ኣብ ካናዳ እትርከብ ማኒቶሊን እትብሃል ደሴት ንሓሙሽተ ኤርትራውያን ስደተኛታት ዑቕባ ክትህብ ምዃና ‘ሳድበሪ ስታር’ ዝተባህለ መርበብ ሓበሬታ ኣፍሊጡ።

ምምሕዳር ናይታ ደሴት ሓፈሻዊ ኣኼባ ተቐማጦ ብምግባር ስደተኛታት ንምቕባል ድሕሪ ዝበጽሖ ውሳኔ ምስ ውድብ ሕቡራት ሃገራት ጉዳይ ስደተኛታት ብምርኻብ እዩ ነቶም ኣብ ሱዳን ኣብ መዓስከር ስደተኛታት ዝነበሩ ሓሙሽተ ኤርትራውያን ስደተኛታት ኣብታ ደሴት ከጣይሶም ወሲኑ።

እቲ ጋዜጣ፣ ኮምሽን ሰብኣዊ መሰላት ውድብ ሕቡራት ሃገራት ኣብ ዘቕረቦ ጸብጻብ ንደረት ኣልቦ ጥሕሰት ሰብኣዊ መሰላት ኤርትራውያን ከምዝመስከረን፣ ቅድሚ ‘ዚ ናይ ሶርያ ሰብኣዊ ቅልውላው ኤርትራ ዝዓበየት ኣፍራይስ ስደተኛታት ምንባራ ርኡይ ምልክት ናይቲ ኣብ ኤርትራ ዘሎ ኢሰብኣዊ ኩነታት ምዃኑ ‘ውን የረድእ።

Source: Manitoulin welcomes Eritrean refugees