ኣንታ ንሕናስ ጹቡቕ ኣለና

ከፊኡ ዘሎስ ናይ ህዝብና

Tesfamariam Wel.

03/01/2015Norway

 

መጸ ድማ በዓል ሓዲስ ዓመት

ህግደፍ ከብዱ መሊኡ ክጻወት

ርኹባት ዝነበሩ ኣደራዕ ድኽነት

ከሕልፎዩ ጸሊም ዓውደ ዓመት

 

ዘመነ ህ.ግ.ደ.ፍ እንኳን ዝብላዕሲ

ኩባያ ማይ ተሳኢኑ ጎሮሮ መተርከሲ

ከም ፐንሰሊን ኮይና ከም ፈውሲ

ታይተሪፉዋ ክትስቀል ኣብ ፋርማሲ

ብሓኪም ክትእዘዝ እያ ተጸኒሖምሲ

 

ጠለ በጊዕ ዝብለዓሉ ዝነበረ ቤት

ደርሆኳ ተሳኢና ንምልክት ልደት

ከሕለፎዩ ተኾርሚዩ ኣብ ጸልማት

ዓመታት ኣቑጺሩ ኣብ ሽግረ መዓት

 

ደርሆ ተሓሪዳ መተካእታ በጊዕ

ዋጋኣ ከቡር ንኹላሶ ዘይትበቅዕ

ሓደ ኪሎ ዘይትምዘን ደም ብላዕ

መጸየቕ ኣፍ ተሓይኻ ዘይተጉስዕ

 

እንዳ ጀነራላት ስቡሕ እናተሐርደ

ተኾርሚያላ ጅግና ዝወለደት ኣደ

ብማዕዶ ትሽትቶ ስጋ ዘዝተ ሓርደ

ጉድ ክንሪ ኢና ህግደፍ ምስተፈርደ

 

መስጣ ዝኹሉ ግፍዒ ንህዝቢብድዐ

ስልጣኑ ኣሚኑ ንግዜኡ በይኑ ተበልዐ

መዓልቱ ቀሪባያ ዘይንብረቱ ዝመንዘዐ

ሎም ዘመን ዓመቱዩ ንጭኩን ዝተወጽዐ

ክርህዎዩ በዞም ስርዓት ሸፋቱ ዝተገፍዐ

 

ቀደም ተበሊዑ ጮማ በብዓይነቱ

ዞም ሓሳዳት ህግደፍ ከይተመስረቱ

ጠሚዩ ኣይፈልጥን ብዝሓለፉ ገዛእቱ

ጽቡቕ ነይሩ በብዓቕሙ ከም ክእለቱ

 

ጥሜት ጥራይ ከይኣክል ነቒጹ ጎሮሮ

መስኪናይ ህዝብና ንመንዩ  ዝነግሮ

ካባና ሓሊፉ ንመን እጸበ መን ክዝክሮ

ህግደፍ እኳ በላዕ በይኑ ስሱዕ ደንቆሮ

ሃባምበር ክንካ ዘይብል ከምዘን ዓጣሮ

 

ህዝብና ጸልሚቱዎ ሲሒቱ ኣእሙሮ

ዘይፈልጦ ሕማማት ኣሕዲሩ ዘይነበሮ

ብዙሕ  ሕማም ኣጥርዩ ሽኮር መንሽሮ

ብዝሒ ደም ሕማም ልቢ ዘይትቆጻጸሮ

 

ህግደፍ በላዕ ሰብ ናይ ከተማ ኣራዊት

ስርሖም ስራሕ ጋኒን ሸየጥቲ ኮላሊት

ማይ ገዲፎም ዝሕጸቡ ብደም ኣሕዋት

መስለኩምዶ ምሽቱ ዲክታቶር ዝዕወት?

 

ንግዜኡ ድላይኩም ዕበዱ ስኸሩ ሳዕስዑ

ብሰይጣናዊ ተግባር ዓንድሩ ከም ቆልዑ

ብህዝቢ ሓጭጩ ተላገጹ ቁማር ተጣልዑ

ግን ስልጣንኩም ኣብቂዑዩ ከይትዝንግዑ

መገድኹም ጽረጉ ህዝቢ ከይሓነነ ተጸግዑ

 

ህግደፋዊ ብህግደፍ ተቖሪንካ ትነብር

ጽንዓት ይሃብካ እምበር ታይሞ .ገበር

ናይ ህግደፍ ሕሰምሲ ንደርጊ የዘኻኽር

ቀራን ተንኮለኛ ፍጥረት እከይ መጋብር

 

ቀሪብናና ጽናዕ ኣንታ ዉጽዕ ህዝቢ

ኣይትፍራሕ በሎ ኣግሂድካ እምቢ

ታይ ትጽበ ድሕሪ ምሻጥ ኩሊት ልቢ

ንጽዓር ንምጉሓፉ ህግደፍ ከም ከልቢ

ሸያጥ ናውቲ ኣካል ደቅ ሰብ ጸረ ህዝቢ

 

ብዓያሹ ህግደፍ ተበጽቢጽና

ካብ ኣድጊ ጥርልካ ናብ መኪና

ብፍረኖ ዘይብለን ኣጽሚሞሙና

ደቂ ህዝቢ ጉድምበር ረኺብና

 

ጃንዳ ህግደፍ ንብረት መናጢላ

እናኸተረት ጁባ ደቅሰብ ኣንኲላ

ከይሰርሐት ሚልዮናት ኣዋህሊላ

ካብ በዓቲ ናብ ዘይትፈልጦ ቪላ

 

ኣባይቲ ሃገርና ብሸፋቱ ተወሪሩ

ካብ መድሕኑ ተቐብረሉ ተባሪሩ

ካብ ዓደቦኡ ተደርብዩ ደገ ሓዲሩ

ወደባት መሬቱን መንነቱን ተሃጊሩ

 

ብዘመነ ህግደፍ ህዝቢ ተዳሂሉ

ንብረቱ መንዚዖም ናተይናብሉ

ንዘይፈልጥዋ ደቀስመራ ክመስሉ

ሱኩፋት ወገን ሱልጡናት ክባሃሉ

ግዜ ንጸበ ጽባሕ ኣበይ ከምዘብሉ

መሬት ንዋንኡ ምኳኑ የስተውዕሉ

 

ኤረና ኩሑሎ ሎም.ዘመን ሓዲኡሎ