ብምኽንያት ናይቲ ቅድሚ ሰሙን ኣብ ከተማ ድርስደን (ጀርመን) ኣብ ልዕሊ ኤርትራዊ መንእሰይ ሓታቲ ዑቕባ ካልድ እድሪስ ዝተፈጸመ ቅትለት ዝተኸሰሰ ስሙ ዛጊት ዘይተረቝሐ ምስኡ ኣብ ሓደ ገዛ ዝነበር ዝነበረ ወዲ 26 ዓመት ኤርትራዊ ኣብ ትሕቲ ቀይዲ ከምዝኣተወ ካብ መርበብ ሓበሬታ Deutsche Welle ዝረኸብናዮ ዜና ኣገንዚቡ።

እቲ ብቕትለት ተኸሲሱ ዘሎ ሰብ ብመሰረት ውጽኢት ናይ DNA መርመራ ጭብጢ ምስ ተረኽበሉ ከምዝተኣሰረ እቲ ሓበሬታ የረድእ።

እቲ ብገበን ተኸሲሱ ተታሒዙ ዘሎ ዜጋ ንገዛእ ርእሱ ኤርትራዊ ብምዃኑ ነቲ “ብዓሌታዊ ጽልኢ ዝተበገሰ ቅትለት እዩ” ተባሂሉ ተላቢዑ ዝነበረ ጥርጠራ ዘወግድ ኮይኑ ተረኺቡ ኣሎ።

እቲ ፍጻሜ ኣብታ ዓሌታዊ ምንቅስቓስ ጀርመናውያን ዝተዋዓዋዓላ ከተማ ድርስደን ኣብ ልዕሊ ምፍጻሙ ኣብ መንደቕ ናይቲ ካልድ ዝተቐትለሉ ህንጻ ኣርማ ናዚ ጀርመን ‘ውን ተሳኢሉ ብምጽንሑ ነቲ ጥርጣረ የሐይሉዎ ከምዝነበረ ይፍለጥ።

ብሰንኪ ‘ቲ ዓሌታዊ መኣዝን ሒዙ ዝነበረ ጥርጠራ እቲ ጉዳይ ኣብ ማዕከናት ዜና ዓለም ኣቓልቦ ኣብ ርእሲ ምርካቡ ናይ ደገፍን ምድንጋጽን ሰላማዊ ሰላማዊ ሰልፍታት ክሳብ ምልዕዓል ‘ውን በጺሑ ቀንዩ እዩ።

ምንጪ፣ Deutsche Welle