝቢ ኤርትራ ኽብርቲ መዓልቲ እያ ኩሉ ግዜ ድማ ንውሉድ ወለዶ እንዳተዘከረት ክትነብር እያ ኢሉ።ካብኡ ንደሓር ክሳብ ዝወግሕ ብቲ ህቡብ ድምጻዊ ወዲ ትኻቦን ምዚቐኛታት ጉዶውን ቴድሮስ ኣሮን ረዘን ንደለይቲ ፍትሒ ላስቬጋስ ከዘናግዕዎም ሓዲሮም።

                                               ደልይቲ ፍትሒ ላስቬጋስ