ካብ ዝተፈላለዩ ኩርናዓት ዓለም ዝመጽኡ ዜጋታት ዝነበሩላ ብዙሓት ከም ግሎባዊት ከተማ ዝጠቕሱዋ ህዝብብቲ ከተማ ለንደን፣ ካብተን ዝዓበያ ከተማታት ምዕራባውያን ሃገራት ኣማኒ ምስልምና ከንቲባኣ ክኸውን ዝመረጸት ናይ ፈለማ ከተማ ኮይና።

እቲ ካብ ስደተኛታት ስድራቤት፣ ካብ ዘዋሪ ኣውተቡስ ከተማ ዝኾነ ኣቦ ዝተወልደ ኣባል ፓርላማ ሰልፊ ዕዮ ሰዲቕ ክሃን መዋዳድርቱ ሓደ ካብ መወዳድርቱ ኣባል ዓቃባዊ ሰልፊ ንሃይማኖታዊ እምነቱ መሰረት ገይሩ ምስ እስላማውያን ጥሩፋት ርከብ ከምዘለዎ ዘስምዕ ጎስጓስ ብምክያድ ካብ ኣድመጽቲ ከነጽሎ ኳ እንተፈተነ፣ እቲ ግሎባዊ ኣተሓሳስባ ዘለዎ ህዝቢ ለንደን ግን ነዚ ብድምጹ ብምንጻግ፣ ሃይማኖቱ ብዘየገድስ ኣብ ፖሊሲታቱ ብምድሃብ ንሰዲቕ ክሃን መሪጹ።

እቲ ትማሊ ከንቲባ ለንደን ኮይኑ ዝተመርጸ ሳዲቕ ክሃን፣ ናይ ተስፋ መልእኽቱ ኣብ ርእሲ ‘ቲ ናይ ምፍራሕ ጎስጓስን ጸለመን ምዕዋቱ ሓጎሱ ብምግላጽ፣ ንኹሎም ተቐማጦ ለንደን ብማዕረ ከምዘገልግል ተመባጺዑ።

ለንደን ልዕሊ 7.5 ሚልዮን ህዝቢ ዘለዋ፣ ዓባይ ግሎባዊት ከተማ እያ።